උණුහුම [None Ff]

3 වන කොටස.

"අම්මෝ බං පුදුම බඩගින්නක්නේ තියෙන්නේ.. කන්න මුකුත් නැද්ද උබ ළඟ.."

සිංහල පීරියඩ් දෙක ඉවර වෙලා පොලිටිකල් සෙකන්ඩ් පීරියඩ් එකේදි මං ඇහුවේ කවිඳුවගේ කනට කරලා..

පොලිටිකල් කියන්නේ බඩවැල වගේ සබ්ජෙක්ට් එකක්.. ඒක ඉගෙන ගන්නවා කියන්නේ මට මල අප්පිරියයි.. මගේ අනිත් සබ් දෙක කෙසේවෙතත් එක්ග්සෑම් එකේදි මං අල කරගන්නේ නම් පොලිටිකල් තමා.. පොලිටිකල් නෙවේ ඕක කලටිපොල්..

පොලිටිකල් උගන්නන මිස් නම් මොනා වුණත් මාර ලස්සනයි.. මිස් ලස්සන වුණාට වැඩක් නැහැ මිස්ගේ කටනම් ටකරමක් වගේ.. එයා නෝර්මලි කෙනෙක්ට කතා කරද්දි පවා මාරම සද්දයි.. ගිය ආත්මේ ඝාන්ටාර පූජ කරලද කොහෙද එයානම්..

"මොන කන්නද බං.. අපි කැන්ටිමට පනින්න යද්දී මේ බඩ්ඩ ආවනේ කඩාගෙන ක්ලාස් එකට.. ඒ නිසා මුකුත් ගන්න වුණේ නැහැ රෙද්ද.."

අනේඒඒඒඒඒඒ මට බඩගිනියිනේ......

වෙන දවස් වලටනම් මේ වෙද්දී ඉන්ටර්වල් එකට කන්න ගෙනාපු කෑම එකත් බඩට යවාගෙන ඉන්නේ.. ඒත් මේ පීරියඩ් එකේනම් එහෙම කරන්න බැහැ මිස් මාර මීටරේ නිසා.. වෙලාවට වැඩ වෙන්න ඕනේ...

"අනේ ඕයි මට ඒත් බඩගි..."

"මොනාද ඔතන කුටු කුටු ගාන්නේ.. තේනුක නැඟිටිනවා ඔතනින්.. ඔතන වෙනම කතාවක්ද යන්නේ??
දැන් මං උගන්නපු පාඩම මොකක්ද කියලවත් තමුසෙ දන්නවද?? තේනුක කියනවා බලන්න.."

හත්තික්කේ කෙල්ලෝ ටික ඔක්කොම මං දිහා බලාගෙන ඉන්නවා..වස නෝන්ඩිය මේ පලවෙනි පාර මාව මාට්ටු වුණ.. ලැජ්ජ වෙන්න බැහැ.. නම රැකගෙන ඉන්න ඕනේ.. මොකක්ද පාඩම කියලවත් කරුමෙට මතක් වෙන්නෙ නැහැ නේ..

ආආඅ..... ස්තූතියි දෙවියනේ!!!

"දේශපාලන විද්‍යාවේ අධ්‍යයයන ප්‍රවේශ මිස්.."

මිස්ගේ මූණ දිහා බලන් මං ගැම්මට කිව්වා..

"ම්ම්ම්... අධ්‍යයන ප්‍රවේශ කීයක් තියෙනවද.. එතකොට දැන් මං කරන්නේ කීවෙනි අධ්‍යයන ප්‍රවේශයද???"

"දේශපාලන විද්‍යාවේ අධ්‍යයන ප්‍රවේශ හතක් තියෙනවා...එතකොට මිස් උගන්නනේ, තුළනාත්මක අධ්‍යයන ප්‍රවේශය.. ඒ කියන්නේ දෙවෙනි අධ්‍යයන ප්‍රවේශය මිස්.."