خفـايّا القَدِر

9

السااااعه تشششير ل 9:30 ...
صباااح اليوم غييير !! صباااح اليوم في لنندن و فهال اجواء الغااااويه و اللي تردد الروووح يومي بدا بشكل مميز و غغييير الجو في لنندن غير عن أي مكان ثاني يفتح النفس ويعطيكم طاقة إيجابيه الأجواء بارده ونسيم الهوا عليل، وكل شي حوالي ينبض بالحياة. شوارع لنندن، الأبراج، والأسواق كلها تضيف لمسة سحرية لليوم. يا حظي اني في هالمدينه الجميلهه بس اكككيييد ماشي شرات العين و بوظبي يسسكرن ملف لندن !!!

نشيت سرت تغسلت و تسبحت و سشوورت شعرييه عل سريع و عقصته .. و طلعتلي هاي نك ابيض و بنطلون ابيض و كووت احمر غااامج ... لبست شيله بيضه و عقبها لبست الكووت و لبست جوتي لورو بيانا اوف وايت " عزكم الله "
كنت حاطه تنت و مسكرا و تجحلت و كنت حاطه لب لاينر نود ماتفييجت اتمكيج ف هال برد بس شكلي مررتب .. شليت تلفوني و نزلت اللوبي اترياهم يوصلون سيارتيه ... فديته عمي سالم مأجرلي سياره عسب اسير و ارد ع راااحتيييه !

دقولي و قالو انه وصلت السياره و عطوول طلعت عسب استلم المفتاااح ... واعيه الصبح لنه لازمم اسير الجامعه من احينه اخلص كم شي و اعطيهم اوراقي .. ببدا جامعه بعد اربع ايام لنه اليوم الخميس ... شغلت قوقل ماب بما اني ما ادل شي ف لندن و تحركت صوب الجامعه ... كنت ميته يوع بس ماكان شي وقت و قلت بالمره من اخلص بسير اخذلي شي اكله ... وصلت و بركنت السياره و شليت ساماني و دشيت ... كنت شوي ضايعه بس الحمدلله خلصت كلشي و عطيتهم اوراقي ... رن تلفوني و ستااااننست يوم جفت انه رقم الامارات ... عطوول ردييت .. انا بندفااع : اللوه

.. : مرححبااني ب هال صووت
شعر ينبي وقف .. : منوه عطاك هال رقم ؟
خليفه : شليته من نوير .. شحالج انتي ؟
انا : طيبه الحمدلله
خليفه : و لندن ؟ غاااويه ولا ؟
انا : اكييد غاويه
خليفه: امس يا فبالي ذاك اليوم .. يوم قلتلج ماتسافرين و تدرسين برع ...
تنهدت و ماقلت شي
خليفه : كنت ابا اخطبج وقتها ... و اخليج تخلصين دراسه ويايه
انا : بس ربي ماكتبـ ....

... : الشيخه بطاقتج
لفيت جفت واحد زاخ بطاقة الجامعه !!! اهخخ يالفضيحه اسمميي الكامل مكتوووب و ويهيي حاطييينه بعد !!
تجدم صوبي و هو مبتسم : تفضلي
شليت البطاقه بسرعه : مشكور
... : العفو ... اول يوم لج ؟
توترت لنه خليفه بعده عل خط .. : هي
مبتسم : واضح متوتره .. وياج طحنون القبيسي دوم اكون هني بعد المحاظرات .. ان بغيتي شي ولا ماعرفتي ل شي بتحصليني هني
ابتسمت : مشكور ...

طلعت برع الجامعه و جفت انه بعده عل خط
انا : مابتسكر يعني
خليفه : اترياج تخلصين من طحنون يلا معسلامه " سكر ف ويهي "
ماترياني ارد بعد...

سكرت التلفون و فريته فالشنطه و حركت ع كوفي صووب هارودز ( EL&N ) ... صراحه لازم اتعررف ع بنااات هب طبيعي بقعد وحيده طول الوقت ... بما انه شي شباب مواطنين اكيد شي بنات مواطنات .. امم اصلاً ممااايهم من وين بس اهم شي عرب مثل ما امايا وصت هههههه ... و على هال افكار وصلت الكوفي .. نزلت و قعدت ع طاوله قريب الباب و صوبها دريشه ...