العصر اليوم الثاني بديوانيه عند ابو حمد
ابو رايد الي جالس يسولف مع ابو حمد وناوي يكلمه بموضوع بباله من وقت وهذا وقته
ابو رايد : أقولك يابو حمد
ابو حمد الي لاحظ جدية ابو رايد : سم ياخوي
ابو رايد : سم الله عدوك لكن جايك وطالبك ونشاءالله ماتردني ويصير ع خير
ابو حمد الي عدل جلسته : امر بس
ابو رايد : بطلب وحده من بناتك لولدي راشد
ابو حمد الي ابتسم : أبركها من ساعه والله
ابو رايد الي كان من زمان يبي يقوي علاقته بخوه ويناسبهم : بنجيكم الليله وبنطلب بشكل رسمي نشاءالله
ابو حمد : حياكم الله
..
عند نوره الي جالسه بصاله وطفشانه مافي احد حتى سيف الي تمون معه راح الشركه سمعت صوت عزيز يلعب اتجههة تجاهه الصوت وكانت الخدامه تلعبه
نوره ناظرتهم وابتسمت : ماما وين
الخدامه : ماما روح في موعد مستشفى
نوره الي يطالعها عزيز بستغراب جلسة جنبه وباسته على خده كان شكله كيييوت : خلاص روحي انتي أنا بلعبه
الخدامه الي خافت تعصب عليها ام سيف :بس ماما مايسمح
نوره الي رفعت حاجبها : قلت بلعبه اتركينا
الخدامه الي خافت من نوره تهاوشها وطلعت
نوره الي ابتسمت وقربت وشالت عزيز بحظنها : هلا هلا يروح أختك تعرف من أنا
عزيز الي كان خجول اشر براسه لا
نوره ابتسمت :يروح أختك أنا أختك من بابا
عزيز الي ابتسم من شاف الغمازه وحط يده عليها : متل بابا
نوره الي أخذت أصبعه وباسته
..
بالبيت ابو رايد
شوق الي جالسه تصلي وتدعي ربها يسامحها على الي سوته لعب الشيطان برأسها طالعتها نجد
نجد : شووق
شوق الي لفت عليها وجلست على السرير
شوق : هلا
نجد : تخيييلي سمعت ابوي اليوم متكلم مع امي بيخطب لراشد من عمي لكن امي مقومه الدنيا
شوق الي انصدمت :اماا وليه مو رايد
نجد : وتتوقعي رايد يرضى ببنت ديره تعرفين تفكيره
شوق : وش فيهم بنات الديره احلا من بنات المدينه مليون مره
نجد الي استغربت دفاعها عن بنات الديره الي كانت تكرهم :معرف
شوق قامت وطالعة من شبابك الي كان ياسر نازل ومعه حسين صدت عشان مايشفونها
..
ياسر وحسين الي نزلو وكان أبوهم عنده شياب من ديره سلمو وجلسو
ياسر همس لحسين :جسوري وين
حسين : بمحل ومعه وليد
ياسر : انت ثور دامك تتدري أنهم بمحل ليه ماقلت بدال جلسة هشياب
حسين : شدراني انت قلت نشوف ابوي
..
