خفـايّا القَدِر

15

قمت على الساعه 11 و أول ما فجيت عيوني جفت انه بعددهه عل خطط ! تسع ساعات كامله .. وأنا نايمه وهو بعده عل خط .. شعور غريب .. كنت أسمع صوت طحنون يرمس ربيعه بصوت خفيف شكله كان طالع

حسيت بشي داخليه .. خليط بين الحيا والفرح .. جنه تم عل خط بس عشان يطمن عليّه وجنه ما كان يبغي يخليني روحي ... استغربت من روحي... كيف كنت مرتاحه لهالدرجه؟ وكيف كل هالفتره ... وأنا نايمة وهو حذالي (ولو إنه بعيد) بس حسيت إنه كان موجود .. ماعرف شو اللي خلاني أستحي بس بنفس الوقت حسيت بشعور حلو جنه فيه حد يهتم لي بالطريقه اللي كنت دوم أتمنى حد يهتم لي فيها .. طحنون كان يرمس وأنا بس أسمع صوته جنه طيف يحوم حوليه ويحرسنيه ... وقتها تأكدت انه الشخص هذا فيه شي خاص .. شي ما كنت جايفته قبل .. يمكن لني كنت معمايه عن هالنوع من الاهتمام .. أو يمكن لنه فعلاً .. طحنون كان غير .. كان شخص يقدر يفهمني بدون ما ارمس ويكون موجود حتى بدون ما يطلب مني شي ..

قلت بصوت ككله تعب : اللوه
طحنون بهدوء : صبر بو حميد شوي و بيك ..
حسيته طلع برع لنه خفت الحشره 

طحنون بحنيه : ها ابوي صح النوم نمتي عدل ؟
ابتسمت : هيه الحمدلله .. ليش بعدك فالكول عبالي سكرت ؟ ماتعبت ؟
طحنون يبتسم : المهم عندي انج مرتاحه يوم حسيت انج رقدتي مارمت اسكر الكول حسيت انه لازم اتم وياج ..
بتعب قلتله : توني واعيه ماعرف شقول
طحنون يضحك : هههه ماعليه نشي احينه اكيد راقده ب مخور و مادري شو نشي يلا و كلي شي بعد
ابتسمت لني اول مره اسمعه يضحك جي و من خاااطر : انزين ..
طحنون بحنان : و ردي رقدي تراني رمست امايه و باجر ان شاءالله يايين مثل ماقلتلج مب مستعيل بسمع ردج باجر ..
قلت : ان شاءالله..
طحنون : الله يحفظج ..
و سكر ...

يوم قال انه أمه بتي باجر حسيت بصدمه وراها فرحة كبيره ؟؟؟ مشاعريه متلخبطه جنه كل شي يمشي بسرعه بس نفس الوقت .. حسيت براحهه .. ما توقعت انه بياخذ هالخطوه بسرعه بس نبرة صوته خلت قلبيه يرقص من الفرحه
كنت أحاول أفكر في اللي ستوى  بس المشاعر كانت أقوى من التفكير .. حسيت بأمان واهتمام ما عمري حسيت فيه قبل .. جنه كل شي قاعد يترتب بطريقه ما توقعتها ... بس حبيتها من كل قلبيه ما أعرف شو اللي بيستوي بعد ...  بس اللي أعرفه إن هالكلام ...  وهالخبر ... غيروا كل شي ..يمكن فعلاً هذي بدايه لحياه يديده حياه يكون فيها طحنون الشخص اللي يشاركني كل لحظه فيها ..

قمت عطول سرت تسبحت و مسحت المسكرا و الجحال عددل و لبستلي بجامه رصاصيه .. عقصت شعريه و تعطرت و جفت انه البنات وايد داقيلي و مطرشين ف سناب و كانو يتخبرون عني .. سكرت تلفوني و نزلت تحت اكل شي خفيف و سويتلي جاي لنه حسيت صدريه يعورني .. بعدها حاولت ارد ارقد ماارمت خذت بندول نايت و ررقدتت لييين الساعه ست ...