العذارى من جمالك في خصام يا غزالٍ بان حسنـه في صباه

5

يازين شوفتك لاصارت العين بالعين
وارتجف الخافق منَنظرة عيونك .

باليل العشاء
توقف سياره ببيت قبال بيت ابو حمد والي كان لاخوه ابو رايد نزلو البنات والعيال كأنو سيارتين
أبو رايد : ارتاحو والعيال تعالو معي نسلم على عمكم
نزلو البنات دخلو مع امهم
توجهو تجاهه بيت أبو حمد  الي كأنو العيال بديوانيه مع أبوهم
أبو رايد : يااهل البيت
أبو حمد الي فز من شاف اخوه : ارحب ثم ارحب حياك ياعين اخوك
دخلو العيال مع أبوهم يسلمو
قام حسين يقهوي
أبو حمد : شحالك ياخوي طمني عنك وكيف الأهل
أبو رايد : الحمدالله تمام أنت طمني عنك
أبو حمد : دامني شفتك أنا بخير ياخوي
راشد وهو يهمس لياسر : ولد قوم خل نطلع ودي امشي  بديره وأسلم على العيال
ياسر قام وقام معه راشد :رايد تجي تسلم على العيال
رايد  :يلا
طلعو العيال مع ياسر راحو استراحة الشباب الي دايم يتجمعو فيها
..
وسن الي كانت تناظر من سطح من سمعت انو عمها جاء وكان الديوان كاشف على السطح :يالبيه يابنات  ولله متغير مره
نوف وهي تناظر معها لكن نظرها على راشد
وضحى وهي تجي من وراهم : بنااات وجع شتسووون
وسن : تعالي كحلي عينك بمزاايين عيال عمك
ركبت وضحى جنبهم شافتهم وهم طالعين مع ياسر :ياعمري حسين انحشر مع الشياب
..
بابيت ابو رايد
شوق وهي ترتب أغراضها : ياربي مانطول هنا
نجد : ماظنتي ولله أبوي ناوي هالمره يطولها
شوق : حتى أنا حسيت أبوي كذا بذات إجازات لكن تخيلي اقعد بديره شهرين يمه بختنق ولله بس نشاءالله ماما تقنعه نروح بدري
نوف : أي
..
اليوم الثاني العصر  العيال كلهم تجمعو عشان يضبطون العزبه للعشاء عند حلال ابو حمد  (ممكن تنذكر أسامي جديده بس كلهم ربع الشباب )
وليد : ولد من الي يذبح منكم
حسين وهو يشيل الفرش : ولله أبوي طلب من ياسر يذبح شوفه استعجلو قبل متغرب الشمس
ناصر : ياسر وينه اختفى ولله عمي أبو حمد بيقضي عليه لو درى انه لسى ماذبح
ياسر الي كان جاي بشاص ومعه راشد ومعهم  حطب بسياره لن الجو صاير بارد مره
جاءه وليد : صف صف يمين
وقف السياره ونزل ياسر
وليد : ولد الذبيحه وين
ياسر : الحين بطلعها
راشد الي نزل : ولد روح اذبح ويساعدك وليد وأنا بنزل الحطب
رراحو العيال يلحقون قبل مايجون أبو حمد وأبو رايد
ويقلب عليهم أبو حمد
..
عند البنات الي كأنو يجهزون القهوه بترامس عشان يسهل ويجهزون الحلا الي بيأخذونه
نوره الي كانت بغرفتها تجهز نفسها بعد مخلصت شغل الحلويات مع البنات
..
عند بيت أبو رايد   الي كأنو برضو يجهزون عشان قال لهم رايد شوي  ويجي يأخذهم يوديهم العزبه
نووف وهي تطالع  من شباك : الجووو يجنن مغيم
شوق وهي تقرب عندها وتطالع : هذي الشي الي يشفع لديره جوها بس
البنات وهم يطالعون من شباك إلا وسياره توقف عند بيت أبو حمد وينزل حمد  وهو لابسه بدله ونظارات
شوق وهي تناظره بأعجاب : هذا مين
نوف وهي تناظر : مدري اول مره أشوفه بس اظنه من عيال عمي
شوق الي ظلت تناظر حمد لحد مدخل
..