البنات الي جالسين بسطح يتقهوون وأمهم الي راحت تسير
نوف : بنات نوره تتوقعون متى تجي
وسن الي منسدحه وحاطه رأسها على رجل نوف وتطالع الغيوم : معرف كلمتها مقالت شي
وضحى الي تراسل عزيز
وسن طالعت نوف وغمزت لها : شوفي شوفي مو هذا عزيز
وضحى :وين
البنات الي ضحكو عليها
نوف : بنت لا يأخذ عقلك
وسن الي عدلت جلستها :وضوح اقدر أقولك شي واتمنى ماتزعلين مني
وضحى الي تركت الجوال :لبيه سمي
وسن : لا تتكلمي معه كثير خلي عندك وقت لنفسك الحين من يشوفك قدامه أربع وعشرين ساعه يمل خلي عندك أشياء يكتشفها بعد زواج بختصار اثقلي
نوف : اي لاحظت ولله وضيح ماخبرك خفيفه خليك ثقيله لا تصيري خفيفه
وضحى الي تدري ان البنات يبون مصلحتها وصح من عطاها رقمه ياسر بس تراسله حتى مانامت إلا الفجر : بنات ولله ادري بس ماقدر أتجاهل رسالته
وسن : يبه عيشي حياتك مثل قبل اعتبريه إضافه حلوه بس مو تخليه كل حياتك
نوف : اتفق
وضحى : نشاءالله
إلا سمعو صوت جاي طالع
نوف الي فزت :حمد
حمد الي بعد ماطلع من عند نوره توجهه الديره
حمد الي قرب لهم وبنات قامو سلمو عليه
نوف الي تطالع حمد الي شكله تعبان مره ومو نايم
حمد : جاي آخذ أوراق لي نسيتها وبرجع الرياض وين امي
نوف : امي راحت تسير على وحده
وضحى طالعة حمد : حمد لا تمشي وانت هذي حالتك
حمد الي تذكر انه مبارك لوضحى غير بجوال قرب ومنها وحظنها: خليك مني ألف مبروك يروحي جعله بداية خير لك
وضحى الي حظنت حمد :الله يبارك فيك ياخوي لكن تكفى حمد طلبتك لا تروح وانت هذي حالتك
حمد الي كان يحس بدوخه بس يحاول يمسك نفسه : لا ماعليه
وسن الي تطالع بصمت ناظرها حمد وعرف ان نوره قايله لها لن هي اقرب لنوره من اخواته ولا مو هذي وسن
حمد الي كان بيمشي لكن تمسك بجدار حس بدوخه قويه البنات الي ركضو عليه
نوف بخوف على حمد :حمد شفيك
حمد الي يحاول يصحصح وقام :مافيني شي بروح ارتاح بغرفتي صحوني باليل
وضحى : حمد لا تنام خل اسوي شي تأكله
حمد : لا يابعدي بنام مو مشتهي
حمد الي راح لغرفته اهمل صحته كثير
نوف الي جلست وجلسو البنات
نوف : ياعمري حمد اول مره أشوفه بهحاله
وضحى الي فعلا حمد الجامد واقوا واحد بخوانها تشوفه بهالحاله:اي ولله
نوف : كله من نوره الكل شايف حب حمد لنوره وحمد مصار فيه هشي إلا من بعدها
وسن الي هنا مستحيل تسكت : حبيبتي لا ترمين اتهامات من عقلك يمكن اخوك غلطان مو نوره
نوف الي تتكلم من قهرها على حمد : لا ياحبيتي مو حمد اكيد لكن الست يمكن عجبها حياة العز ومعاد تبي حمد
البنات الي ناظرو نوف بصدمه
وضحى : نوف الي تتكلمين عنها تراها متربيه معنا من صغر وكلنا نعرف نوره زين عمرها ماهمها هسوالف
وسن الي عصبت : حطي عقلك برأسك مو عشان قهرك على اخوك ترمين التهم من رأسك هو اخوي كمان لكن نوره اعرفها زين
وسن الي قامت ونوف الي قالت هشي من حزنها على حمد وحالته وضعفه
..
