දෙ ඇස් 💗 | Ongoing

35 💗

" උඹ කලබලෙන් වගේ කතා කරද්දි අපි බය වුණා යකොව්... "

" ඉක්මණට යන්න බලන් තමා බන් ආවෙත්. "

ඊයේ රෑම කෝල් කරලා අයෝටයි ලෙයියටයි 'අද ගෙදර ඉඳපන්. දෙන්නව එකට මීට් වෙන්නම ඕනෙ' කිව්ව මම ලෙයියා කොච්චර ඇහුවත් කලබලේ මුණ ගැහෙන්න හේතුව මොකක්ද කියන එක ජෝඩුවටම නොකිව්වා. අපි ලංකාවට ආවා කියලා මගෙ උන් දෙන්නා දැනගත්තෙත් ඒ කෝල් එකෙන් නිසා කොහොමත් දෙන්නම වුණේ මොකක්ද දැනගන්න හෙන කුතුහලෙන් තමා ඉන්නේ කියලා නම් ශුවර්.

මේ වෙනකොට ලෙයියා ඩැඩාගේ බිස්නස් වැඩ වලට සපෝර්ට් කරද්දි අයෝ නම් ස්කූල් පහක වගේම චෙස් ක්ලබ් එකක චෙස් සර් කෙනෙක් විදියට වර්ක් කරනවා.

ගෙට ගොඩ වුණු මට හග් එකක් දුන්නු ලෙයියා ඉස්සර වෙලා ලිවින් රූම් එක පැත්තට ඇවිදන් යද්දි ඌත් එක්ක කතා කර කර මාත් ඌ පස්සෙන්ම ඇවිදන් ගියා.

" හම්මට ලොක්කා... හනිමුන් ටුවර් ගියත් හරි කොල්ලගෙන් සද්දයක් වත් නෑ ආහ්... "

සෝෆා එකේ දිගා වෙලා ටීවී එකේ ෆුට්බෝල් මැච් එකක් බල බල හිටිය අයෝත් මාව දැක්ක හැටියේ ටීවී එකත් ඕෆ් කරන්ම සෝෆා එකෙන් නැඟිටලා ඇවිත් මට හග් එකක් දුන්නා.

" සද්ද නැතුව කරපුවගේ සද්දෙ ඇහෙන්නයි යන්නේ... "

" අහ් ?"

" තේරුන් නෑ බන්. "

මුන් දෙන්නගේ confused මූණු දකිද්දි හිනා යනවා.

" උඹලට තේරුන් කරන්න තමා මන් මේ තකහනියක් ආවේ. "

" ඇයි බන් මල්ලි කොල්ලව එක්කන් ආවෙ නැත්තේ. පොඩි එකාවත් එක්කන් එන්න තිබ්බනේ... "

" අද පොඩ්ඩා එක්කන් ඇවිත් කතා කරන්න බැරි දේවල් ටිකක් කතා කරන්නයි ආවේ. "

" මේ... මේ... රවුම් කිරිලි ඕන්නෑ... වාඩිවෙයන්. වාඩිවෙයන්. මොකෝ සීන් එක ?"

බලෙන්ම මාව සෝෆා එකෙන් ඉන්දුව අයෝ මගේ එහා පැත්තෙන් වාඩි වෙද්දි ලෙයියා අත් දෙකත් පපුව ඉස්සරහින් බැදගෙන කකුල් දෙකක් සෑහෙන පළල් කරගෙන අපේ ඉස්සරහින් හිටගත්තා.

" හොඳම එකෙන් මොකාක් හරි නාඩගමක් නටලා වගේ අයෝ හොඳේ... "

" මචං... මන් උඹලට අද කියන්න ආවේ. මන් ටික කාලයක් තිස්සේ උඹලගෙන් හැංඟුව රහසක්. අවුරුදු හතරක් වගේ... "