ألهَــجع " نار الحـد "
للكاتبه روَيــده
كافي يا دنيا هواي تعبتينا
شبيچ ويانا ، هيچ تخذلينا؟
""""""""""""
رائحة غريبة استنشقها واصوات غير مألوفة حولي
آلم غريب محاوط جسمي وضربات گلبي العاليه
وين اني؟
فتحت عيوني بـ بطئ الرؤيه مو واضحه
وصوت اعرفه يتردد بمسامعي
:: هَجــع!
بلعت ريگي وشفايفي يابسه وحچيت بصعوبه
-خاله..
:: عيون خالتچ؟
درت راسي بأتجاهها
-خاله شنو صار؟
:: هسة ثواني
باست راسي بخفه وگامت طلعت من الغرفه
عيوني بلشت تتجول بالغرفه وتستكشف تفاصيلها وتميز الرائحة الغريبة
ريحـة مستشفى اني بالمستشفى شنو صار، شوصلني هنا؟
دقايق ودخلت خالتي وياها الدكتورة تقربت مني خاله سندتني اگعد واني احس راسي دايخ وروحي مايعه
فحصتني الدكتورة تسألني كم سؤال
:: هَجــع ماما شتحسين تمام وضعچ؟
بلعت ريگي وبللت شفايفي احچي
-تـ..ـمام
هزت راسها وحچت
:: لا تخافون ما بيها شي بس صار عدها ارتجاج بالدماغ فتره وتتحسن
حچت خاله
:: الحمد لله والشكر تسلمين دكتورة ما قصرتي
:: لا ولو ما بيها غير العافيه
طلعت الدكتورة من الغرفه وخالتي رجعت يمي لزمت ايدها
-خاله وين بابا؟
باوعتلي ثواني ونزلت راسها تعدل بالسرير سألتها مره ثانيه
-خاله بابا وين؟
حچت
:: عمچ انطاچ عمره..
بهتت ملامحي ورجفت شفايفي
-شنو؟
:: هَجــع خليچ قويه واحمدي الله نجاچ من هذا الحادث
نزلت دمعتي
-و بابا؟
رفعتلي راسها ساكته حچيت واحس الغصه تجمعت بـ بلعومي
-بابا وعمو علي وينهم؟ بيهم شي؟
حچت
:: بخير
احس گلبي يوجعني اكو شي صاير فزيت من مكاني اريد اگوم صاحت خالتي
:: هَجــع وين؟؟
گمت الدموع متجمعة بعيوني ما متوازنه استندت على الحايط اجر النفس بصعوبة تقربت مني خالتي سندتني وهي تحچي
:: هَجــع على كيفچ ماما
حچيت اشاهگ
-خـ..خـاله بابا بي شي؟
أنت تقرأ
ألهَــجع " نار الحـد "
Roman d'amourقصـة حقيـقية بقلـمي روَيــده 🦅 وگان لـ قَلبي غَفلـة آخذَتْ بـ يَدي الىٰ جَحيـمٍ مُختَلـف لـِ كي تتَرابـطُ قُلـوبٌ و تُشَـد أواصـرٌ وحِكايات تُروى لـِ تتَـغلغل وَسـط الـقلوبِ فَـ في حِكايتي اقدارٌ وازمنـةٌ آخذَتْ بـ أَقدامِ أَصحابِها لـِ حُـزنٍ مؤ...