ام سيف الي داخله البيت ولقت الخدامه سالتها عن عزيز قالت انه مع نوره عصبت من سمح لها تقرب ولدها دخلت على نوره الي كانت تلعب عزيز وضحكهم واصل القصر كله
ام سيف الي قربت وسحبت عزيز بقوه من نوره
نوره الي عصبت من سحبتها كذا : شوي شوي الولد صغير
ام سيف : ولدي ومالك دخل ولعاد أشوفك تقربين منه
نوره الي رفعت حاجبها : وليه ماهو اخوي
ام سيف الي رفعت صوتها وماانتبهت للعيال الي جو وأبوهم معهم : ماهو اخوك يابنت مها لعاد تقربيه لا ولله تشوفين شي مايعجبك
ابو سيف الي عصب : منهو تهدديه يامره
ام سيف الي طالعة ابو سيف وعيال جنبه :قووول لابنتك لا تقرب من عيالي
ابو سيف الي عصب وقرب : وششش فيها بنتي ماتقرب لهم مابها مرض وأختهم وحقها تقرب لهم
ام سيف الي معصبه : ولله ثم ولله لو قربت من عيالي لاخذهم واطلع
ابو سيف الي عصب اول مره احد يهدده كذا رفع يده بيضرب ام سيف وعيال الي صارخوا لكن نوره الي كانت قريبه مسكت يده : أيدك يامحمد لا ترفعها
ابو سيف : اتركيني يانوره هاذي قليلة حيا أنا تهددني بعيالي
نوره الي عصبت: مااالك حق تمد يدك عليك ولله يامحمد لو مديت يدك عليها انك معاد تشوف شعره مني
ابو سيف الي عصب وطلع والعيال الي واقفين بخوف على امهم
ام سيف الي دموعها نزلت خافت كثير من ابو سيف تخاف من عصبيته
لفت عليها نوره : لا تبكين ياام سيف معاش من يمد يده عليك وعلى عيالك ماراح اقرب ارتاحي من هناحيه
سيف الي قرب وحظن أمه وعزيز الي حاظن أمه وخايف
نوره الي كانت بتطلع وراكان الي ناظرها نظرة شكر
..
باليل بدوانيه الكل مجتمع والي انصدمو من وجود حمد وحمد الي قرر يجلس ويروح الصبح
ابو رايد : ابد يابو حمد أنا كلمتك الصبح الحين بطلب منك بشكل رسمي
الكل اللتفتت على ابو رايد
ابو رايد يكمل : طالبين بنتك الكبيره لولدنا راشد على سنه الله ورسوله
الكل أنصدم متوقعو وحتى راشد نفسه منصدم أبوه ماكلمه حطه امر الواقع
ابو حمد ابتسم : ابد حياكم الله لكن تعرف لازم ناخذ رأي البنت
ابو رايد : الي تبونه وردو لنا خبر
رايد الي طالع راشد منصدم راشد مقاله شي
..
عند البنات الي جالسين مع امهم بصاله
حسين الي ارسل لوسن اختك جايها عريس
وسن الي استغربت :يمه في خطاب اليوم
ام حمد الي كلمها ابو حمد : ايي ابو رايد عمك جايين يخطبون نوف
وضحى يفرحه : مشاءالله لمين اي واحد منهم
نوف الي استحت لكن خايفه يطلع رايد
ام حمد : أبوك قالي راشد أظن
نوف الي بانت الراحه بوجهه وسن الي فرحت لها تعرف من زمان نوف شكثر معجبه براشد
وضحى الي قامت وحظنت نوف : يروووحي ألف مبروك
نوف الي استحت متوقعة أبدا راشد يبادلها نفس شعور : الله يبارك فيك
وسن الي طالعتهم وابتسمت طالعتها نوف وردت الابتسامه
ام حمد : وسن يمه ودي قهوه هي على نار
وسن قامت : تآمري يمه
..
