ألهَــجع " نار الحـد "

الفصــل-٩-

ألهَــجع " نار الحـد "
للكاتبه روَيــده

كافي ذل وأهانـة، مو اني الچان راسي دومه مرفوع
شو هسة نازل جوا الميسوون؟

"""""""""""""""""""""

:: هُيام والله اذا ما تنازلتي عن الولد اطردچ انتِ وبنتــچ من البيــت وحق هو الله!!

رجفت شفايفي
هَجــع:: شنــو؟

باوعت على ماما الي عيونها تجري دمع حچت بصوت يرجف
هُيام:: اتنــازل اتنــازل!

وسعت عيوني وصرخت
هَجــع:: مـــاامـــاا شنــوو تتنازلين شنــو تتنازلين!!

دفعها زوجها وهي ارتدت تمسح بدموعها وهو يحچي
:: ما نريد مشاكل ولا دوخه راس من ورا بنتچ، باچر ترجعين لبغداد تتنازلين عن الولد ويطلع

بقت ماما ساكتة واني اصارخ
هَجــع:: مـــاامـــاا شنــوو تتنازلين ماما!!

تقربت منها لزمتها من اكتافها اهزها واصارخ بوجهها
هَجــع:: مـامـا جاوبينــي شنو تتنازلين!! ما تتنازلين!!

عگدت حواجبها ورفعت ايدها ضربتني راشدي على وجهي بقوة شهگت و خليت ايدي على خدي اباوعلها فاكه عيوني على وسعها،

هُيام:: كافـــي هَجــع كافـــي اني تعبت منــچ ومن سوالفــچ، شفتـــي اختياراتــچ وكبريائــچ وين وصلــچ هســة لازم تسمعينــي وتعرفيــن مصلحتــچ وين!!

نزلت دموعي وصرخت
هَجــع:: مصلحتـــي تطلعينــه من السجــن؟؟؟

هُيام:: صعدي لغرفتــچ هَجــع!!

باوعتلها بأحتقار وداخلي مكسور، بعد كلشي صارلي محد راح ياخذ جزائه!، مسحت دموعي بسرعة وعفتهم وصعدت اركض لغرفتي

بـ صعدتي صارت بوجهي بنت زوج ماما، أنضربت بيها گد ما چنت مستعجلة واركض باوعتلها بخزر وهي عاگدة حواجبها دفعتني من كتفي وصرخت

:: كله بسببــچ من يوم الأجيتي بي للبيت ما ارتاحينا منچ ومن مشاكلچ العار العالة محد يريدچ لا امچ ولا بيت عمچ ولا اي احد وذبوچ على گلوبنا!!

فكيت عيوني وهي دفعتني تريد تمشي، شديت على قبضة ايدي عاضه على شفتي، رفعت ايدي وسحبتها من شعرها و عيوني غرغرت بالدموع