උණුහුම [None Ff]

4 වන කොටස.

"නිරංජලා.. මගේ දත් බුරුසුවේ පාට මොකක්ද???"

මං සෝෆා එකේ වැතිරිලා TV එකේ යන ධනුෂ්ගේ මූවි එකක් බල බල හිටියේ... දැන් නම් රෑ දහයයි ගාණක්.. වොශ් රූම් එකට ගිය තාත්තා අම්මට කතා කලේ ඒ වෙලාවෙදි..

"මොකද සුගත් කෑගහන්නේ.. මං මේ උඩ කොණ්ඩේ පීරනවා අනේ.."

"කෑගහන්නේ අහන්නේ මට දත් බුරුසුවේ පාට මතක නැහැ නේ.. අනික එතන එකක් කියලද පහක්ම තියෙනවා.. මං මේ දවස් ටිකේම මැද්දේ කහ පාට එකෙන්.. ඒක මගෙද නිරංජලා???"

අපේ තාත්තටනම් අනේ මංදා.. තමන්ගේ බුරුසුවේ පාටක් වත් මතක නැතිවද මේ බිස්නස් රන් කරන්නේ..

පොඩ්ඩක් ඉන්න ඔහොම පොඩ්ඩක් ඉන්න..

බුරුසුවේ පාට කිව්වේ කහ පාට කියලනේ..

මොකාආආආආආඅක්

"ඒක මගේ දත් බුරුසුව සුගතේඒඒඒඒඒ.. අනේ අම්මා මේ බලන්නකෝ තාත්තගේ වැඩ..මගේ කහ පාට බුරුසුව එයාගේ කියලා හිතල දත් මැදලනේ.."

තාත්තගෙයි මගෙයි විෂබීජ මාරුවෙන් මාරුවට කටවල් අස්සේ යනවැති..
දැක්කනේ දැක්කනේ මේ ගෙදර එක්කෙනෙක්වත් නීට් නැහැ මං විතරයි තිතට වැඩ කරන්නේ..

"මොනාද සුගත් ඔයා කරන්නේ.. ඔයාට බුරුසුවක පාටක්වත් මතක නැද්ද කියන්නකෝ.. ඔයාගේ බුරුසුව කොළ පාට දෙයියනේ.. ඔහොම ඉදගෙනද ඔයා මේ බිස්නස් එක කරන්නේ... ඉන්නකො අනිත් දවසේ මං බුරුසුවේ ඉදන් යටට අඳින ජොකාගේ වෙනකන්ම තාත්තගෙයි පුත්තු දෙන්නගෙයි නම් ගහනවා.."

අම්මත් එයාගේ කර්ලි දිග කොණ්ඩේ ගොත ගොත පඩිපෙල් බැහගෙනම කෑගහගෙන ආවා.. සුගතෙගේ මීක් සද්දයක් නැහැ..

"අම්මා ඒක තමා මාත් බැලුවේ මේ දවස් දෙක තුනට මගේ බුරුසුව ගෙවුනේ කොහොමද කියලා.. තාත්තා ඔයා පොඩි එක්කෙනෙක් වගේනේ අනේ වැඩ කරන්නේ.."

"හරි ලොකූ ඉතින් මට ඔය පාටවල් මතක තියන් ඉන්න පුළුවන්ද කියන්නකෝ එහෙම.. මටත් කියලා කීයක් වැඩද.."

"හරි නෙවේ තාත්තා දැන් මගේ කටේ ඉන්න විෂබීජ නැති කරගන්න ඔයා මොනාහරි කරන්න.."

ම්ම්ම් ඉට්ස් කීයක් හරි කඩාගන්න ටයිම්..

"ලොකූ මං උබගේ තාත්තනේ කොල්ලෝ.."