خفـايّا القَدِر

21

اليـمعّه

قمت الصبح و كنت اعرف انه اليوم بيكون طويل لنه عرس خليفه أول ما فتحت عيوني كنت حاسه بمزيج بين الفرح والتوتر قمت بخطوات بطيئه ورحت صوب المرايه احاول اهدي روحي قبل ما يبدا يومي أول شي رحت الحمام " عزكم الله " اتوضى و اصلي الفير لنه امس رقدت بالغلط ولا حسيت ... كنت ادعي انه اليوم يمر على خير وتكون الأجواء هاديه بعد الصلاه يلست شوي في مكاني احاول ايمع افكاري و افكر في كل اللي لازم اسويه اليوم بعد ما خلصت رحت اسويلي فطور خفيف لأنه اعرف انه اليوم ما بلقى وقت اكل ... بعد ماخلصت نزلت تحت جان يدق عليه طحنون ..
طحنون : هلاااا بالحلو
انا : اهلين
طحنون : شحالج
انا : طيبه الحمدلله
طحنون : دومم ياارررب .. اقولج
انا : قول
طحنون : ترا انا الي بردج من العرس
انا : ليش ؟ برد ويا امايه عادي
طحنون : لا ابا اجوف كشختج
ضحكت : لا والله ههههه
طحنون : هيه والله صدق .. شو بتلبسين ؟
قلتله : بلبس فستان كحلي من جدام ياي عل جسم و من ورا فيه ذييل مررتب و انيق
طحنون : خليهم يقولون ياححظ طحنون فيج سمعتي
انا : ان شاءالله
طحنون : متى بتسيرين الصالون ؟
انا : بعد شوي
طحنون : يلا عيل انا بسير اتلبس احينه لنه بسير الحلاق
انا : زين
طحنون : يلا فديتج ديري بالج ع روحج
ابتسمت : ان شاءالله
سكر ...

يلست شويه فالصاله اتقهوى و بعدها يلست افكر بالميكب و الفستان .. بعدها ب شوي رحت فوق و غسلت ويهي و حطيت كريمات أجهز بشرتيه قبل لا اتمكيج ...

عل ساعه 11:30 طلعت من البيت و رحت الصالون و سوتلي شعري مثللل ما اباه طبعًا بعد موت قنعت مزنه تي ويايه العرس ! ...خليتها ترفعلي شعري كله ع فوق و مزنه خلته مبطل و رفعته نصه ع فوق ... بعدها ردينا البيت و جفت امايه قاعده ترتب السفره

امايه : مرححبا ملايين بالغاليييين
مزنه ابتسمت و راحت تبوس راس امايه : مرحباابج زود خالوه شحالج
امايه : زيينه حبيبتي انتي شحالج
مزنه : بخير ماشكي باس
امايه: يلا عييل تعالو تغدو
انا : ان شاءالله بس بسير احط ساماني فوق و برد ..

رحت فوق بسرعه و فصخت العباه و تغسلت و رديت تحت و يلسنا نتغدا و نسولف و عل ساعه 4 رحنا انا و مزون فوق نتمكيج 

مكياجي كان خفييف مازدت غير البلشر و سحبت الايلاينر و دمجته شويه و رسمت مدمع ...

مزنه رن تلفونها و حسيتها توترت شويه
صديت : ردي عادي
مزنه : لا برايه مب شي مهم

حسيت انها ماتبا ترد جدامي و قلتلها بسير ايب ماي  ..

مزنه من تاكدت انه انا ظهرت ردت دقت ..
بتوتر : الوه
راشد : انتي عندنا ؟؟
مزنه : هيه
راشد : بتين عرس خليفه ؟؟
مزنه : هيه
راشد : ححلفيي
مزنه : والله
راشد : بتقعدين عدال امايه ؟
مزنه : شووه ؟
راشد : مزون دخيلج
مزنه : لاتستهبل
راشد : ماستتتهبل مزنه انا صدددق اباج والله اباااج و من اسبوع مب راقد عل سالفه هاييج دخيلج
مزنه : بفكر
راشد : مزنه دخيلج
مزنه : خلاص عقب برمسك باي
سكرت ....