දෙ ඇස් 💗 | Ongoing

32. 💗

" යශ් අයියේ... මන් මේක දානකන් කෙලින් ඉන්නකෝ අනේ... "

" උඹලා මේ වෙලත් වෙන වැඩද කේශු ?"

" නෑ පගෝ මන් මේ රෙඩි වෙන ගමන්. නෙතුයි ක්‍රිශා ආන්ටියි අම්මිලා එක්ක එන්නේ. මන් නමයට කලින් එනවා. "

" එල එල. පරිස්සමෙන් වරෙන්. පාකින් එකේ ඉඳහන්. "

" හ්ම්ම්... හ්ම්ම්... "

මන් හිටියේ අයෝ එක්ක කෝල් එකක වෙද්දි බලෙන්ම මාව ඇඳගාවට ඇදන් ආව සූටා ඇඳ උඩ හිටගෙන මගේ ටයි එක දානවා. යටි තොලත් හපන් ටයි එකේ ගැටේ කරකවන කරවන තාලෙට කොල්ලගේ බෙල්ලත් කැරකෙනවා.

සූටා ඊයේ වෙනකන්ම ටයි දාන විදිය දැනන් හිටියේ නෑ. ඒත් මන් ඊයේ රෑ අද ටයි එක දාන් යන්න ඕනේ කියලා කිව්ව වෙලේ ඉඳන්ම රෑ තිස්සේ සෑහෙන යූ ටියුබ් වීඩියෝස් ගොඩක් බල බල හරියට ටයි එක දාන විදිය එයාගෙම බෙල්ලට ටයි එක දදා සෑහෙන වතාවක් ට්‍රයි කරා. අද ටයි දාලා මේ යන්න ලෑස්ති වෙන්නේ කොහෙද කියනව නන් අද මගෙයි අයෝගෙයි ලෙයියගෙයි Graduation day එක.

" හරිද බලන්න යශ් අයියේ... "

ටයි එක බෙල්ලටම තද කරලා හරී මහන්සි වැඩක් කරලා වගේ ඉණටත් අත් දෙක තියන් සූටා කියද්දි මන් මිරර් ටේබල් එක පැත්තට හැරුණා. වෙරිම නයිස්... ටයි ගැටේ ඇතුළේ ගලක් ඔතලා වගේ... ඒත් ඊයෙයි අදයි පැය ගාණක් තිස්සේ ටයි එක දාන්න පුරුදු වෙච්ච කොල්ලට දැන් හිත රිදෙන මුකුත් කියන්නත් බෑ...

" හරි මැණික. "

" බ්ලේසර් එක දානවද යශ් අයියේ ?"

" ගිහින් දාගන්නම් බබා. මගේ පැටියා ඉක්මණට සපත්තු දාගන්න යශ් අයියට පරක්කුයි. "

කොල්ලව තනි අතින් උස්සල ඇඳෙන් බිමට බැස්සුව මන් ආයෙම මිරර් ටේබල් එක ගාවට ගියේ වොච් එක බැඳගන්න.

" යශ් අයියේ අපි දෙන්නා ලස්සනයි. "

කාමරේ සෝෆා එකේ වාඩි වෙලා මේස් දාන ගමන් හිටිය මගේ සස්සන කොලු පැටියා මිරර් එකෙන් පේන අපි දිහා බලන් කියද්දි මාත් මිරර් එකෙන්ම සූටා දිහා බලලා හිනා වුණා.

ඇත්තටම අපි දෙන්නා අද හරි ලස්සනයි තමයි. අපේ ස්කෝලේ ටයි එක ඩාක් ග්‍රීන් , ලයිට් ග්‍රීන් මික්ස් එකක් නිසා මම ලෙයියා අයෝ තුන් දෙනාම ඇන්දේ වයිට් ශර්ට් එකට , බ්ලැක් ට්‍රවුසර් එක එක්ක බ්ලැක් ඒත් පොඩියට ඩාක් ග්‍රීන් ඩිසයින් එකක් ගියපු බ්ලේසර්ස් තුනක්. එතකොට මගේ කොලු පැටියා ඇඳන් හිටියේ ලයිට් ග්‍රීන් ශර්ට් එකකට බේජ් කලර් ට්‍රවුසර් එකක් ඇඳලා ශර්ට් එක ටග් කරලා. සූට් එකට කොල්ලගේ ඉණ හරි හැඩට පේනවා.