දෙ ඇස් 💗 | Ongoing

27. 💗

" කේශු බබා. "

කාමරේ දොරට තට්ටුවක් දාලා ක්‍රිශා ආන්ටි කාමරේට ඇවිදන් එද්දි මන් හිටියෙ නින්දෙන් ඇහැරිලා.

" Good Morning කේශු බබා. සර් අට වෙනකොට දෙන්නටම ලෑස්ති වෙලා පහළට එන්න කිව්වා. "

" ම්හ්හ්... වෙලාව කීයදා ආන්ටි ?" 

" තාම නම් හයයි කාලයි. "

" හරි. අපි ලෑස්ති වෙලා පහළට එන්නම්. "

දොර ළඟ ඉඳන්ම මාත් එක්ක කතා කරපු ක්‍රිශා ආන්ටි දොර වහන් පහළට යද්දි මම පපුවට ගුලි වෙලා ඉන්න මගෙ පැංචිගේ මූණ බලන්න ශීට් එක පහළට කරා. මගේ පපුවට කම්මුල තද වෙන විදියට පැංචිගේ තොලුත් උල් වෙලා. එකට ගුලි වෙලා හිටිය නිසාද මන්දා සූටගේ ඇඟයි මගේ ඇඟයි දෙකම රස්නෙයි.

අපි කවුද ? මස්සිනාගේ වචන කනකට නොගන්න මස්සිනාලා. අපි බයද ? කීයටවත් නෑ... යකෝව් කීයටවත් නෑ... හමුදා නීති වගේ නීති දාලා අපි දෙන්නව පාලනේ කරන්න හිතනවා ඇති. අට වෙනකොට ලෑස්ති වෙලා පහළට එන්න ගාන්නේ... ඒත් දැන් අපි තව පැය දෙකක් විතර නිදාගන්නයි යන්නේ... ශීට් එක ඇඳල අරන් අපි දෙන්නම වැහෙන්න ඔළුවෙ ඉඳන් පෙරෙව්ව මන් මගේ සූටව තවත් හොඳට තුරුල් කරගන්න ගමන් ආයෙ ඇස් දෙක පියාගත්තා.

ඊයේ රෑ නම් මට නින්දක් තිබ්බෙම නෑ... පැයෙන් පැයට නැඟිට නැඟිට වතුර ගෙනත් කොල්ලගේ රස්නේ ඇඟ තෙම තෙමයි හිටියේ. ඒක නිසාම උණ නම් දැන් ටිකක් බැහැල වගේ. මන් කට පියන් ඉවසන් හිටියට මොකද මගේ ඇඟේ තැලුණු පාරවල් අම්මට සිරි වෙන්න රිදෙනවා. ඉතින් දැන්ම නැඟිටිනවා කියන එක මට කරන්න අමාරු දෙයක් නෙමෙයි කරන්න බැරි දෙයක්.

හයියෝ... ක්‍රිසාආආ... විනාඩි පහක් ගියෙ නෑ ක්‍රිශා ආන්ටි ආයෙම දොරට ගහනවා. ඊළඟ දවසේ නම් දොර ලොක් කරගෙන නිදාගන්න ඕනේ රෙද්ද.

" හතයි වෙලාව කේශු බබා. "

ක්‍රිශා ආන්ටි කතා කරද්දි පොඩ්ඩා එහෙට මෙහෙට ඇඹරෙන්න ගත්ත නිසා මන් කොල්ලගේ කන මගෙ අතින් වැහුවා.

" Breakfast ?"

" නෙතූගේ මීල් ප්ලෑන් එක බලලා හදන්න ආන්ටි. "

" මැඩම් ඔයාලා දකින්න ආසාවෙන් ඇත්තේ කේශු බබා. පරක්කු වෙන්න එපා. "