ظبيه : اووف ياسلام من زمااان عن العزبه
ام سيف : هيه والله .. قومن يلا بنحط السامان داخل ..
عزبتنا عوده و وايد مطووره جنه شااليييه...يدي الله يطول بعمره قال حق عمومتيه يسوون عزبه وحده بدال لا يسوون اكثر عن وحده ... اول ماندش العزبه شي نخله طويله و شي يلسه عووده و فنص شي مال النار ... و عقبها دااخخل العزبه شي اربع فلل صغار و شي سطبل و ملعب بادل و كوره و كورة سله
و و و و... الباقي بتعرفونه عقب ....
دشينا فلتنا و سرنا نرتب الغرف لنه من زمااان مايينا العزبه ... غيرت فراشي و بخرت الحجره و طلعت المخاوير و علقتهن و بخرتهم و طلعت لي شيلة بيت قعدت فالصاله و يلست اسولف ويا ظبيه ...
حد كان يدق الباب ورا بعض بدون مايوقف
انا : منووه ؟
نواري : فجججيي الباببب يالسسوودا
ظبيه : ههههههههههههههههههههههههههههههههه
ضحكت و فجيت الباب : مالت عليج احينه انا سودا ؟؟ ابيض عنج انا
نواري : شلي شلي الدله و تعالو يلا كلنا قاعدين برع الجوو حلو
قلتلها : زيين صبري
سرت يبت تلفوني و وقفت جدام المرايا اتشيل و جفت نواري تفتش شنطتي : شتسوين
نواري : ابا روج حلو
صديت : مااعندي هدي الشنطه يلا
سرت تعطرت و تبخرت و طلعنا برع ..
عمي سالم : مرررحبا ملايين بالشيخه
كلحد لف
انا : فديتك عميه...
عمي سالم فج ايده عشان احضنه... حضنته و باس راسي ...
أكثر شخص أحبه ف عايلتنا هو عمي سالم يمكن السبب أنه أصغر عم ودايمًا يفهمنا ؟... علاقته ويانا دوم مميزه ... جنه واحد منا...يعرف كيف يتعامل ويانا بذكاء ويفهم مشاكلنا وأفكارنا بطرق مميزه دووم يكون موجود و يدعمنا وينصحنا و يكون قريب من قلوبنا...يمكن لنه تفكيره قريب من تفكيرنا..؟ عسبت جيه نحس انه يفهمنا أكثر عن أي شخص ثاني في العائله ..
... عمي سالم يحبني أكثر عن الباقين ههههه لنه من صغري وأنا متعلقه فيه بشكل كبير ...! من يوم كنت ياهل كان دوم يشلني وياه وين ما يروح ... وكنت أحس بالراحة والأمان بوجوده...صار بيننا رابط خاص من يوم كنت صغيره وعلاقتنا كانت تقوى مع مرور الوقت ... دوم يحس بمشاعري ويفهمني بدون ما أرمس ويدعمني في كل خطوة أخطيها ... يوم كنت أواجه أي مشكله أو أكون زعلانه كان هو الشخص الأول اللي ألجأ له .. حضنه كان دوم مكان الأمان لي ... ونصايحه كانت تحسسني بالثقه ... حتى يوم كبرت .. تم حضوره ف حياتي مميز ومهم .. وكل لحظه أقضيها وياه تعزز علاقتنا بشكل أكبر .. عمي سالم هو الشخص اللي يشل همومي ويفرح لفرحي .. ولهال سبب مكانته عندي ما تتغير ... ومن بعد وفاة أبويه .. تعلقت فيه أكثر ...كان هو السند والداعم الأكبر لي وكان يعوضني عن الفراغ اللي تركه أبويه وجوده خلاني أحس إنه بعده عندي شخص أحبه وأعتمد عليه شخص يفهمني ويساعدني أتجاوز أصعب الأوقات .. عمي سالم مش بس عم، هو أبوي الثاني اللي أعتمد عليه وأحبه من كل قلبي
أنت تقرأ
خفـايّا القَدِر
Randomنواجه مواقف وأحداث ما كنا نتوقعها، وبعض الأحيان نحس إن الأمور ضدنا بس مع الوقت بنفهم إن اللي صار لنا كان فيه خير حتى لو ما بان لنا في وقتها.
