نوره طالعة الباب وكان حمد فعلا ركضت نوره على حمد وام سيف الي بقت برى استحت تدخل وقالت لراكان تنتظرهم برى بسياره
عند نوره الي دخلت على حمد وركضت عليه الي كان توه صاحي بصدمة الي كأنو موجودين نوره : حمددد يوووجعك شي
حمد الي ابتسم رغم الألم من كتفه :لا يروحي
نوره وهي تضربه على كتفه : وجععع خوفتني طيرت قلبي من مكانه
حمد : اييي يامسلمه هدي كتفي
نوره الي استوعبت : اسفه ولله مقصدي
حمد الي مو منتبه للموجدين بصوت كله شوق: خفتي علي
نوره ناظرته : اكيد بخاف عليك مب زوجي انت
حمد : اهاا عشان زوجك بس مو حب منك
نوره الي كتمت ابتسامتها
إلا شخص يتنحح وراهم
حمد الي الي ابتسم بحراج ونوره الي نست وجود ابو البنت وبنت وراكان لفت عليهم راكان الي كاتم ضحكته بعدت وراحت عند راكان ورجال الي تقدم لحمد : الحمدالله على سلامتك متشوف شر
حمد الي ماعرفه : الشر مايجيك
ابو نجلاء : أدري مستغرب من أنا أنا ابو البنت الي انقذوتها وهي بنتي نجلاء وحبيت اجي أشكركم
نجلاء الي كانت ميته ضحك على الرومنسيه الي صارت قدامها لكن كتمت ضحكتها وتقدمت لبوها : ماقصرت لولا الله ثم انتم مدري شصار فيني
حمد الي يادوب يتكلم :ماسوينا إلا الواجب وبنتك هي أختنا وكلابه يجيهم مصيرهم
ابو نجلاء : الله يحميكم وينصركم يارب ويعطيكم العافيه والحين نستأذن تريح ياولدي
حمد : ابد موفقين واحنا بخدمتكم دايم
طلع ابو نجلاء ونجلاء معه ونوره الي قزت نجلاء لن كانت عيونها على حمد وقريبه منه صدت وقربت منه حمد : انت متووووب
حمد طالعها بستغراب : وش سويت
قاطعهم راكان الي يسلم على حمد : الحمدالله على سلامتك يانسيب
حمد : الله يسلمك
راكان : الحمدالله عدت خير
حمد : اي ولله عدت بااقل أضرار
نوره الي جلست جنب حمد
حمد : اهلي يدروون
نوره : معرف ولله ماكلمت احد من سمعت جيت
راكان :اجل أنا أستاذن أخليك ترتاح نوره تجين معي
حمد الي طالع نوره : لا خليها عندي
راكان : طيب يلا اجل بحفظ الله
راكان الي طلع
نوره طالعته بطرف عين : هاذي البنت الي أنقذتها
حمد وهو يغمض عيونه : ايي نجلاء
نوره وهي تقلد صوته : نجلاء فرحان بها بعد
حمد الي فتح عيونه ولف على نوره : هذا شغلي يروحي شسوي
نوره : ماعجبتني نظراتها
حمد : شسوي أنا حلو يعني اغطي نفسي ولا ايش
نوره :وعععع ياحظي لا تشوف نفسك بس اهجد
حمد الي ضحك : لاحول ولا وقوة إلا بالله
نوره :صدق حمود يوجعك شي
حمد : لا يروح حمود بس في كتفي ألم واحس أثار المخدر موجوده ماراحت
نوره الي تخربطتت من كلامه وتوترت : اي
حمد : عطيني الجوال ابي اكلم جاسر
نوره الي مدت له الجوال الي على طاوله
حمد الي ضغط على رقم جاسر إلا ويجي صوته
جاسر : وينك يارجال مترد
حمد الي صوته كله تعب : موجود ياخوك
جاسر : وش فيه صوتك كذا
حمد الي حكى له الي صار
جاسر : الله ياخذهم الكلابه والحين انت كيفك
حمد : بخير
جاسر : ولله امي لو سمعت بتجن
حمد : تكفى جاسر انت قولها وفهمها ومن تكون عندها اتصل علي
جاسر الي كان راجع من الستراحه للبيت : طيب انتبه لنفسك بقفل أنا وصلت البيت
حمد : طيب مع سلامه
..
