رواية : يا كِل إتجاهاتي يا أعتذارات السنين المُرّه.

البارت السابع/7️⃣:

"ما أحلل اللي تقرأ بدون تصويت 💁🏻‍♀️"
..

🛑- ملحوظة سريعة : قصة شهد ولين حقيقية بدون مُبالغة أو نقصان.

قبل تقرون البارت ارجعوا اقروا اللي قبله تسترجعون الأحداث  .. ويلاااا بسم لله🔥:
_________________________________________

.  . | بيــــــت حــسيـــن |.  .

- حسين، باس رأسها وقعد جنبها : شخبارك يا حلوة اللبن؟
- أم حسين : الحمدلله عايشين
- حسين : وينه أبوي؟
- أم حسين : معزوم عند أبو عبدالكريم
- حسين : طيب ورا منفسه؟
- أم حسين : شلون ما انفس ونا بين هالجدران و رايح لها
- حسين : اوب اوب من هالحين بدينا شغل الغيرة، بعدين يا حلوة اللبن مشغول هالفتره بتجهيز للعرس وهالقروشه
- أم حسين : ومتى بتعرس ان شاءالله؟
- حسين : بعد شهرين
- أم حسين، بضيق : خير ان شاءالله!!
- حسين : شفيك يُمه باركي طيب
- أم حسين : تدري مانيب راضيه فيها، اتركها يا وليدي قبل تسوي فيك شي وتندم
- حسين : اوه يُمه الله يهداك، مانسيتي هالسالفه صارلها سنييين يا يُمه!!
- أم حسين : شلون الواحد ينسى؟، هي خالتها العقربه منها وفيها
- حسين، محاول يمسك اعصابه : لا تنسي حنا كنا جيران وكانت تربيتك، بتشكين بتربيتك و بـِ بنت نهى؟
- أم حسين : الله يرحمها ويغفر لها، بس ياوليدي العرق دساس
- حسين، بضيق : لا حول يُمه .. ، قام : استأذنك ابنام ..

--

. . |جامعــــة المــلك سعـــود، ( مكتب العميدة )|. .

- شهد : محتاجه اجازه لـ ثلاث شهور يا دكتوره
- العميده : ثلاث شهور؟!!!، ممكن اعرف السبب
- شهد : زواجي قرب و ابي اجهز
- العميدة، ببتسامه : الف مبروك الله يوفقك، انا اقول تحولين منازل لأن بتطير عليك هالسنه
- شهد، ببتسامه خجوله : الله يبارك فيك، يمكن ما اقدر اجي اختبر
- العميدة : خلاص اللي تشوفينه، الله يتمم لك على خير
- شهد : ممكن اسألك؟
- العميده : ايش؟
- شهد : لين تميم تتواصلون معاها؟
- العميدة : اي بس محد يرد
- شهد : ممكن الرقم تكفيييين، هي صديقتي وبموت من قلقي عليها
- العميدة : اقولك محد يرد
- شهد : عادي، تكفييييييين دكتوره
- العميدة، كتبت لها الرقم بورقة ومدته لها : زين، بس لا يطلع هالشي لحد!
- شهد : شششكررررا .. ، طلعت ونا طايره من فرحتي اخيرًا في رقم اشوف وين مختفيه .. ، اي يا كتفي من طقني!! :
- هتيف : شعندك في المكتب هااه؟
- شهد، تفرك كتفها : حاشا لله انك أُنثى
- هتيف : ههههههههه، اصحيك من سرحانك، المهم شسالفتك اليوم رايحه جايه للمكتب؟
- شهد : بسحب عليك
- هتيف : وش؟
- شهد : زواجي بعد شهرين وخذيت اجازه، المهم ابيك ترجعين معاي للبيت محتاجتك نختار الفستان والبجايم والـ....
- هتيف، توها ماستوعبت : لحظه لحظه!
- شهد : شفيك؟
- هتيف : ونا؟
- شهد : ونتي وش؟
- هتيف : انا لمييييين؟، مايكفي مختفيه لين والحين انتيييي
- شهد، دفتها قدامها : اقول امشي مب وقت درامتك ..