ألهَــجع " نار الحـد "

الفصــل-١٤-

ألهَــجع " نار الحـد "
للكاتبه روَيــده

وبقيتُ انا غريبـة، ضائعة بين الغرباء لا أَجِـدُ مَلجأي..

"""""""""""""""""""

عقيـق:: فـوت بالـ موضوع يابـه، سمعـت هذا الكـلام چثيـر

خزروني الولد وابويَ انتچه على التخـم وحچـه يمسـد على لحيته البيضاء مصغر عيونـه

عبد الصمد:: تَدريـن لشـني نـرمي، تـِزوجي جاتچ خـوش قسمـة..

لميت شفايفي ودگات گلبي زادت
عقيـق:: اي؟

عبد الصمد:: خوش قسمة يابه و خوش وليـد وحنا نعَرفـه..

عقيق:: و مُهـاب؟

عبد الصمد:: مُهـاب.. ما يحَچي اذا انتِ موافقـة

عقيق:: افكـر..

فز ياسر اخويَ من مكانه وحچه
ياسر:: شنـي تفكريـن ولـچ توافقين غصباً عليـچ

خزرته وحچيت
عقيق:: انتَ بالذات مالك حق تتدخل

خزرني وگام هاد عليَ كضه مهدي يهدي حچه ياسر رافع اصبعـه بوجهي يهددني

ياسر:: و الله اذا رفضتي اعمل شي لا يعجبچ ولا يعجب اخـوچ..

كتفت ايديَ وحطيت رجل على رجل صغرت عيوني وحچيت
عقيق:: شتسوي بلا؟

هز راسه ياسر يتوعدلي واني هزيت ايدي وانداريت لابويَ و هيفاء خازرتني بقـوة ما تگدر تحجي كلمة وحده و ابويَ گاعـد، حچيت

عقيق:: يابه افكـر وانطي خبـر لـ مُهاب ويصيـر خيـر

هز راسه ابويَ مانع اي واحد من الولد يفك حلگه گمت منهم وطلعت من الاستقبال، احس رجليَ ما تشيلني بعد حيلي باد هسة يكضوني ويطگوني، نوب ايدهم ثگيلـة اذا لطشني واحد منهم براشدي يلزكني بالگاع فلك طرهـم

تنهـدت، و رجعـت صعدت توجهت لغرفـة مُهاب رتبتها ومسحتها و غرفـة ذو الفقار و غرفتي بس غرفـة ترف ما دخلتلها البنية سادة الباب جا تدرس ما حبيت ازعجها

رتبت الغـرف بعدني امسح بغرفـة ذو الفقار وانفتحت الباب رفعت راسي شفتها هيفاء، ذبيت نفس اتنهد بضيق لا هلا

هيفاء:: عقيــق!!

عقيـق:: يا طلابه عقيـق الما تخلص، نعـم؟

هيفاء:: نظفي غرف الولد ويـاچ

تخوصرتلها وحچيت
عقيـق:: حاضـر بعد امر خدمـة؟

هيفاء:: تستهزأين؟

عقيق:: لا اعوذ بالله

هزيت ايدي ورجعت امسح بالغرفـة تقربت مني جرتني من اذني وحچت