فجيت عيني ع وسعهن و قمت : شتتقوول انته تخبلت ؟؟!
طحنون : والله يا موزه الكلام طالع من القلب أنا ما يهمني شي غير إني أطلبج بالحلال ما أبغي شي بالحرام ولا أبا إلا رضى الله ورضاج وناوي أروح حق هلج وأطلب إيدج بالطريقه اللي تريح قلبج وقلبي بس حبيت أقولج قبل لا أخطي أي خطوة
بعدني فاجه عيني و اطالعه ب صدمه : بس انا
قاطعني : أنا أعرف عن غيث وأعرف السالفه كلها وبعدين سالفة خليفه بعد اعرفها من زمان حبج لولد عمج كان حب من طرف واحد وكلنا نعرف إنه كان مجرد شعور بسيط خطبه كانت بس الحين انا يا موزه ناوي أملج عليج ما أبغي أي شي يوقف بيني وبينج
قلتله : انته تعرف شو يالس تقول ؟؟
طحنون : هيه موزه أعرف بالضبط شو يالس أقول أنا مب يالس أتكلم من فراغ واللي يهمني هو إنج تكونين وياي بالحلال
قلتله : بس طحنون ... الموضوع هب سهل مثل ما تتخيل هالأمور معقدة وأنا مب متأكدة شو الصح
طحنون بهدوء: أنا ما أبغي أضغط عليج بس كنت لازم أكون صريح وياج ... أنتي الشخص اللي أبغيه فحياتي ... وأدري انه الماضي كان له تأثير كبير ... بس بالنسبة لي الماضي مجرد فصل انتهى .... اللي يهمني الحين هو المستقبل اللي أقدر أبنيه وياج .. أبا أكون الشخص اللي يعتمد عليه قلبج ... الشخص اللي يوقف وياج في كل الظروف ... واللي يسعدج بكل لحظه .. مهما كانت تحديات الماضي ... اللي نبغيه سوا هو انه نعيش بحب وتفاهم واحترام ... أبا نبدأ صفحة يديدة ... نكتب فيها قصة تكون أحلى وأصدق من أي شي فات ...
" يلست افكر بعمققققق وانا اطالع طحنون كلامه لامس قلبي بطريقة ما توقعتها ما كنت متخيله انه حد يهتم فيني لهالدرجة بعد كل اللي مريت فيه يمكن لأول مرة أحس انه في حد يبا يعوضني عن كل شي بس بنفس الوقت خايفة من إني أفتح قلبي مرة ثانية خايفة من إني أعطي فرصة وأتألم مره ثانيه وصعب أتجاهل اللي قاعده أحسه يمكن .... يمكن يكون طحنون هو الشخص اللي يستاهل هالفرصة؟ الشخص اللي يقدر يعطيني السعادة اللي كنت أفكر إنها ضاعت "
طحنون يبتسم : أجوفج على خير و خذي وقتج وفكري عدل في كل اللي قلته لج .. لنه مهم بالنسبة لي أنا مب ياي أضغط عليج أو استعيل ... بس حابب أوضح لج انه نيتي صافية ... أنا شاريج بصدق وبكل مشاعري ... وأبغي لج الأمان والسعادة إذا قررتي تكونين معاي مستعد أكون حذالج في كل خطوة. أتمنى تكونين مرتاحة ومتأكدة من قرارج لأن اللي يهمني راحتج وسعادتج ... " ابتسم ابتسامه اعرض " يلا مع السلامه ....
تميت واقفه مكاني وانا افككر بعمق كلامه خلاني احس بشي غريب مزيج من الراحه والخوف كيف قدر يفتح لي قلبه بهالطريقه ويعبر عن مشاعره بهالصراحه ؟؟ ما توقعت انه حد يكون مستعد يوقف وياي بهالشكل خاصة بعد كل اللي مريت فيه بس بنفس الوقت هالخوف ما يفارقني... خايفه من إني أثق مرة ثانيه من إني أفتح قلبي وأتألم من جديد بس كلام طحنون فيه صدق وأحس إنه فعلاً جاد في اللي يقوله ... يمكن هذي الفرصة اللي كنت اترياها من زمان الشخص اللي مستعد يعوضني عن كل شي يمكن فعلاً يستاهل إني أعطيه فرصة واجوف شوه بيستوي ... بس لازم أفكر زين لنه القرار مب سهل ...
أنت تقرأ
خفـايّا القَدِر
Randomنواجه مواقف وأحداث ما كنا نتوقعها، وبعض الأحيان نحس إن الأمور ضدنا بس مع الوقت بنفهم إن اللي صار لنا كان فيه خير حتى لو ما بان لنا في وقتها.
