الباتروس

الباتروس السابع عشر

﷽

في صمت الانكسار يولد الجبروت،
وفي عتمة الخذلان تتسع أفقات القوة،
فالقلوب المكسورة تنبض بشموخ الصمود،
والروح المجروحة تزهر بثورة البأس والإرادة.

بقلمي رقيه محمد
________________

فاطمه: - يعني شنو جنتو تعرفون؟

عواطف: - اي اني اعرف بي متزوج سمعت بي بالعرس بس عبالي تدرين بي .

فاطمه: - هههه تحجين صدك ؟

عواطف: - ايي شبيج لي يسمع يگول مادريتي بعدين، وبعدين شنو تردين تطلگين؟

فاطمه: - عواطف اطلعي مالي خلك احجي وياج اطلگ ارجع اذبح اقتل ماتدخلين فهمتي ؟

عثاطف;:- عوزج بعد مطلگه وكاعده على گلبي ارجعي لبيتج احسن .

فاطمه:- عواصف اطلعي برااا احسن لج مالج دخل بحياتي ،
عافتني وطلعت تحجي وتغلط ، واني اعرف بيها جانت تدري بي ،متزوج من زمان وساكته حقيره ،عفتها وكمت صليت ورتاحيت ،للعصر اجاني اخوي .

هاشم: - شكو مختاضه(زعلانه) وعايفه رجلج وجايه مو دريتي ثاني يوم عرسج هو متزوج وسكتي لو هسه شنو الختلف واجيتي ها وعادي رجال يحقله يتزوج عسا ما عشره انتِ منطيج كل حقوقج بعد شتردين ها الله محلله يتزوج اربعه خلي يتزوج انتِ مره مكانج البيت ارتاحي هنا كم يوم ورجعي له بيتج احسن لج تردين تطلگين حضرتج احنه ماعدنه نسوان تطلگ .

فاطمه: - واذا الله حلل هيج يسوي، بيا اني بعد ماريده اريد اطلگ هاي حياتي ،واني حره بيها شعليكم بيا ها ،صارلي اشهر متزوجه اكو يوم شلت مبايلك، وكلت اشوف اختي ،شلونها

شنو اخبارها عدله ،ميته شنو محتاجه شنو تريد خلي اجيبها ابد. ولا جنك، اخويه اذا الغريب يحن، عليه انت ماتحن ليش

بعد اتسولف ،وجاي تتدخل بحياتي، وهذا عمر اني ماتحمل الغيره وسوالف، النسوان وكيد مامجبورة ،اضل اكتم بداخلي بدوافع الغيره، والحقد والقهر محد يحس، بيا ابد ولا واحد

يحس بيا كلكم، نفس شي هاي اني توكف، وياي واني اختك اكون ممنونه، منك ماتوكف وياي اني، وامي واخوي نعزل

عنكم واني اعرف ليش اجيت وحجيت هيج واعرف، منو كلك ومنو وصلك حجي، بس ماگول غير، حسبي الله ونعم الوكيل.

_عفته ودخلت للغرفه اريد ارتاح بطني جاي تمغصني حيل احس روحي راح تطلع من الوجع ياربي بعد شنو لي اتحمله.

مرت الايام واني رفعت قضيه طلاگ ، والمصيبه عرفت نفسي حامل شگد حاولت اذبه ،وماريده لان شنو ذنبه يجي بوسط عائله، منفصله ،بس كان متمسك بالدنيا ،وهو حسين عرف

حامل بس،شو عادي عنده ولا حاول انو يحجي وياي ويرجعني ،بس كال كلام صدمني بي من تصلت بي گال