ياونين وتيني يأمُغترب تأليفي

البارت 30

.
ما ودي أقولها ولاكني ~ احبك ~

طلعت من الحمام تناضره جالس يستناها على السرير تتجه ل الدولاب ينطق : مابتنامي؟؟
هزت راسها بالنفي تنطق : لا
زفر ينهض يشوفها لبست جاكيتها الطويل كا العاده تنطق : بطلع اشم هوا
لف يناضر باقة الورد مرميه على الارض يعض شفته يتجه لها نزل ل مستواها يشيلها ينطق : أعرفك تحبين الورد الأحمر!!
ضحكت بسخريه تهز راسها بالنفي : ما احبه للأسف
لف يناضرها ينطق : اجل وش تحبين؟؟
لفت تناضره تعض شفتها من تفكيرها في هاذي الحضه تنطق : لو بس تفكر بتعرف!!!
نهض يحط باقة الورد على الدولاب يتجه خلفها يطلع من الغرفه يقترب منها شوي ينطق : تاليف
همهمت له فقط ما ودها تناضره : همم؟؟
نطق غيث بجمود : تاليف!!!
لفت تناضره بغضب واستفزاز : ها غيث ها!!!!
ناضرها بحده ينطق : تكلمي زي الناس
هزت راسها على دخولها المصعد تنطق بسخريه : وإذا ما تكلمت وش بتسوي؟؟
ناضرها تتغير ملامحه بذهول من تصرفاتها ينطق : ودك أوريك؟؟
رفعت نضراتها له تهز راسها بايه تنطق بعدم مبالاه : يس
اقترب منها ناوي يقبلها ولاكن المصعد انفتح يعض شفته بغضب : مو وقته!!!
ابتسمت بانتصار تطلع من المصعد تمشي يمشي خلفها غيث يحاول فيها بدون فايده يقترب منها من وقفة عند أحد الكافيهات ينطق : أنا بطلب لنا
هزت راسها بالنفي يمسكها من ذراعها غيث بحده ينطق : اسمعي الكلام!!!
زفرت تتجه ل احد الطاولات بتوعد فيها غيث من حركاتها في نضره طفوليه ، رفعت نضراتها من تقدم في يدينه أكواب القهوا يمد لها كوبها ينطق : بالعافيه
أخذته تحاول تخفي ابتسامتها عنه ترتشف منه بخفه صاده ما تناضره انما تناضر الكوفي الفاضي ما عداهم تلف من نطق غيث : نعتبرها سفرة شهر عسل؟؟؟
ناضرته تتورد خدودها بخجل تهز راسها بالنفي يضحك على ملامحها غيث ينطق : ليش؟؟
رفعت كتوفها بعدم رد تترك غيث يفسرها في عقله ، بعد ما انهو القهوا ينهض غيث تنهض خلفه تاليف تقترب منه تطلع معه من الكوفي تستقبلهم الشمس القويه ينطق غيث : نطلع نرتاح لنا شوي واليل نطلع؟؟
هزت راسها بايه تنطق : تمام
مشت بجانبه تناضر الناس في الشمس ترفع كفّها تغطي عيونها عن الشمس بمنضر طفولي تترك غيث يسرح فيها بدون وعي تقترب منه تقف خلف كتفه من شافة قروب رجال لابسين اسود جميع تستغرب ينطق غيث : تخافين ؟؟
هزت راسها بالنفي تنكر يضحك غيث ينطق : تخبي بين الضلوع واتركيني بوجه العدو!!
وقفة تناضره بصدمه إعجاب من كلماته وحب طاغي رغم انها تحاول تنكر انها حبته وانها تحاول تتجاهله ولاكن غيث غير غير يجيها بطريقه غريبه طريقه تتركها تنهار وتستسلم يجيها من الطرف الضعيف يتركها تنجذب لا إرادي تحاوط ذراعه تسند نفسها عليه تنطق بصوت منخفض : وش لي بضلوعك دامك كاسرني؟؟
وقف غيث مكانه يستوعب كلامها يستوعب انها للان زعلانه منه يتنهد يناضرها ينطق : اسكني ضلوعي وتربعي ولك هل وجه ما يكسرك احد وان غلطت ما يسلم الغلط إلا رب العالمين ياحرم الغيث!!
تنهدت ما تقدر تطول وزعلها رغم انه كبير لاكن امام الغيث ينتهي كانت ناويه الزعل طويل ولاكن غيث غلبها تنطق تكمل كلامه : مدري هي غلطه ولا خبث ولا اجر ولاكني بزعل!!!
ضحك يمشي معها يدخل الفندق معها يتجه ل المصعد طالعين الغرفه بدون ما يرد عليها ناوي يرد في الوقت المناسب فقط!دخلو الغرفه يناضرها تخلع الجاكيت تبقى فقط ب جينز وتيشيرت تتجه ل السرير تنسدح تنطق : شف الكنب يكفيك ولا نام على الارض!!
ناضرها يصدمه يهز راسه بعناد ينزل اغراضه وبدون ما تحس يتمدد بجانبها بعد ما قفل الشباك وطفى النور يسحبها له يحاوطها من الخلف ضهرها مقابل صدره تحاول تفكه بدون فايده تنطق : طيب طيب ياغيث!!!
ابتسم يغمض عيونه برتاح وينام براحه دامها جوف حضنه وده تنتهي الحياه على هاذا الموقف ولا يتغير حالهم يغطس في النوم تغسط خلفه تاليف بدون جهد تعب وسهر ..