راكان الي وصل البيت وكان المجلس مليان رجال دخل ألقى السلام وجلس عند أبوه
ابو سيف: رجعتهم البيت
راكان : رحنا المستشفى اول حمد زوج نوره تصاوب
ابو سيف الي تفاجئ: وكيفه
راكان : طيب الحمدالله عدت على خير
ابو فهد الي أتفتت لأبو سيف : شفيكم
ابو سيف : حمد ولد إبراهيم متصاوب لكن الحمدالله بخير
ابو فهد: زين الحمدالله ونوره وينها
راكان : عند زوجها يأجد
ابو فهد الي طالع المجلس الي بدأ يفضى : اجل على سلامة الرجال بنسوي عشاء له
ابو سيف : وتظنه ياقبل
ابو فهد : مايردني ابو إبراهيم ماعليه
..
الديره
عنذ ام حمد الي من عرفت وهي تصيح حتى انها كلمة حمد لكن عيى يرتاح قلبها غير تشوفه وأبو حمد الي قرر الصبح يروحو الرياض يتطمنو على حمد وبنات الي استانسو اخيرا بيطلعو من ديره ووضحى الي عايشه البدايات مع عزيز تحس تحبه كثير لكن خايفه من فكرة الزواج كثير
بغرفه البنات
وسن : اخيررررررا بنروح الرياض
نوف الي تجلس على سرير : اي ولله نفسي أشوف حياة الضجه وزحمه احس فيها حياه
وضحى:اي والله حماااااس
وصلها مسج من عزيز
وسن وهي تأخذ لها غيرات وتحطهم بشنطه : يارب يارب يارب مارجع إلا وانا مخطوبه من ولددد الرياض
وضحى الي تكتب لعزيز ليه
عزيز : بيروحو اهلك كلهم
وضحى : اي قلبي كلنا
عزيز : طيب مايخلونك عندي ترى ميت شوق لك
ابتسمت بحب لهذا الأنسان: نو نو أنا ابي اروح بغير جو وابي اتطمن على حمود
عزيز ابتسم : مصيرك بالأخير تجين بحظني
..
عند نوره الي جالسه عند حمد وتلعب بيده
حمد طالعها : نوره لا طلعنا تأخذين أغراضك من بيت أبوك وتجين معي
نوره الي محبت تعارضه واصلا مستحيل تتركه وهو بحاله ذي : طيب
إلا هاذي جيت عزام طق الباب نوره الي بعدت شوي عن حمد
عزام الي دخل وهو غاض بصره عن نوره : هلااا بلي صاحي
حمد الي ابتسم له : حي من شافك بدري
عزام : افا يانذل تنكر انتظاري معك مارحت عنك غير من طلعوك غرفه
حمد : ماقصرت يابعدي
عزام : كيفك الحين
حمد : ولله كويس
عزام : طيب أنا حالف عليك متقولي لا عشاء سلامتك عندي
حمد : ماتتتتقصر ولله
عزام : اجل خلاص لا طلعت سلامتك عندي
حمد : ان شاءالله
عزام الي ماحب يثقل ونوره موجوده : اجل بستأذن أشوفك لا طلعت
حمد : بحفظ الله
عزام الي طلع ونوره الي قربت : ولله انه كفو
حمد ناظرها بحده
نوره طالعة نظراته : لا تناظرني كذا متغزلت فيه أنا مدحته بس
حمد الي أخذ يد نوره وقربه له وبأسها : تبي تمدحين امدحيني مابي اسمع غير هكلام
نوره : حمود المخدر مأثر عليك نام يابعدي نام
حمد ضحك على تصريفتها
..
