උණුහුම [None Ff]

7 වන කොටස.

"අඩෝ නාරදයෝ.."

"ඒයි නාරද මොකද වුණේ.."

"අනේ නාරද.."

"මොනාද පගෝ උබට වුණේ.."

ඒත් එක්කම ඌව මගේ අත උඩට කඩන් වැටුණා.. මට හිතාගන්න බැරි වුණා මොකක්ද මේ එකපාරටම වුණේ කියලා.. විනාඩි දහයකට කලියෙනුත් මේ හොඳට හිටිය මනුස්සයනේ..

"මොකද ළමයි මේ වටවෙලා ඉන්නේ.. දෙයියනේ!! මොනාද මේ වුණේ දරුවෝ.. මුලු ඇඟම සුදු මැලි වෙලා ගිහින්නේ.. දරුවනේ ඉක්මනට උස්සන්න මේ ළමයව.. st. John එකේ සික් රූම් එකට පරිස්සමෙන් අරන් යන්න.. මං අංශ ප්‍රධාන හාමුදුරුවෝ දැනුවත් කරලා එන්නම්.."

ක්ලාස් එකම වටවෙලා ඉන්න එක නෝට් වෙලා ලියනපතිරණ මිස් නාරදයව දැකලා එකපාරටම ශොක් වුණා.. එහෙම වෙන්නත් එපැයි.. මුලු ඇඟම සුදු මැලිවෙලා.. ඒ අස්සෙන් තද රතු පාටට පැල්ලම් පැල්ලම් දාලා..

"මොකද මේ ළමයට වුණේ ??"

නාරදව එක්කන් රූම් එකෙන් හාන්සි කලහම ඒක භාරව ඉන්න ශාලිකා මිස් නාරදගේ ඇස් දෙක පරික්ශා කරන ගමන් අපෙන් අහන්න ගත්තා.. මං ඉක්මනට ඒකගේ ශූස් දෙක පන්නලා.. ශර්ට් එකෙත් බොත්තම් තුනක් හතරක් පැන්නුවා.. මට තේරෙනවා මගේ ඉහෙන් කනෙන් දහඩිය බේරෙනවා..

"මිස් හොඳට හිටියා අපිත් එක්ක.. අපි කතාවට වැටුණට පස්සේ තේනුක එයා දිහා නිකමට බැලුවා.. එතකොට තමා එයා අමාරුවෙන් ඉන්න වග අපි දැක්කේ.. ඒත් එක්කම එකපාරටම නාරද පේන්ට් වුණා මිස්.."

"මේක ඇලර්ජි එකක් වෙන්න ඕනේ.. මෙයාගේ බොඩි එක ඒකට ඕවර් රිඇක්ට් කරනවා..

ම්ම්ම් බ්ලඩ් ප්‍රෙශර් ලෝ ඒ වගේම.. අපිට පුළුවන් තරම් ඉක්මනටම මෙයාව හොස්පිටල් ඇඩ්මිඩ් කරන්න වෙනවා.. තව වෙලා තිබ්බොත් මේ දරුවගේ ජීවිතේට පවා අවධානමක්.. මං ඉක්මනට ඉහලට දැනුවත් කරලා ඇම්බියුලන්ස් එකක් රෙඩි කරන්නම්.."

ජීවිත අවධානමක් !!

එච්චර දෙයක් වෙන්නේ කොහොමද ඇලර්ජි එකකින්.. මගේ හිතට ලොකු බයක් දැනෙනවා ඒ අස්සෙන්.. අනේ දෙවියනේ කොස් ඇටයව බේරලා දෙන්න කොහොමහරි..

"මි..මිස් නාර..දට හුස්ම ගන්න අමාරුයි වගේනේ.. මිස් මොනාහරි කරන්නකෝ.."