بديوانيه كان ابو حمد وأبو رايد وأبو جابر
حمد الي دخل : السلام عليكم
...: وعليكم سلاااام
دخل حمد  يسلم ويحب على رأسهم
وهو يجلس ويسال عن حالهم
أبو رايد : هلا بحمد تو مانورت الديره
حمد وهو يصب له فنجان: بنورك ياعم كيفك ياعم وكيف الأهل 
أبو رايد :ولله على ماتحب الحمدالله
أبو حمد : حمد أنا بروح أنا وعمك وأبو جابر العزبه جيب الأهل وألحقنا
حمد الي اتصل عليه ياسر وقاله انه به عزيمه اليوم لعمه : ابشر يبه
..
بمطبخ
أم حمد : اخلصو يابنات بسرعه جهزو الأغراض على الباب العيال يشيلوها
وسن :يمه من بيودينا
أم حمد : هو المفروض مع أبوك بس مدري مقالي شي نوره وينها
وضحى : طلعت غرفتها تجهز لن ماجهزت ابتلشت بحلويات
أم حمد :أي زين جاسر ماتصل اليوم
وضحى : إلا يممه اتصل بس ماكنتي هنا  وكلم أبوي
أم حمد وهي قلقانه على حياة جاسر لحاله : الله يهديه ليته بقى ولا راح
إلا هذي دخلة حمد
أم حمدد: هلاااا بنظر عيني
حمد ابتسم وهو يبوس راس أمها : هلابك يغاليه طمنيني عنك
أم حمد : بخير ياولدي بشوفتك
والبنات يسلمون على حمد
حمد : وين نوره
أم حمد : فوق بغرفه
حمد :يمه أبوي راح مع عمي قال أنا بوديكم بس بغير ملابسي واجي
أم حمد : طيب يمه
طلع حمد غرفته فتح الباب الا ويشوف نوره قدامه قاعده تسوي خلخالها  ناظرها من تحت لفوق كانت لابسه فستان اسود ماسك ومبين مفاتنها اول مانفتح الباب طاح من يدها
حمد وهو يكسر الباب : وراك انخرشتي مب جني داخل عليك
نوره وهي تناظره اول مره تشوفه بالبدله كان شكله حلو مره : حتى الجني اشوا منك
حمد وهو يقرب منها : هذا سلامك لزوجك
نوره وهي تتقدم تسلم عليه وتمد يدها  : الحمدالله على سلامتك 
حمد وهو يسحب نوره عليه مقدر يقاوم الحلا هذا كله قدامه ويصير بارد قربها منه بحظنه وعضها من نحرها
نوره :  حمد وجعععع
حمد الي مستمر
بعدت نوره عنه :حمد ابعد
حمد وهو تنرفز من حركتها ونفورها منه
نوره وهي شايفه العصبيه على وجهه وهي تقرب منها وتهمس بأذنه  : خلك قد كلمتك ماتقول ماتبيني خلك بعيد عني اجل
حمد بعد بعصبيه : جهزي لي ثوبي وبخريه بأخذ لي شور سريع
دخل حمد ونوره مسكت يدها عشان توقف رجفان من حركته و طلعت له من ثيابه ونزلت تجيب البخور وفحم من مطبخ
نوره : وسن وين الفحم
وسن وهي تطالع نوره : بنت ترانا عزابيه عيب
نوره الي ناظرتها بستغراب :وشو
وضحى ضحكتتت : قصدها الي على نحرك يابعدي
نوره وهي تتذكر عضت حمد وتحط يدها عليها الله يأخذك يحمد كانك فضحتني ابتسمت تلطف الجو وهي تدعي على حمد
وسن وهي متيه ضحك  على وجهه نوره : خذي خذي البخور بس لا تذوبي عندنا هنا
نوره وهي تضرب كتف وسن : كلي تبن
أخذت البخور وطلعت فوق تبخر قبل ميطلع ماتبي تواجهه واخذت عبايتها وراحت لغرفة البنات عند نوف
..
