خفـايّا القَدِر

12

ماحيد شو ستوى عقب لني قمت ع ايد امي و هي تشاهق من الصياح ... حاولت افج عيني مارمت كنت مدوخه تميت مغمضه ليين قدرت و فجيت عيني ...
اميه تسمح دموعها : اميييه حبيبتي موزان شوو ياج ليش طحتي
انا : طحت ؟ وين طحت
اميه : اغمى عليج حبيبتي انتي تعبانه شو فيج شو يعورج؟
ابتسمت ب تعب : مافيني شي امايه بس تعب من السفر ...
غمضت عيني اذكر شو اخر شي ستوى ... كنت ف حالة انهيارر و اخر شي اتذكره اني طحت ع ايد عمي سالم ...

اميه : موزان ويايه انتي ؟
غمضت عيني : وياج حبيبتي ... متى بطلع
اميه : بعد ما المغذي يخلص ...

4:55am

دشيت البيت وانا مييته من التعب رحت فوق و غصبت روحي اتسبح مره ثانيه لنه ماحب ريحة المستشفيات ... لبست شي ثجيل و ررققققدددت ....

قمت عل ساعه 3 العصصر ... نشيت بصعوبه بعدني احس ب تعبب .. دشيت اتسبح و طلعتلي مخور بيج ويا شيلة بيت ... شليت تلفوني و نزلت تحت جفت ظبيه ..
ظبيه : اوه اوه هل لندن قاموو
ابتسمت ب تعب : جب جب تعبانه
سرت حضنتها : اهخ ماتعرفيييين شكثر شتقتلج
ظبيه : فدييتج وانا شتقتلج اكثر
يلست عل كرسي : وين خواني ؟
ظبيه : سيف و فطيم حاجزين ف دبي و حمد رقود احيده
حمد ينزل : واعي واعي
تجدمت صوب اخويه حمد و سلمت عليه
حمد : تعالي تعالي شو لندن زينه ولا
قلتله : زيينه
حمد : شكلي بسيرلها ... امايه وين ؟
ظبيه : ف بيت عمي صقر
حمد : زين عيل بطلع انا تامروني ع شي ؟
نحن : سلامتك ..
حمد : الله يسلمكم

قعدنا نسولف انا و ظبيه لين دق ريلها و طلعت .. تميت اطالع تلفزيون عقب قمت اسويلي شي اكله و بعدها ...
انا : الووه
مزنه : مرحبا الساع
انا : مرحبابببج زوود
مزنه : تلللبببسي حبيبتي ابويه مطلعلي دفندر من الوكاااله بنسير نححححووووط
ضحكت : يلا ..

قمت بسرعه لبست عربيه و لبست ذهب خفيف و تمكيجت مكياج خفيف نفس دووووم و برزت حبت الخال الي قريبه من شفايفي و الي ع خدي ... لبست عباتي و تبخرت جان اتدق مزون

مزنه : اقولج انا برع بس ماعرف اي واحد بيتكم
انا : دشي بيكون ع يسارج موتريه برع 
مزنه : زين عرفته يلا تعالي

تشيلت و شليت ساماني و نزلت .. وانا سايره صوب السياره جفته يطلع من بيتهم و عينه عليه حطيت عيني ف عينه وانا اطالعه بحتقار .. ركبت السياره و سلمتت ع مزووون

مزنه : تصدقين جني مب جايفتنج من زماااااان
انا : هييه والله
مزنه : وين تبين نسير
انا : دبي ؟
مزنه : يلاا شبكي

القلـب لك يا سـيد القلـب لبـا

من قبل قلبه صاحب القلب لبّـاك

حرمت عيني تطعم النوم غصبـا

يا هاجري مقدر على طول فرقاك