ظبيه : موزان يلا وصلوو ..
انا : زييين ياييه ...
كل بنات العايله متيمعات فبيتنا بما انها ليلة العيد ف يايبين حريم يصبغون شعر و حناياات... لبست قميص بدون اكمام و بنطلون اسود عادي و نزلت تحت قعدت عند ظبيه
ظبيه : شو تبين تسوين ؟
قلتلها : بصبببغ شعري بني فاتح
ظبيه : احس انا بعد ابا بس مب حلو يطلع علي
نواري : يححححظكم امي ماتخلينننييي
ضحكت : عادي الا صبغه انا صبغت قبل و عقب رديته اسود
نواري : دلوعة امج انتي عادي عندها ...
يا دوري و سرت تحنييت و صبغت شعري مثل ماكنت اباه .. قعدت شويه و عقبها سرت تسحبت و غسلت الحنا و انسدحت من التعب .. وصلني مسج ..
" السلام عليكم .. "
" عليكم السلام .. "
" علومج ؟ "
" علوم الخير .. "
" ممكن ادق ؟ "
توترت شويه و ماعرفت شقول فجاه رن تلفوني
... قلبي يددققدق طبوول كنت ارتجف ... بس ردييت .. !
غيث : هلا موزه
انا : اهلين
غيث : للحين مب مصدق انج " ضحك " بنانا
غيث كان دوم يزقرني بنانا وانا صغيره .. كنت يوم العب وياه كله اختار الالعاب الصفرا و البس فساتين عليها اشكال موزز .. ف كان يضحك علي و يزقرني بنانا .....
ضحكت : ولا انا مب رايمه اصدق
غيث : ترا امايه و ميثه و مريم بيونكم فالعيد ..
قلتله : امايه قالتلي .. شتقتلهم وايد
غيث : للحين مب متاكد اذا اول يوم ولا ثاني
قلت : امايه قالت ثاني يوم
غيث : ماعرف مب متاكد انا ... بجوف
قلت : زيين
غيث : يلا عيل بس حبيت اسلم عليج ...
>
اخر شي ذكرته اني كنت اصيح عند عمي سالم....
.
.
عمي سالم : بنتي .. إذا كنتِي مرتاحه حق غيث ما عليج هم بالمره .. فديتج حبيبتي .. وخليفه بيفهم الموضوع وبيحترم قراراتج ... وما راح يغصبج على شي ما تبينه ... الأهم انج تكونين مرتاحه ومستانسه بأي قرار تتخذينه، وأنا دايماً موجود لدعمج ودعم أي قرار تختارينه حبيبتي ولو شو ماصار راح أكون صوبج دوم و خليفه انا الي برمسه لاتشلين هم " باس راسي و مسح دموعي " يلا ابوي سيري داخل عن البرد
ابتسمتله و سرت ....
-
-
-
-
كنت منسدحه و مسكره الليتات و استغفر بصوت عالي عشان مافكر بشي ! ... ليييين غططططييييت ف نووووممه و مااقمت الا ع صوت الحشره الي مستويه برع .. قمت و جفت ظبيه و حمد و سيف و ولده زيود يظهرون من حجره و يدشون حجره تميت واقفه مكاني ب كشتي و بجامتي و من جافني حمد فطططس ضحك
حمد : انتتي حووه قومي قومي بدلي عيد ولا نسيتي هههه
سيف خطف ابتسم : مباركن عيدج .. حولت عيديتج ...
قلتله: ماتقصر فديتك ...
سحبت على حمد و سرت سشورت شعري و خليته كله سيييده و سويت فير حق الي تحت بس و قصتي رديتها ع ورا ب بنس .. تمكيجت مكياجي العادي بس زدت جحال و ايلاينر و خليته مدمووج و رسمت مدمع و برزت حبت الخال الي ع خدي ع يسار و الي صوب شفايفي ع يمين ... طلعت ثوبي الابيض و لبسته و لبست ذهبي .. و تبخرررت و تسبححححت بالعطووور ... طالعت عمري اخر مره و ظهرت من الغرفه ...
امايه اول ماجافتني انزل من الدري يببت خلللتننيي اسستتتتحي ... !!!
أنت تقرأ
خفـايّا القَدِر
Randomنواجه مواقف وأحداث ما كنا نتوقعها، وبعض الأحيان نحس إن الأمور ضدنا بس مع الوقت بنفهم إن اللي صار لنا كان فيه خير حتى لو ما بان لنا في وقتها.
