اني العايفك واني المجلب بيك~~~
واني كل شيء بيه وكل شيء مابيه
لـ زيد سومري|
لــ روايتي:
#خصمُ_الكلامِ_انتِ
#بقلمي_بصره_الربيعية
#البارت_18_
...
ريناد_ طلعت ركض على صوت الصريخ من الخوف والرهبة رجليه ارتخت گوه سحلت نفسي وطلعت دخلت للصالة وين ملتمين وأشوف وصال حاضنة بيبيتي وتصرخ فتحت عيوني بفزع واني اشوف رجلها على طولها متمدده ومكشوفة وتنگد
تقربت اكثر أسألهم شبيها الولد بباب الإستقبال بس خالي واگف يم النسوان وعلامات الرعب من هنا مبينه على وجهه،
وأمها تبچي أختها تبچي نداء جاوبتني گالت حسوني ابن عمتي اجه يركض لأمه ما يدري وطك قوري الچاي الي بأيدها واندار الچاي كله على رجلها وصارت اطفر وتصرخ خطية،
التفتت بصدمة إلها گلبي انمرد عليها تبچي بحرگة وألم شگالت روحها بيبي تولول عليها
تگول "انعابت بنيتنه يمه وين ننطي وجهنه" وامها تحتار شتسوي واختها لازمة تلفونها ما تعرف بنفسها
شتريد مصدومين وخالتي مصفصفة مدري شنو شعورها وابنها الي سوه المصيبة وحرگ رجل بنية ما ظل بس اسبوعين لـعرسها!!..
بعد دقايق من أخذوها واحنه واگفين ما گعدنه
وحدتنه رايحة جايه تنتظرهم ، منظرها مديروح من بالي تگطع گلبي عليها الله يعينها ويعين اهلها على مصيبتها،
من بالي الي مو صافي حتى ما انتبهت على تلفوني
الي صار ساعة يتصل رحت اخذته شفته هو ديتصل ، كلش مو وقته
من شفت منه أكثر من مكالمة فائته جاوبت
اجالي صوته يزمجر بغضب؛
_ من شوكت اتصل عليچ وأنتِ متصل الآن
ومتجاوبين شنو حضرتج تتعززين علينه؟!!!...
_من كثر ما روحي طافرة ومقهورة
رديت عليه بحنق
: ما ناقصتك اني الي بيه مكفيني اذا ما عندك شي
بي خير تكوله حـسد الإتصال
_ادب سززز احچي عدل!
_ بالبداية أنت أعرف احچي عدل عود نتعلم بعدين
منك ، سديته بوجهه ما چنت ادري هذا تصرفي
وكلامي الحقير مقابل كلامه حيأثر عليه
مستقبلاً !..
طولوا إلى أن اجو ، چانت امي وابويه وياهم،
دخلت وصال مرتكية على كتف خطيبها وأخوها،
خطية مضبرة رجلها ودموعها تهمل على وجناتها
ومن ووجهها مبينه شلون متألمة،
أمي گالت حرگها مو عميق كلش ،مدري حچت هيج حتى لنخاف ،المهم گالت گشطو لها ولازم مره هم تروح مره ثانية يگشطوا لها وما يصير تطبگ رجلها تلزگ لازم تظل ممدودة وتأخذ وكت يلا اطيب ،
گتلها:هم يبقى أثر ؟
إخلاص_يبقى شلون ما يبقى بس خلي تخلص
من الگشط خليهم يجيبولها زيت السمسم
ميبقي أثر
_واذا بقى يمه وما فاد الزيت؟
حچيتها بقهر؛
واني افكر شلون بزواجها خطية
جاوبت خالتي گالت
_ ما اخليها اني اسويلها عملية ترقيع
حتى لو معندي لو أعرف ابيع بيتي وما اخليها
أنت تقرأ
خصم الكلام أنتِ
أدب نسائي#شيوخ.. رضخت هي لعاداتهم واعرافهم غصبا لم تعرف ماذا تفعل! احاطها الجميع بالتآمرِ عليها لتستر فعلة اختها،اصبحت الضحية ..كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
