ألهَــجع " نار الحـد "

الفصــل -٥-

ألهَــجع " نار الحـد "
للكاتبه روَيــده

سامحتچ يا دنيا، لا تأذين روحي بعد..

"""""""""""""""""""

هُيام:: يلا هَجــع امي انتِ تحركي حتى نروح ما اريد نبقى تحت رحمه هذولي الناس ما اريدچ تبقين بالذل يا ماما!

هَجــع:: لا..

عگدت حواجبها ونظره حايره تتجسد بعيونها صوتها يرجف
هُيام:: شنــو لا؟

هَجــع:: ما اروح وياچ!

فكت عيونها ولزمت ايديَ بقوه
هُيام:: هَجــع امي انتِ شبيچ؟

هَجــع:: لو اموت لو تحطين السكين على نحري ما اروح وادخل بيت واحد نفس زوجچ!

ماما بقت ساكته مصدومه من ردي دفعت ايديها ورحت وگفت بجانب عمو علي

هَجــع:: اني بنت حسين وهذا عمي وهذولي اهلي ما احتاجچ ولا احتاج شخص مثل زوجچ!!

ماما فكت عيونها وخزرتني
هُيام:: هَجــع والله اذا ما اجيتي وياي لا اني اعرفچ ولا انتِ تعرفيني

حچيت بحده
هَجــع:: وطــــز بعد احسن!

ماما فتحت حلگها مصدومة من ردي و دموعها صارت تتسابق على خدها، صاحت وحسيت بالنبره الي بصوتها مليانه خذلان

هُيام:: هَجــع اني امچ هَجــع!!

هَجــع:: ما يشرفني، روحي لحال سبيلچ اني بطريق وانتِ بطريق!

هُيام:: هَجــع!!

انداريت لـ عمو وحچيت
هَجــع:: عمو اخذني وياك ما اروح ويا هاي المره

باوعلي عمو وهز راسه وحطني جوا جناحه يحچي
علي:: بنتنا تبقى يمنا وانتِ الله يوفقچ

تقربت ماما تريد تجرني من عمو علي تراجعت وعمو علي منعها وخلاني ورا، وصاح بـ وجهها

علي:: بنتچ انسيــها، وصيــة حسيــن بس هــي ظلــت!!

ماما بس دموعها تنزل وتباوعلي بـ خيبـة وخذلان مالي عيونها بقيت اباوع بعيونها خازرتها بحده وهي ما تعرف شنو تتصرف، اندگت الباب ودخل زوجها بهيبته ونبره صوته الخشنه، دخل سلم ما يدري شنو الموضوع، تسالم هو وعمو علي وولده الكبار وحچه

:: يلا هُيام يلا بابا هَجــع حضرتوا غراضكم لا تاخذون شي ثگيل بس المهم كلشي جاهز هناك ورانا طريق طويل