رواية : يا كِل إتجاهاتي يا أعتذارات السنين المُرّه.

البارت التاسع/9️⃣:

"ما أحلل اللي تقرأ بدون تصويت 💁🏻‍♀️"
..

🛑- ملحوظة سريعة : قصة شهد ولين حقيقية بدون مُبالغة أو نقصان.

_________________________________________

- ماجد : أخيييرًا
- سعود : خلصت؟
- ماجد، بتنهيده : اي الحمدلله، أصعب قضية هالأسبوع
- سعود، بمزح : شرايك تساعدني بقضيتي؟
- ماجد : ابد هات الملف
- سعود : هههه كفووو . . . ، انطق الباب ودخل ضابط بعد مادق التحية : رائد ماجد اللي طلبت نراقبها تم تحويلها للمستشفى
- ماجد، قام من مكتبه : ليه؟، وش صار؟
- الضابط : تونا نحقق
- ماجد : لا تحققون معهم !!، ارسلي موقع المستشفى وجهز السياره
الضابط، دق التحيه : سّم
- سعود : شسالفه؟
- ماجد، طالع بعجله : بعدين افهمك .

--

. . | مســــــــتشفـــــى الـــــــخـــــــــرج | . . 

- الممرضه : شلون انكسرت كذا؟
- شايع، ناظرها بتهديد : اصعدت فوق النخله وطاحت
- الممرضه، مو مصدقه : بس هالكسر مو من مكان مرتفع
- شايع، قزها تتكلم : شايفتني أكذب؟
- لين، بألم : اي طحت، بشويش تكفيييين
- الممرضه، بعد ماخلصت شغلها : على العموم ماتشوفين شر والشرطه برا
- شايع، بخوف : شرطه؟!!، ليييييه؟؟؟
- الممرضه، طالعه : مدري والله
- شايع، قرب منها وبعصبيه : انتي مبلغه؟!!!
- لين : يا حظي شلون ابلغ ونت ماخذ جوالي؟
- شايع، مسك إيدها المتجبسه : وربي كانك مبلغه لاكسرها اكثر وألحق الثانيه تفهميييين !!
- لين، بألم : الله يكسر ايدك وخررر !!
- شايع، رفع إيده يصفقها كف بس اندق الباب : ادخل !
- ماجد، دخل : السلام عليكم
- شايع، بصدمه : انت !!
- لين، غطت نفسها ومستغربه وجوده ..
- ماجد، سحب كرسي وقعد قبالهم : اقعد لوسمحت
- شايع، قعد على طرف السرير : ممكن افهم سبب جيتك؟
- ماجد : وصلنا بلاغ عُنف، كثروا البلاغات عليك !
- شايع : اي عنف؟، واي بلاغات؟، طاحت من فوق النخله لا طقيتها ولا جيت جنبها، واللي مبلغين فقاشين
- ماجد : ما سمحت لك تتكلم .. ، ناظر لـ لين : ممكن تفهميني وش صار معك؟
- لين، تشتت نظراتها عنه : مثل ما قال جدي طحت
- ماجد : اقدر افهم وش مطلعك للنخله؟، والعُمال شكثرهم؟
- لين، توهقت : هااه، دعوه فضاوه
- ماجد، ناظر لـ شايع : ممكن تطلع
- شايع : ليه اطلع؟
- ماجد، بحده : قلت اطلع !!
- شايع، بخوف : زين زين . . . ، بعد ما طلع قام من مكانه وعطاها مقفاه : الحين تكلمي براحتك !
- لين : قلت اللي عندي
- ماجد : ادري انه يعنفك، تبين نساعدك ولا تقعدين على حالك؟
- لين، محتاره تقوله بكل شي بس !! ، خايفه على جدتها تدري بنذالته ودنائته ..
- ماجد، كأنه فهم جوابها : زين انا ابتفهم معه !
- لين : لحظه قبل تطلع !
- ماجد، وقف ينتظرها تكلم ..
- لين : ممكن اعرف من بلغ؟ .

--

- حسين، ناوله فنجان القهوه : سّم
- أبو حسين، شرب من الفنجان : جهزت أمورك؟
- حسين، والفرحه بعيونه : اي
- أبو حسين : اكيد مو ناسي شي؟
- حسين : سنيين انتظر وتبيني انسى؟
- أبو حسين : هههههههههه كنتم مثل القط والفار يومكم صغار، من يصدق هالحين بتتزوجونا ؟ ههههههه
- حسين : يقولك يُبه ما بعد العداوه إلا المحبه
- أبو حسين : الله الله ... ، طبطب على كتفه : شهد برقبتك لا تزعلها ولا تغثها يتيمه وخلك كفو
- حسين : افاا شهد محد يوصيني عليها، شدعوه هالكلام يُبه؟
- أبو حسين : من صملتك عليها عارفٍ إنك كفو .