.....
29......
فى غرفه رعد.....
ناهد ببكاء : وحشتينى اوى يا بنتى والله، قلبى كان بتقطع عليك وانت بعيده عنى ، ولما عرفت الى حصل وانك ملكيش ذنب اتقطع عليك اكتر...
برق : خلاص يا ماما بطلى عياط الى حصل حصل.....
يونس مستفهما : انت ليه مرجعتيش معانا يا برق، ليه اصريتى تفضلى معاه بعد الى كان هيعمله مش خايف لا يعمل فيك اى حاجه تانيه.......
برق بغضب عندما تذكرت ما فعله والدها عندما اتت له : ليه هو حد فيكم سمعنى وانا كنت بنادى عليكم وبقولكم اسمعونى بس والله انا مظلومه، ليه هو بابا دى سمعنى لما روحت لحد عنده اقوله عشان ياخدني من هنا ولكن طردنى و رمانى بره بيته، جايين تقوليلى ارجعى بعد ايه انا مش راجعه وهفضل معاه، وعلى الخوف من رعد، انا مش خايفه منه لان دا الشخص الوحيد الى حاسسنى بالآمان بعيد عنكم، الشخص الوحيد الى اتقبل شكلى الحقيقى من غير ليخاف ولا يقول عنى شيطان ولا وحش ، متخافوش عليا انا هنا مبسوطه ومرتاحه.....
ربطت ناهد على يد برق، ناهد بحنان : اهم حاجه انك تبقى مرتاحه هنا يا بنتى ومتزعليش من حاجه واحنا كلنا هنبقى مبسوطين، بس انت مش شايفه ان جوازكم دا حاجه غريبه، دا انت لسه فى سنه اولى وهو فى رابعه يعنى انتم الاتنين هتقدروا تعيشوا ازاى وتتكيفوا ازاى مع الدراسه والبيت...
برق : ربنا يسهل يا ماما....
وفجأه صدر صوت دقات مرحه على باب الغرفه،
برق : مين الاهبل الى بيخبط كده، ادخل....
لتظهر مى من خلف الباب.....
مى بسعاده : بربوقه..... مبروك يا جدع.....
برق بدهشه : بربوقه ايه الدلع المقرف دا...
_ تعالى يا ميوش...
مى : ازيك يا طنط، ازيك يا يونس....
ناهد / يونس: الحمد الله...
مى بسعاده : استنى بيعملوها ازاى، لولولولولوللى...
برق بدهشه: يا هبله بطلى....
مى وهى ترفع يدها فى السماء: انت مش اتجوزت رعد، عقبال يا رب انا والتنح الى قاعد تحت دى هو...
برق : التنح دا لو سمعك هيعلكك...
مى بخوف : بربوقتى حبيبتى متقللهوش، دى انا بحبك...
لتأتى سنا من خلف مى : انا سمعت صوت زغاريط قولت لازم اجى....
يونس : سنا انت جيتى امتا...
سنا : انا جيت مع مى قولنا نعمل مفاجأة لبرق وتتجمع الشله كلها...
ناهد : بعد ازنكم بقى يا شباب، امشى انا وابقى اجى مره تانيه...
برق : اقعدى يا ماما، اتغدى معانا....
ناهد بحنان وهى تعانق برق : لا يا قلبى، انا هروح اكل مع بابا انت عارفه انى مش بعرف اكل من غيره...
أنت تقرأ
☆ظــــواهـــر الـــســــمـاء الــــعـاشــــقــه ☆
عاطفيةرومانسيه . حكايه تعيد كتابتها العيون و تحفر فى الافئده وتخلد على مدى السنين . ففى حبها تاه وهى فى حبه تغيرت وتبقى الكلمات لتعبر عن حكايتهم الاسطوريه »»----> فهى اسطوره من الأساطير لا احد يعرف لغزها الخفى ولا حقيقتها ✿✿✿.
