رواية : يا كِل إتجاهاتي يا أعتذارات السنين المُرّه.

البارت الثامن/8️⃣:

"ما أحلل اللي تقرأ بدون تصويت 💁🏻‍♀️"
..

🛑- ملحوظة سريعة : قصة شهد ولين حقيقية بدون مُبالغة أو نقصان.

_________________________________________

. .| الــــخـــــــرج، مـــــــزرعــــــة التمــــــــور | . .

بعد تَتبُع الرقم وصلنا لـ هالمزرعة، : فهد خلك وابنزل انا
- فهد : ليه؟، خلينا ننزل كلنا
- ماجد، نزل نغم من حضنه وسدحها على الكراسي الخلفية : انتبه لنغم وبتصرف انا
- فهد : إذا صار شي ولا شي رنيت زين؟ .. ، فتح جواله اللي انحرق مُكالمات من ري : هاه وش تبي؟
- ري : توك ترد
- فهد : كان صامت، اخلص وش تبي؟
- ري : ابتجي للرياض مول؟، حسين ينتظرنا هناك
- فهد : زين، اخلص مشواري وبجيك ..

--

- قاعده اناظر من الشباك للعُمال اللي يشتغلون ويكدون علشان القرش الواحد، ويجي جدي ياخذها بارده مبرده بدون أي وجه حق، حتى عُماله ما سلموا من شره، إلى متى هالحال؟ .. ، صحيت من سرحاني على صوت مو غريب علي !! :
- ماجد، ضرب بيده على النخله : ماشاءالله من له هالمزرعه؟
- العامل : هادا مال بابا شايع الراشدي
- ماجد؟ ايي بالله ماجد اخو هتيف!! .. ، وصوته المزعج وصل لعندي :
- شايع، ارتبك من شافه بِلبس الشرطه : ياهلا آمر؟
- ماجد، ملاحظ إرتباكه حاب يطمنه : ماعليك زود، وش انواع التمر عندكم؟
- شايع : من كل شي بغيته، تفضل معي لجوه نتقهوى
- ماجد : لا مشكور
-شايع : ليه جاي اجل؟
- ماجد : كنت مار وحبيت أخذ نظره
- شايع : ذا علمك مير تقلط وابقهويك وشف تمري كيف
- ماجد، انحرج : لا يا عم والله مستعجــ...
- شايع : والله ابتدخل ..

--

. . |مستشفى الملك فيصل التخصصي| . .

- سرور، والجوال بإذنه : هلا ري؟
- ري : وينك ياخي؟، تطلع وماتقولي!
- سرور : بغيت اشم هوا شوي، المهم شويات وجايك
- ري : وينك فيه وجيك؟
- سرور : مسافة الطريق ونا عندك
- ري : اباخذ شهد للسوق نلتقي هناك !
- سرور، سكر الخط : زين .. ، حاس بِقلقه وخوفه علي، اههخ يا ري ما ودي تدري واوجعك معاي، اوفف صارلي نص ساعه ملطوع برا لا دكتور ولا ممرض جا ابموت من هالتعب و هالتوتر .. !
- المُمرضه : سرور مسفر الفريان !!
- من سمعت أسمي وقف الدم في عروقي، دخلت لمكتب الدكتور رجل تسبق رجل، يارب بشارة خير :
د/خالد، وعيونه تقرأ الملف اللي قدامه : سرور الفريان؟
- سرور، مو قادر يخفي توتره : اي
- د/خالد : من طرف الدكتور حسن؟
- سرور : اي، بشر دكتور وش طلع في النتايج؟
- د/خالد : قبل كل شي ابيك تشيل هالتوتر منك ! الحاله النفسيه لها دور كبير في العلاج يا عزيزي، والحمدلله توك في البدايه و راح نقدر ننهيه زين؟
- سرور : ان شاءالله
- د/خالد، ناظر للملف : الحمدلله هالأشعه تطمن وتبشر مجرد ورم حميد .. ، ناظره ببتسامه : ابكتب لك كم دوا يخفف عنك الصداع وهالدوار ..