ألهَــجع " نار الحـد "

الفصــل-١٢-

ألهَــجع " نار الحـد "
للكاتبه روَيــده

لروحـي تعب، تجرعته كـ سُمٍ يقتــل القتيــل بـ عجـب

"""""""""""""""""""""

رجفت شفايفي ولمع الآمل بداخلي
هَجــع:: و.. ويــن اروح؟

حچت بنبره غريبـة اشبه بالـ ثقـة
رنيم:: روحـي لـ بيت الصمـد !

عگدت حواجبي بتساؤل
هَجــع:: همَ منـو بيت الصمـد؟

اتلفتت على الباب متوتره وحچت
رنيم:: عبد الصمـد يصير اخـو لجـدو ابو ابويَ، روحـي يمهـم هَجــع جدو عبد الصمـد هو الـي راح ينقـذچ ويخلصـچ من بابا وعبدالله

بلعت ريگي متوتره وحچيت
هَجــع:: شـ.. شلـون اوصللهم و منـو يگول راح يقبلون اعيـش يمهـم، و بعديـن منو گال راح ينقذوني من عمـو و عبدالله اخاف يطلعون اضرب منهم!

رنيم:: هَجــع اسمعيني زيـن ما عندچ فرصة غير اليـوم فكري هل مـرة بذكـاء وين مصلحتـچ اذا بقيتي هنا لا بابا يرحمچ ولا غيره حتى من الدراسة يبطلچ بس تخلصين سادس هاي اذا ما بطلچ من هسة

لزمت ايديَ تعصرهم بين ايديها
رنيم:: هَجــع ما اريد حياتچ تتدمر مثل سديم ١٩ سنه هي تتعذب وما عدها سبب تكمل حياتها علموده تريدين تصيرين مثلها ضعيفة ما عدها الحق تحچي ودگول شنو تريد؟؟

هزيت راسي بـلا ورجعت حچت
رنيم:: اي شفــتي، اني شفت القوة بيـچ الما شفتها بـ سديم الأمل بيـچ الما شفته بسديـم عندچ طموح وغايـة عكس سديـم اني اريد اساعدچ هَجــع

بقيت ابلعم اباوع بوجهها وهي تنتظرني بصبر انطق واحچي اي شي، حلت ايديَ بفزه وطلعت كيس من ملابسها، عگدت حواجبي مستغربـة وهي حطت الكيس بـ أيدي وحچت

رنيم:: هاي فلوسچ المليونيـن الي بقـوا من اثاث بيتكـم لان الباقي بابا صرفهن، و چذب امـچ لا اجته للشغل ولا شي هاي من عدنه چذاب كل الفلوس چانت يمه

عضيت طرف شفتي ضايعة ما اعرف شنو اتصرف باوعتلها وحچيت

هَجــع:: متأگدة بيت الصمـد راح يساعدوني؟

رنيم:: اي اي يساعدونـچ متأگدة، جدو عبد الصمـد چان كلش يحب ابوچ اني چنت اعـرف بس انتِ ولا مرة شايفتهـم لان تروحين ويا امـچ لخوالچ كلما يجـون لو تبقين بغرفتـچ ومتنزلين اما احنا فَـ بابا چان يجبرنا نسلم عليهم من چنا صغار بس هسة لا..