الصباح ابو حمد الي أخذ سياره وتوجهو الرياض بدون مايقولو لحمد الي يعرفون انه راح يرفض
بسياره
ام حمد الي جالسه قدام والعيال ورى كلهم منحصرين على بعض ووسن الي عندهم ونوف ووضحى بشنطه
وسن : حسسسينوه وجع رجلي
حسين : انطمي محد قالك ماتركبين ورى
جاسر : خلاص عاد يابزران
وسن :انت اهجد مآخذ المرتبه كلها ويسولف
ياسر الي كان يقرأ كتاب طالع وسن ومات ضحك على نقاب وسن الي تخرب من جلسه : عجوز قريح عدلي نقابك
وسن الي شوي وتصيح : امانه وش فيه
وضحى : لو انك جايه الشنطه ومريحه رأسك من ثلاثي ذول
جاسر : وضيييح وش عندك
ياسر وهو يحارشها: تشوف من خطبها عزيز طول لسانها
وضحى الي ابتسمت من طاريه
نوف : خذلك الحين من يصحيها من سرحانها بحبيب القلب
حسين: وأنتي بتلحقينها مانتي بعيده عنها وتبقى هاهرشه بس
وسن : حسين بالله انطم مو ناقصتك
جاسر الي طالع نوف : شصار عطيتي رأيك ابوي ولا لسى
نوف الي استحت من طاري راشد: لا لسى
ابو حمد الي يسولف مع ام حمد ومطنش البزارين الي ورى
....
حمد الي رفض يبقى بمستشفى وطلع شقته وسيف وراكان الي ودوه ومعهم نوره الي رجعت أخذت أغراضها وودعت أهلها ورجعت الشقه مع حمد الي من وصل نام من تعب جلست تلف بشقه وقررت تسوي أكل لكن الثلاجه فاضيه تأفتت من حمد وقررت تنام
....
الظهر الي وصلو الرياض وكلمو حمد يرسل لهم الموقع حمد الي عصب اول أنهم تعبو حالهم لكن أبوه سكتته وقاله يرسل الموقع
حمد طالع نوره : اهلي بيجوون
نوره وهي تلف شعرها لفوق : ايي كلمتني وسن
حمد الي قام من مكانه وقرب لها وفك شعرها : خليه كذا
نوره : حمددد تكفى لي ساعه احاول ارفعه بشكل مرتب
حمد الي قرب نوره وحط يده ورى خصرها وقربها له
نوره : حمددد كتفك
حمد الي طنش كلامها وباس خدها
نوره الي تحاول تعدل نبضات قلبها لا يسمعها من شدة توترها
حمد الي لاحظ خجل نوره : لا تخجلي وتخليني أتهور جد
نوره بتوتر : حمد اهلك بيجون
حمد الي قاطع كلامها وباس ثغرها يبي يرتوي شوقه الي ميت عليها وعلى قربها
نوره وهي تبعد :حمدددد خلاص
حمد وهو يرجعها لحظنه وهمس لها : الوعد قريب
نوره الي توترت وبعددت عنه وراحت المطبخ
وحمد الي ابتسم وطلع يجيب غدى لاهله ولهم من مطعم الي تحتهم ويجيب نواقص البيت
...
بعد ساعه
أهل ابو حمد الي جو وطلعو لشقة حمد وحمد الي فتح الباب واستقبلوه بالاحظان ودموع ام حمد
ابو حمد : ها خذلك من امس عيت توقف دموعها
ام حمد وهي تمسح دموعها : شسوي هذا ولدي قطعه مني
حمد الي حب راس أمه : تكفين يمه إلا دموعك لا تنزليها
البنات الي دخلو على نوره بغرفه وصريخ واحظان
ابو حمد الي يجلس على كنبه : وشف المهابيل ذولي كمان قول قاطعين عمر عن بعض
ياسر : خلهم يبه على راحتهم
حمد الي نادى وحده من بنات تساعده تقلب الغدى معه لن نوره متقدر تطلع من غرفه وعيال هنا
قلبو الغداء وقسموه بينهم وبين البنات وتغدو وسوت نوف شاي لهم
ابو حمد : تجهزو بنروح عند ابو رايد حالف إلا نجلس عنده
حمد: عمي جاء الرياض
ابو حمد :اي جو قدامنا بساعه يمكن
حمد : يبه اجلسو وتريحو هنا
ابو حمد : لا ياولدي شقتك صغيره وعاد مواعدين ابو رايد
حمد : طيب ترى العشاء عند عزام ولد ساميّ بكره سلامتي حلف إلا يسويها
ابو حمد : جزاه الله خير وكمان اتصل علي ابو فهد ال ناصر قالو العشاء عندهم لسلامتك بس قالو وقت الي تبونه
جاسر : ولله وطلعو متواضعين
حمد : لا ابو فهد رجال طيب واصيل قوله يبه يخلوها بعد بكره
ابو حمد : الي ودك ماعليه
ام حمد الي كانت داخل تسولف مع نوره
ابو حمد : يلا يام حمد
البنات الي طلعو مع امهم يروحو وسن الي تضايقة إنهم بيجلسون عند عمهم لولا الحياء من حمد كان جلست عند نوره وصلو البيت
جاسر : يبه عطني المفتاح
ابو حمد الي نزل : ليه وين بتروح
جاسر : عندي هنا كم شغله بخلصها وأزور واحد من عيال عازمني
ابو حمد الي عطاه المفتاح : لا تطول
جاسر طالع العيال : تخاووني
حسين :قدام يارجال
البنات الي نزلو مع امهم ودخلو واستقبلتهم ام رايد وبنات الي نايمات بعد تعب طريق دلتهم ام رايد على غرفه فاضيه ينامون فيها
وام حمد الي جلست تسولف مع ام رايد
..