بعزبه
عند الرجال الي شبو النار ويسون القهاوي وكان مشرف عليهم أبو حمد
أبو حمد : وين حمد مجاء
حسين كان بيرد بس كان حمد جاي بسياره ووراه رايد : هذا هم يبه جو
بسياره مع حمد الي كان أم حمد جالسه قدام والبنات ورى ونوره الي كانت راميه الغطوه على وجهااا وقف نزلو البنات يأخذون الأغراض ونوره الي كانت يادوب تمشي لن اول مره تلبس غشوه حتى الشهر الي فاتت طنشت كلام حمد وكانت تلبس لثمه  ولا الكعب الي يغرس بتراب قرب منها حمد  :حركي الرجال يطالعون
نوره وهي شوي وتصيح  : حممدددد مقاعده أشوف شي
حمد الي مسك ضحكته عليها  ويسوي نفسه معصب : امشي عدل بلا دلع
نوره وهي تمشي وتتعثر مسك يدها حمد
حمد : خليك ماسكه بيدي بدلك على الطريق محد مقالك ما تشترين نقاب
نوره الي بس تبي توصل وتفتك من هطرحه
شوق الي كانت تطالعهم من بعيد وهي نازله من سياره  : هذي مين الي معه
نووف : أبوي قال واحد منهم اعرس قبل شهر شكله هو وهذي زوجته
شوق الي انقهرت انه متزوج  مشت مع أمها ودخلو واستقبلوهم أم حمد والبنات وجلسو  وشوق عرفة انه نوره زوجة حمد وتجمعو أهل الديره بعشاء ونوره والبنات الي كأنو مشرفيين على العشاء
نوره الي لاحظت نظرات شوق لها بس طنشت راحت تشيك على العشاء
قامت وشوق لحقتها
نوره الي كان حمد مرسل لها تطلع له عند العشاء يبي يشيك عليه وتفتح له طريق  أرسلت له تعال
شوق : أنتي زوجة حمد
نوره بستغراب : أي محتاجه شي
شوق كانت بتتكلم بس قاطعهم جيت حمد  لكن اول مشاف شوق صد
ناظرته شوق وتقدمت له الي كان عليها بس عبايتها ومفتوحه وبصوت مايع  : هلابك يولد عمي
حمد الي استغرب من جرئتها  : تستري يابنت العم
شوق الي عدلت الطرحه فوق رأسها : هذا طبعنا يولد عمي
لف عليها وكان يدري ان بنات عمه كاشفات وهذا كان يكرهه بتربية عمه رد عليها وهو يناظر الأرض : شحالك يابنت العم
شوق بجرئه : دامي شفتك أنا بخير
نوره الي كانت تناظر الموقف بصدمه لكن من قالت كلمتها ذي طلعتها من طورها قربت لهم  تقرب من حمد وتصير بوجهه قدام شوق  وبدلع : حبيبي العشاء باقي عليه شوي
حمد الي أنلخم من كلمة حبيبي ولا نوره الي ناظرت حمد الي منصدم لفت على شوق : ياروحي ادخلي تدفي لا تاخذي برد
شوق الي انقهرت من حركة نوره ودخلت
حمد الي ابتسم  من غيرتها عليه
نوره ناظرت ابتسامته : لا تصدق نفسك قدامهم بس  ادخل شوف العشاء وتوكل الديوان
حمد وهو يقرب منها : ليه خايفه أناظر غيرك
نوره وهي تبتسم بستهزاء : لا  ياحبيبي أنت مصدق نفسك كثير 
حمد ضحك : حبيبي اجل كثري منها عجبتني
نوره صدت وعطته ظهرها وهي تتوعد بشوق قليلة الحيا وذا مصدق احد يعطيه وجهه
..
عند الرجال الي صفو عشان يبدا العب وقعدو يرددو غنية ياعوض هو غايتي ومرادي واخذ السيف أبو رايد وأبو حمد يرقصون  والعيال ويردوون