ألهَــجع " نار الحـد "

مشهــد

ألهَــجع " نار الحـد "
للكاتبه روَيــده

وگان لـ قَلبي غَفلـة آخذَتْ بـ يَدي الىٰ جَحيـمٍ مُختَلـف

لـِ كي تتَرابـطُ قُلـوبٌ و تُشَـد أواصـرٌ
وحِكايات تُروى لـِ تتَـغلغل وَسـط الـقلوبِ

فَـ في حِكايتي اقدارٌ وازمنـةٌ آخذَتْ بـ أَقدامِ أَصحابِها لـِ حُـزنٍ مؤذي لعِـبَ الجمـيعُ فيـهِ دوراً و خطَ كُل و احـدٍ أحروفَ اسمـهِ على لـَوحةَ حُزنـها

قَد كانت جولـةٌ محسومـة والمصيـرُ هوَ الخسارة
لـ يعـودَ العشــق بيـنَ ثَنايا حُزنِهـا

هُنـا سَتكـون بدايـةِ حكايـة ألهَجــع " نار الحـد "

" مشهـد "

النار تنهش بلحمي والذل ياگل گلبي والدنيا لعبت بحالي وكسرت روحي، سحبت نفسي للغرفه اسحل برجليَ الي بطلت تشيلني

خارت روحي وهلي والدنيا عليَ

سديت الباب گاعده بالگاع وكل شهكه اشهگها احسها تحرك بيا كل ما اتذكر بابا ازيد بالبچي وتشوغ روحي بقيت اتلاوه بالبچي، وين صـرت شسويت بالدنيا حتى اتعاقب هيـچ؟

والله ما اذيت احد من الناس ليش الناس ما عدها غيري توجعه ليش كل الدنيا ضدي ليـش ليـش؟؟، ما بقى يتردد بداخلي بس ليــش؟

نمت هذاك اليوم اتلاوه مو من الآلم البجسمي لا.. اتلاوه من وجع روحي الـ محد رحمها، فزيت على دفره الباب نزيت مفزوعه وجسمي رجف

باوعت شفته واگف بالـ باب، تقرب مني لزمني من شعري وسحبني بقوه، طلعني من الغرفه سحل واني تخبلت انتر بي واصيح

:: عوفــني يا نـذل يا بلا رجوله اكســر ايديناتك الـ نمدت عليَ حيـوان!!