............ 28.......
سنا بتوتر : فى ايه يا بنتى جاننتينى، اهدى، وايه كل العلامات تدل دى، وهيا بتدل على ايه....
برق بدهشه وهى مازالت على حالها : دقات القلب العاليه، 70%من الكلام غباء ،الخجل والتوتر،وغيرها من العلامات الى تدل على....
لتقف برق فى منتصف الغرفه وهى تنظر بدهشه لـ سنا وتقول : أنا بحب رعد.......
لتكمل برق بتوتر ، ونبره سريعه : لا لا لا، مستحيل، انا بحبه طب ازاى،رعد باسنى النهارده،كان قلبى هيخرج منى مش عارفه ليه،كنت حاسه انى بطير،حتى انا مش عارفه انا بقولك الكلام دى ازاى وانا المفروض مقولهوش،اووووووووف .....
سنا بإبتسامه وهدوء، من ثم وقفت وامسكت يد برق بحنان واجلستها بجانبها : برق ممكن تهدى، دى حاجه طبيعيه متخفيش من حاجه ، دى مشاعرك لازم تحترميها وتعترفى بيها، وبعدين انت خايفه من ايه مش هو عرف الحاجه الى انت بتخافي منها طول عمرك وحبها كمان على حسب كلامك قبل كده، انت تخاف ليه من مشاعرك ناحيته، وانت عارفه كويس حقيقه مشاعره ليك....
برق بـ إضطراب : انا مش عارفه اصلا انا بعمل ايه، المفروض اعنفه عشان الى عمله معايا، المفروض مسامحهوش ابدا، بس قلبى دايما بيقولى انه مكنش فى وعيه وانك انت الى استفزتيه بالكلام، مش عارفه انا سامحته ليه، ولو كان حد عمل كده غيره كنت هسمحه بردك ولا لاء، مش عارفه اعمل ايه، مش عارفه ليه بقتنع بكلامه وليه كل ما ابص فى عينه اسامحه على اى حاجه وكل حاجه، ليه كل ما ابص فى عينه احس بالآمان، ليه كل ما بشوف ضحكته وغمازاته قلبى بيطير گإن انا الى بضحك، مش عارفه ليه وثقت فيه وقولت هفضل معاه يمكن عشان مضايقه من بابا شويه بس كنت ممكن اروح اى مكان تانى لو مش عاوزه ابقى معاه ، مش عارفه لأول مره فى حياتى مبقاش عارفه........
سنا بإبتسامه واسعه : على فكرا انت عارفه ولسه قايلاها بعضمه لسانك، الحب، الحب الى يخلينا نعمل كل دا، الحب الى يخلينا مش عارفين حاجه، كل الى نعرفه الشخص الى بنحبه وبس، انت فعلا بتحبيه وبتحبيه اوى كمان.......
برق بتوتر : طيب انا اعمل ايه.....
سنا بإبتسامه خبيثة: انت الوحيده الى تعرفى هتعملى ايه.....
من ثم أكملت : المهم انا همشى انا بقى مش عاوزه حاجه....
برق : اقعدى معايا شويه....
سنا : والله ماما عاوزاني اروح اشترى معاها شويه حاجات كده وبعدين هروح اشوف يونس، على فكرا هو قلقان عليكى ابقى كلميه وانا بردك هتكلم معاه،وماما ناهد مقطعه نفسها عياط وعاوزه تجيلك بـ اى طريقه....
هزت برق رأسها لتذهب الى أسفل لتوصيلها، من ثم صعدت لـ غرفه اوليفيا التى صادقتها فى وقت قصير جدا على غير عادتها والمتوقع فـ منذ لقائه لأول مره اصبحت من الفتاه الانطوائية الى الفتاه الغير متوقع افعالك ولا قراراتها..........
أنت تقرأ
☆ظــــواهـــر الـــســــمـاء الــــعـاشــــقــه ☆
Romanceرومانسيه . حكايه تعيد كتابتها العيون و تحفر فى الافئده وتخلد على مدى السنين . ففى حبها تاه وهى فى حبه تغيرت وتبقى الكلمات لتعبر عن حكايتهم الاسطوريه »»----> فهى اسطوره من الأساطير لا احد يعرف لغزها الخفى ولا حقيقتها ✿✿✿.