جاسر : الحين بودييكم احلا مافي تذوقو القهوه
ياسر : حييك
وقفو عند الكافي
حسين طالع كافي الي مختلط وجالسين كراسي برى : يارجال شكلك غلطان وش ذا مكان
ياسر : ذولي لا يشوفهم ابوي يلحقهم بعصييي
جاسر الي ضحك : انزلو انزلو
حسين وياسر الي نزلو ومستحيين من وضع مو متعودين اختلاط مع بنات غير محارمهم بقرب ذا
اقبلو على ماجد سلمو عليه ورحب فيهم ماجد
حسين الي يناظر البنت الي كاشفه : اهبب عليها ماعندها أهل ذي
ماجد الي ميت ضحك على نظراتهم كانهم يشوفون العجب وعجائب : تتعودون
ياسر :اعوذ بالله من عاده دامها كذا
جاسر الي ناظر قهوة ماجد :شوفو ذي قهوه الي أتكلم عنها v60
حسين : ولله شكلها لذيذ
جاسر الي قام : اجل بطلب واجي
لكن رن جواله اتصال من حقين موعد الدوره حقتهم وعطى ياسر الصرافه اشر لهم يطلبون عبال مايجي
ياسر الي تخربط ميعرف يطلب : حسين قم معي
حسين الي قام معه : إلا يماجد وش كان اسمها
ماجد ابتسم :v60 تبي اطلب لكم أنا
حسين : لا شدعوه بنجيك دقايق
ياسر الي مشى وحسين معه
حسين :شف شف الطابور خل نصف معهم
صفو العيال وجاء وقت طلبهم
حسين : سلام عليكم
الباريستا: وعليكم سلام تفضل وش طلبك
حسين همس لياسر : وش كان اسمها
ياسر الي مايحب جو إلا زدحام: شدراني اسمها فييي ستين قلها بسرعه انت ومو منتبه لك يفهمها
حسين الي طبق كلام ياسر ونطق بسرعه : فيي ثتيين
ياسر همس له ي:ثتيين ذي عند خالتك ففي ستين
باريستا الي ابتسم لهم
حسين الي حس انه جاب العيد وحب يرقعها : ياطويل العمر ذيك القهوه سودا وفيها ثلج
باريستا الي كتم ضحكته :قصدك v60
حسيين : اييي عليك نور ابي ثلاثه
همس لياسر : شف أضبطك
ياسر الي ضحك : بعد وش شف الرجال ميت ضحك علينا
باريستا : تفضل خذ الفاتوره وجهاز ذا إذا رن طلبك جاهز
حسين الي مسوي نفسه فاهم : ايي
رجعو على طاوله مع جاسر وماجد الي ماخذتهم الحاديث
وقام جاسر جاب الطلب
حسين آلي آخذ رشفه من قهوه وبغى يرجعها وبلعها بعافيه : الله يخسك يجاسر وش القهوه ذي
ياسر الي ضاق بعده ونفس ردت فعل حسين : ذيي مويه وحاطين قهوه وش ذا المراره تفقع الكبد
جاسر وماجد الي ميتين ضحك عليهم
حسين :ولله لو اني قاعد مع ابوي ابرك لي
