عزت علي نفسي ونفسي عزيزة
مأقف على بابن فيه لنفسي مهينه
طبعن توارثته وأشوفه غريزة
مثل غريزة الذيب فعضت يدينه
نوره الي رجعت عند البنات وهي معصبه وجلست جنب وسن ونوف
وسن طالعتها : شفيك
نوره وهي تحاول تمسك غضبها عشان متروح لشوق وتلعن خيرها: ولاشي
شوق الي طلعت من خيمه ونوره الي من شافتها جايه ناظرتها بحده شوق الي مطنشه ولا كانها مسويه شي جلست عند وضحى ونجد ومنال
...
عند الشباب الي يلعبون ورق والي يسوون عشاء والشياب يسولفون
حمد الي متكي ماخذته الهواجيس ياسر الي جلس جنبه : شفيك يابعد حيي
حمد : مافيني شي شصار بعشى
ياسر : مابقى له شي شوي ويجهز مشاءالله جابر طباخ حلف إلا هو يسويه لكن عشانه ضيف رفضت وساعدني
حمد :ايي
ياسر: متاكد مافيك شي
حمد وهو يبتسم لياسر : لا مافيني شي
عند شباب يلعبون ورق
حسيين : ياااضعيفين تستقون علي عشان يدي مكسوره
راشد الي ضحك : ولله ياثور إيدك المسكوره مب عقلك
رايد الي يجمع الورق : ولله ماعندكم مستوى ماش
حسين : شف من يتكلم ولد الرياض ترى هاذي لعبتنا خابزينها خبز اصبر أنادي لك ياسر يكسر روسكم ياسر ياسر
ياسر اللتفت على حسين : هلا
حسين : تعال عيال الرياض يستقوون علي ليت نايف هنا محزمي
ياسر الي قام وهو يضحك : شبلاهم عيال الرياض
رايد : وش نسوي عيال الديره مايعرفو يلعبون حتى
ياسر وهو يشمر ايده ويتربع : تعال تعال اعلمك اللعب
راشد وهو يوزع الورق يبدون يلعبون وجابر الي جاء وانظم معهم
وبدا يلعبون وحمد الي جلس مع شياب
...
وسن الي أخذت نوره داخل
نوره وهي تطالعها : شفيك
وسن :شفيك يابنت من رجعتي مانتي بخير
نوره : خلينا نطلع اجل نمشي شوي واقولك
وسن وهي تأخذ الشال : امشي يلا اجل
طلعو البنات
ام حمد طالعتهم : وين يمه
نوره : عمه قريبين هنا
ام حمد : زين يمه بس لا تبعدون
راحو البنات
وسن : غردي وش فيك
نوره : بقولك لكن ياوسن الكلام الي بقوله لايطلع لاحد
وسن : على ماتبين انطقي وش بلاك
نوره ألي بدأ تسرد لها الأحداث من أيام العزبه
وسن الي انصدمت وعصبت : بنت **** ادري انها زقه من زمان بس متوقعت توصل فيها لهدرجه أنا أوريك فيها
نوره وهي تمسك وسن : خليها يابنت البنت مرخصه نفسها لهسوالف ولا شلون تطالع واحد متزوج
وسن : وأنتي شلون مستحملتها وحمد شسوا
نوره الي ابتسمت بستهزاء : حمد وش يسوي عاجبه الوضع
وسن : مستحيل حمد مب كذا
نوره : شوفي الرجال كذا ياروحي تزين لهم قلة الأدب ذي ولا لو واحد غيره كان وقفها عن حدها
وسن الي مصدومه من الي صار والصدمه الأكبر انو حمد ساكت : غريبه ولله لكن قليلة التربايه ذي يبي لها تربايه من جديد
نوره : أنا كرم لعمي مابي اسوي مشكله لكن ولله ثم ولله لو احد غيرها اني لافضحتها قدام الديره كلها
وسن : اي ولله اخاف تصير مشاكل من وراها الحيه
نوف الي جت من وراهم تناديهم العشاء
نوره : خليك منها تجيبها الأيام لي ان ماعلمتها من نوره ماكون بنت محمد خلينا نتعشى مابي اخرب مزاجي عشانها
رجعو البنات
..
عند جاسر الي جالس بكوفي مع ماجد يتقهوون
جاسر الي كان سارح
ماجد : وش تهوجس فيه
ياسر : ابد بس مشتاق لديره وأهل الديره اكثر
ماجد : مالومك فجئ تجي من ديره لرياض وغيره مامعك أهل
ياسر : الله يعين
ماجد يطالع طارق الي جاي : هذا طارق جاء
قامو العيال سلمو عليه
وقضو سوالف ...