بديوان الي طلع راشد ورايد لحقه ووقفو بمررر مابين ديوان والبيت
رايد الي مسك راشد :وين طالع
راشد الي معصب ليه أبوه مشاوره : طالع أخذ هواء
رايد :وليه ماقلت لي انك بتخطب
راشد الي تنهد :على أساس أنا ادري هذاني توي عرفت
رايد الي أنصدم :من جدك
راشد : اي ولله
وسن الي كانت جايه تعطي القهوه لجاسر لكن وقفها صوت رايد وراشد
رايد : راشد تراك مو مجبور عليها يمديك تدخل وتقول مابي ياعم
راشد : مو قصة ماابيها لكن ماهو كذا
رايد الي حسب راشد مايبي : يبه ولله مانت بمجبور تأخذ من بنات الديره
راشد الي كان بيرد لكن سمعو صوت من ورى
وسن الي كانت سامعه حوارهم هذا هو الرخمه الي بتزوجه يبه بنتك ولا صدمتها من رايد : ياراشد مانت بمجبور على اختي اختي مكرمه عنكم وإذا انت مب رجال ولا قد كلمه انعطت غيرك رجال وياخذها وقول للي معك بنات الديره مايعيبهم شي ومياخذهن غير الرجال والحين لا أشوفكم هنا لا ولله أقول لابوي كلمتك ذي واخليك تتحسف على كل كلمه تقولها
العيال الي انصدمو بوجودها وكان باين ظلها بس من ورى الباب راشد الي شلون يفهمها انه فهمت غلط لكن قاطعهم صوت احد جاي من ديوان وانسحبو
جاسر الي جاي يأخذ القهوه
طالع وسن الي وجهاا احمر :شفيك
وسن بقهر : جاسر ترضى لأختك المذله
جاسر : لا تعقبين معاش الي يذل اختي وانا حي وش فيك انطقي
وسن الي شرحت له الي سمعته ماترضها على نفسها تتزوج واحد مجبور عليها ولا ترضاها على اختها
جاسر الي أشدت ملامحه : اخخ يارخمه ياراشد طلعت كذا لكن هين ادخلي
وسن الي دخلت ارتاحت من قالت لجاسر تعرف بيجيب حق اختها غصب عنهم
..
نوره مانزلت على العشاء دق الباب وكان راكان
راكان : عادي ادخل
نوره :ادخل ياخوي
راكان الي رد الباب وراه وجلس جنبها : ليه مانزلتي للعشاء
نوره : حسيت الجو متكهرب ومالي خلق اعكر مزاجي
راكان ابتسم : جيت أشكرك على الي سويتيه اليوم
نوره : لا ياخوي لا تشكرني هذا شي مااسمح فيه
راكان : تعرفين انو مو اول مره احنا مانقدر نتدخل لن ابوي قد نبهنا مانتدخل بينهم
نوره الي شدت ملامحها : لا ياراكان بتتدخل أمك لا تنضرب قدامك من محمد ولا غيره تكسر أيد الي يمد عليها
راكان : ادري لكن عصبية ابوي محد يقدر يواجهها غير جدي وحاليا انتي وجدي لن اليوم لو غيرك الي تدخل ممكن يصير شي مو زين لكن واضح يعزك كثير
نوره : معزة ايش يابعدي
راكان : يعزك ولله كثير هذا مو ابوي الأول صاير يخفف العصبيه وصاير يجلس بالبيت اكثر من الأول وانا ادري عشان يبي يسولف معك
نوره : خلينا من سيرته بالله قولي انتي شحالك طمني عنك
راكان تنهد :مافيني إلا كل خير
نوره الي لاحظت من اول راكان فيه شي غريب لكن يخبي بتخليه على راحته لحد ميقول بنفسك
كانت بترد إلا هذي دخلت سيف
سيف :ايييش الخيانه ذي
نوره الي ضحكت
راكان :سيييف يازق كم مره أقولك تطق الباب قبل متدخل
سيف وهو يجلس : مب غرفتك غرفة اختي
نوره الي ابتسمت من كلمة اختي : خليه على راحته
سيف وهو يرسل بوسات بهوا :شوف شوف حتى هي راضيه
راكان طالع نوره :دامك ماتعشيتي نطلع برى ناكل
نوره:ويين
سيف الي نط جنب راكان :قصده مطعم وانا بطلع معكم
نوره : اي ولله مليت ابي غير جو
راكان ناظر الساعه عشره ونص :تتوقع ابوي بيخلينا
سيف :ماظنتي
نوره الي قامت تطلع عبايتها وطالعة النقاب تذكرت حمد اشتاقت له رغم انه رايح امس أخذت النقاب وطالعتهم جالسين :شفيكم ماتبون تطلعون
راكان :أي بس ابوي
نوره:اطلعو جهزو ماعليكم أنا بكلم محمد
ابتسمو العيال وطلعو يجهزو اغراضهم
نوره الي احتارت ترسل لحمد ولا لكن أرسلت انو بتطلع تتعشاء مع اخوانها
