දෙ ඇස් 💗 | Ongoing

5. ඇරයුමක් 💗

" එකෙක් කියපු පළියට විශ්වාස කරන්න බෑ බන්. තව එකෙක්ගෙන් අහපන්කෝ.. "

" අවුරුදු එකොළහක්ම ඒ ස්කෝලෙටම ගිය එකෙක්ගෙන් බන් මන් ඇහුවේ. ඉතින් තව මොනාද ?"

" කවුද දන්නෙ කොල්ලා ස්කෝලෙට ගියෙ අළුතෙන්ද කියලා. "

" කේශු මේ... උඹ බොරුවට පොඩි එකාව සුද්ද කරන්න ලෑස්ති වෙන්න එපා. උඹේ හිත වුණත් දන්නවා ඌ උඹට බොරු කිව්වා කියලා. නැත්තන් උඹ කීයටවත් කොල්ල ගැන හොයන්න ඔච්චර දත කන් නෑ නේ. "

" හ්ම්ම්... "

බර සුසුමක් පිට කරපු මම ඇවිත් කාමරේ ග්ලාස් වින්ඩෝ එකෙන් පේන ඉර බැහැගෙන යන ලා රතු පාට අහස දිහා බලාගෙන හිටියා. මම අහන්න බයවුණු , අහන්න අකමැති වුණු ඇත්ත එළිවෙද්දි මගේ හිත දැන් මේ දේවල් පිළිගන්න අකමැති වෙලා. මන් සති දෙකක් තිස්සේ බල කරපු නිසාම අයෝ නෙතූ- අහ්හ්... මේ නමත් බොරුවක්ද කියන්න මට හිතාගන්න බෑ.. මගේ වදේට නෙතූ කිව්ව එයාගේ ස්කෝලේ grade eleven section එකේ කොල්ලෙක්ගෙන් අයෝ නෙතුම් කියල ළමයෙක් ඉන්නවද කියලා අහලා තිබුණා.

අපි තුන් දෙනාගෙන් වැඩියෙන්ම contacts තියෙන්නේ වැඩියෙන්ම කොල්ලෝ ආස්‍රේ කරන්නේ අයෝ. ඉතින් කොල්ලා කියපු ස්කෝලේ එහෙම නමක් තියන කෙනෙක් නැති වෙද්දි මූ ඒ අවට තව ස්කෝල හතර පහකමත් මේ නම තියන කෙනෙක් ඉන්නවද කියලා හොයලා තිබ්බා. ඒත් අයෝ හොයපු කිසිම ස්කෝලෙකින් එහෙම නමක් තියන කෙනෙක් හොයාගන්න බැරි වුණා. පස්සේ අයෝ කොල්ලගෙ photo එකක් share කරන්න ඇහුවත් ඌට හොදවයින් දෙකක් ඇමතුව මම ඌට ඒ බූරු වැඩේ කරන්න නන් ඉඩ නොදුන්නා.

" දැන් තෝ මූණ පුක කරන් ඉන්න එපා. ඊළග දවසෙ ගියාම කොල්ලගෙන් කෙලින්ම අහපන්. "

" මන් නන් කියන්නේ ආයෙ යන්න ඕනෙත් නෑ බන්. ඔය අහිංසකයි වගේ ඉන්න එවුන් තමා ගල් ආදෝ. "

" උඹ ඔහොම කිව්ව කියලා මූ නොයා ඉන් නෑ නේ. "

" මූටත් ඉදල ඉදල එකෙක්ට හිත ගියත් හරි. අනේ මන් දන්නෑ බන්. "

" ඒ බන්.. කේශු.. මේ.. අහපන්කෝ... "

" ම්ම්ම්... "

" ප්‍රසාදි අම්මගෙන් ශේප් නියායට අහපන්කෝ උඹලට තරහකාරයෝ ඉන්නවද කියලා. අපේ ඩැඩාටත් මන් දැනුවත්ව එහෙම දෙක තුනක්ම ඉන්නවා. "