شِنو نوع العلاقة الـ بينك وبينِي؟
لا عايفني امّوت ولا مداوينِي
وشنو هَذا اللغز متحبني بَس تغار
مارايدنِي بَس متريد تنطينِي ..
لــ روايتي:
#خصمُ_الكلامِ_انتِ
#بقلمي_بصره_الربيعية
#البارت_15
....
علي_ مو اجي هسة احط الن*** بحلگچ
تينة_ فدوة عمة اتركها أنه احاچيها
_ الادب سز شلون تحچي!
حسين _ ريناد بويه ليش هيچ تسوين
الهنوف_ ما استحيتي ما مخلية أحد ما حاچية يمه
بالعيب على خطيبچ چاا مو إبن عمچ هو غريب!
يعجبني بناتچ إخلاص!
صافنة عليهم ما اگدر اتسابق وياهم بالكلام
حتى ما حسوا على نفسهم وهمه يتناقشون
طلعوا وراحوا يمكن للصالة
بسرعة اتصلت على رضية
: ألو.. رضية ولچ المن حچيتي؟
_ على شنو ؟!
_ لا تصيرين غبية على الي سولفته الچ!
_ والله بس لـماجدة سولفت وطلعت امي سامعتني
وأنه سمعتها مسولفه لعمتي أسماء ولبيبي الهنوف
_وبيبتي ما منتظره لحظة رايحة مألفة عد جدي
أكيد ،بس اريد أعرف شبيها ويانه مو حفيدتها أني
الكل اختلفت نظرتهم عليه بس أني بس اني!
_ شنسوي كله بسبب ميلاد الله يسلمها
_ ووينها ميلاد ما تجي تلم سوايتها كربستها براسي وشردت!..والله شنو هاي ذلة هيچ!
رضية_لا تنقهرين احتمال بيها صالح الچ
سديته من رضية بهالاثناء دخلت عمتي تينة
نظراتها بيها عتاب
:عمة لا تباعيلي هيچ
تينة_ چاا احسن هيچ تسرعتي صارت خبصة
جدج دز على بهاء الدين ادور متحاچين
لا تشوفينه هيج جدج گتلچ بداخله حنية عليچن
ما يقبل عليچن ، بهاء الدين اجه منا الغضب يطافر من عيونه سئلني عليچ وگتله جوة وبعد هو دخلچ
انه وفارس چنه نشر الزوالي
_زين هسة شنو بعد گال جدي
_ جدج هسة يريدج يريد يحاچيچ
_ لا عمة اخاف!
_ أنتِ من ذبيتي هاي القنبلة ما خفتي هسة تخافين
كومي كومي اشوف تاليتكم وين تلومون بابوي
وهو خطية على لاهيته يگول ما ننطي البنات لغريب
ما ندري عنه، ننطيهن للقريب جدام عيونه أحسن.
اخذتني عمتي بعد ما عدلت الربطة على راسي عشر مرات لحد ما صرت أسمع تأفأفات عمتي تينة
طلعت وياها جدي گاعد بالديوان
ويمه عمامي وابوي وعلي ووبهاء الدين الي چان مخنزر وگاعد على أعصابه،
سلمت بس بارتباك گلت بگلبي شلون راح احچي يمهم
انوب اشلون المحكمة اتخيل نفسي حوگف قصاص
ويگعد جدي يتقصص مني وعلى جهة الشهود
وعلى جهة المتهمني يصيح وهو يأشر ارجموا الجانية، يمــه!
غمضت عيوني انفض الأفكار الي دارت براسي هسة على شكل فلم من تصوير وانتاج عقلي الباطن ماشاء الله عليه مبدع ،
أنت تقرأ
خصم الكلام أنتِ
ChickLit#شيوخ.. رضخت هي لعاداتهم واعرافهم غصبا لم تعرف ماذا تفعل! احاطها الجميع بالتآمرِ عليها لتستر فعلة اختها،اصبحت الضحية ..كانت تنظر له بغضب وكذلك حال القابع أمامها ! حتى زمجر هو وقال: إذاً #خصم_الكلام_انتِ #بقلمي_بصره_الربيعية
