ألهَــجع " نار الحـد "
للكاتبه روَيــده
في بيت مليئ بالحقد والأنانية، وجوه خادعة يصعب تفسيرها..
نفوس مغرورة
نرجسية
غبية
تبحث عن ملاذ، طريق، وسيلـة، لأشباع شهواتها وأنانيتها الطاغية، في كُل زاوية من هذا المكان ستجد قصة
و آلم، شموخ و كبرياء، قوة و ضعف، و شخصية بارزة وسط زوايا الحقد و الغرور، مسيطرة
اسم على مُسمى مُهـاب يهابُـها الجميع
ماذا أعني؟
"""""""""""""""""""""
نسمات الهواء القادمة من الشباك تلامس بشرتي، باردة و منعشة، الدنيا عصر و بالي صافي اليوم، وخيط خوف يسري بداخلي شـراح يصير وهو ما موجود؟
گاعدة بالگاع واتأمل جمال مزرعتنا، نزلت راسي على دفتري المميز، اشبع عيوني بـ جمال الخط و الكتابات الي مطبوعة بداخلـه، مررت اصبعي على بيت الشعر المكتوب لـ الجواهري
في ذِمَّةِ اللهِ ما ألقَى وما أجِدُ أهذِهِ صَخرةٌ أمْ هذِه كبِدُ
قدْ يقتُلُ الحُزنُ مَنْ أحبابهُ بَعُدوا عنه فكيفَ بمنْ أحبابُهُ فُقِدوا .
تنهـدت وفزيت على دفره الباب، شهگت فازه و انداريت على الباب بنفسـي اعايــن ياهـوَ السبب؟
بلعت ريگـي بخـوف اتصنع الشجاعة گدامـه
-هـا؟ خيـر ان شاء الله؟
تقرب مني بساع كض شعري بقوة عاته بين ايديه
حر الدين:: انتِ موصله لأبويَ خبـر مـو؟؟
دفعت ايده مني بقوه بس وين اگدر شد على شعري وحچيت
عقيق:: مو انـي الكتلـه على مرتـك الحرامية هذيـچ امك و هذيـچ مرتك وهـذاك ابويَ روحوا تصافوا احنا شعلينا؟
ما احـس غيـر خدي اشتعل وراشدي قوي على خدي
حر الدين:: ادبســزز تعلين حسـچ عليَ اي انه اعلمـچ انتِ واخـوچ الـ گـ*** هذاك!
دفعت ايده مني بقوة متشعوطة من جاب سيرته، رفعت اصبعي بوجهه عيوني تنفث نار
عقيق:: لا تجيب سيرته على لسانك، لو انتَ زود وزلمة گولها گدامـه لو بس فالح تزامط بغيابـه؟؟
أنت تقرأ
ألهَــجع " نار الحـد "
Romansaقصـة حقيـقية بقلـمي روَيــده 🦅 وگان لـ قَلبي غَفلـة آخذَتْ بـ يَدي الىٰ جَحيـمٍ مُختَلـف لـِ كي تتَرابـطُ قُلـوبٌ و تُشَـد أواصـرٌ وحِكايات تُروى لـِ تتَـغلغل وَسـط الـقلوبِ فَـ في حِكايتي اقدارٌ وازمنـةٌ آخذَتْ بـ أَقدامِ أَصحابِها لـِ حُـزنٍ مؤ...
