خفـايّا القَدِر
جدول المحتويات

    أنت تقرأ

    خفـايّا القَدِر

    Random

    نواجه مواقف وأحداث ما كنا نتوقعها، وبعض الأحيان نحس إن الأمور ضدنا بس مع الوقت بنفهم إن اللي صار لنا كان فيه خير حتى لو ما بان لنا في وقتها.

    2

    134 9 10 
                                        
    
                                              
    ردينا بيتنا و عطيتهم عبيه .. لبست عباتي انا و زدت البلشر و تعطرت عطر خفيف و يوم طلعنا جفنا خليفه مجدم السياره ...
     راحت نوير و قعدت جدام و انا و نواري ورا 
    خليفه : منو بيشبك ؟
    نوير سحبت الواير : انااا
    نواري : لاتحححطيين انغام
    نوير : مابحط
    خليفه : وحده تحط لي لوكيشن الكوفي
    نواري : موزان حطي ماعندي نت انا
    حطيت لوكيشن الكوفي و مديت التلفون حق خليفه .. بعدها ب شوي رن تلفوني 
    انا : منو يدق ؟
    خليفه : رقم غريب
    قلتله : عطني اجوف 
    خليفه مدلي التلفون و رديت 
    انا : الوه ؟
    .. : السلام عليكم 
    انا : عليكم السلام .. منوه ؟
    غيث : انا غيث .... وياج فالكلاس
    انا : هلا غيث امر ؟
    كل الي فالسياره لفو طالعوني ب نظره .. !!
    رديتلهم النظره بستغراب ..؟؟
    غيث : ممكن اطرشيلي الفايلات عشان اكمل البروجكت... !
    انا : ان شاءالله من ارد البيت بطرشهن لك عل ايميل
    غيث: مشكوره ماتقصرين 
    انا : العفو ... "سكرت و رديت مديت تلفوني ل خليفه "
    نواري : منو غيث ..
    انا : واحد وياي فالكلاس 
    خليفه يطالعني من المرايا : و ليش داق ؟
    نواري صدت اطالعه و ردت طالعتني .. 
    انا : عندنا بروجكت و يباني اطرشله فايلات 
    خليفه : ايواا 
    نوير و نواري يلسو يفجون سوالف و يحاولون يلطفون الجو شويه لين وصلنا الكوفي ...
    خليفه : سيرو داخل دورو طاوله شوي و بيكم 
     عقت حوايبي و طالعته : قومن يلا
    خليفة كان يدوخ ... ومحد كان يعرف عن هالموضوع غيري ...! كنت دايماً أراقبه وأشوفه كيف يحاول يخش الموضوع عن الناس، بس أنا الوحيده اللي كنت أدري بالسالفه ...
    >
    >
    >
    >
    >
    >
    دوم بعد الغدا ، كنت الاحظ انه خليفة  يظهر 
     ويقعد فالحوش لفتره طويله .. و يوم من الايام كنت بطلع من البيت سايره بيت عمي مبارك جفت خليفه و هو ظاهر من البيت و وقف ورا سيارته ... ماتحركت و تميت واقفه ليين ظهر المدواخ !! .... فجأه ... دوخ خليفه بشكل واضح وبدأ يتمايل عللىى طوول ركضت صوبه خفت يطيح : خلووف !! شتسوي ؟؟؟
    خليفة ارتبك وحاول يخش المدواخ بسرعه ... بس كان تعبان و مدوخ وما قدر يخشه ... رد علي بصوت مبحوح : ما بغيتكم تعرفون ... كنت أحس براحة يوم أدوخ ... بس ما توقعت انه بيسبب لي هالدوخة " حط عينه ف عيني " تعبت بنت عمي والله تعبت 
    طالعته ب عين مليانه خووف : خلوف صحتك اهم .. ! وقف هال عاده الخايسه و فكر ف صحتك بروحك عندك مشاكل فالرئ !
    خليفه نزل راسه ب تعب و قال : ان شاءالله بنت عمي .. مابتجوفين هال مدواخ مره ثانيه
    شباب العايله منولدين و رابين ع هال شي و عمومي بعد ..  يدي الله يطول بعمره، دوم يوصيهم يحافظون على صحتهم  ويبتعدون عن العادات الخايسه ... لو عرف انه حد من  شباب العايلة يدوخ ..!! بيزعل زعل كبير !!!! هو تعب وسهر علينا وربانا على إن الصحة هي أغلى ما نملك، وإنه الدواخه تضيع هالتعب كله. كل ما يشوفنا، يذكرنا بكلامه " الصحة كنز، لا تضيعونه بدخان وزقاير." ...
    خفـايّا القَدِرحيث تعيش القصص. اكتشف الآن