اميه : ديري بالج ع روحج يا امييه ولا ترابعين الا بنات بلادج ولا بنات عرب طبيهن بنات الشقر !!
نواري تصيح : بشتااااقللجج
" انخشت ف حظني "
راشد : طععععع وويييهجج هههههههههه
نواري تمسح دموعها : جججب انت ججب
يدوه : تروحين و تردين بالسلامه و ديري بالج ع روحج
انا : الله يسلمج يدوه حبيبتي
انرسمت ل ويهي ابتسامه عريييضه وانا اجوف عمي سالم يتجدم صوبي يبا يودعني ...!! عمي سالم دوم يكون مصدر دعم لي ووجوده هني معاي يطمني ... يوم وصل صوبي حضني بقوة وقال لي.....
عمي سالم مبتسم : الله يوفقج يا بنتي ارفعي راسنا هناك
حسيت بشعور دافي وانا اسمع الرمسه جنه كل الخوف والتوتر اللي كان فيني اختفى للحظة ... هالكلمات بتم في بالي وبتذكرني دوم بدعم أهليه لي مهما كنت بعيده عنهم ... الله يحفظهم لي و أوعدهم بأني ببذل كل جهدي في دراستي ..
عمي صقر : خخلوووهم روحهم حبيبة عمها هاي
بعدها طلعو كلهم برع ميلس يديه
نزلت مني دمعه حااااااره وانا حااضنه عمي سالم ... ماقدر اودعه مااقدر ... هاللحظة كانت صعبة عليّ وايد... بس عارفه انه لازم أكون قويه وأتحمل ... حضنه كان مثل الدفى اللي يريح قلبي، وكلماته كانت مثل البلسم على روحي. قال لي ...
عمي سالم : لازم تتشجعين ابويه هذي فرصتج تبنين مستقبلج وتحققين طموحاتج ...
حاولت أتمالك نفسي وابتسمت له . . بس الدموع كانت تغلبني .. عارفه إن السفر بيكون بداية يديده وتحدي كبير ... بس ما أقدر أنكر انه الوداع يعور القلب. بشتاقله وايد .. الكل يتحرى سبب السفره انه ابا اكمل دراسه و بس .. محد يعرف انه السبب الأول للسفره اني ابا انسى الي ستوى!! ابا انسى اليوم الي عرفت فيه إنه حبيبي و ريلي هو أخويه بالرضاعه! هالصدمه كسرت قلبي .. وما قدرت أتحمل أواجه الحقيقه السفر بالنسبة لي هو هروب من الويع ومحاولة لبداية يديدة بعيد عن كل شي يذكرني بالماضي
ما أقدر أكون في نفس المكان اللي غيث فيه ...ما أتحمل ولا بتتحمل نفسيتي ... كل زاويه وكل شارع يذكرني فيه ... والنفسيه تتعب أكثر وأكثر ... لازم أبتعد وأحاول ألقى نفسي من يديد في مكان بعيد ... بعيد عن كل شي يذكرني بالألم والخيبه وانا واثقه اني بردلهم بنتهم موزه القووويه ...
بعدها طلعنا الصاله و كل عيال عمومتيه و بناتهم و حريمهم هني ... ستانست انهم يايين يسلمون عليه .. قعدت ويا البنات لنه بعد ساعه بسير المطار ويا اخويه سيف ...
بس في شخص هب موجود ! يلست التفت اطالع ماحصلته ! حز فخاطري شوي بس ماروم اغصبه اي يسلم علي " ابتسمت ابتسامه باهته و نزلت راسي "
نوير : جفتج ترا ادورينه
طالعتها : رادار ماشاءالله عليج
نوير : عنده زاام مارام اي بس سلم عليج
ابتسمت : الله يسلمه
سيف : يلا موزان ؟
انا : يلا
سيف : جوازج كلشي عندج ؟
انا اجيك : هيه كلشي
سيف : يلا فديتج
قمت سلمت علييهم كلهم و قلت محد اي المطاار لني مابا اودع حد هناااك !!
أنت تقرأ
خفـايّا القَدِر
Randomنواجه مواقف وأحداث ما كنا نتوقعها، وبعض الأحيان نحس إن الأمور ضدنا بس مع الوقت بنفهم إن اللي صار لنا كان فيه خير حتى لو ما بان لنا في وقتها.
