الباتروس

الباتروس الخامس الجزء 2

                       بسم الله الرحمن الرحيم

لاتنسون التصويت والتعليق بين الفقرات لطفاً مؤنساتي

قراءه ممتعه
—————

ماربين: - دخل الدكتور وكال

دكتور: - حالتها احسن بس انتبهو عليها متتحمل صدمات بعد يومين تكدرون طلعونها وعدها العافيه ، عافهم وطلع الدكتور وامها رجعت نامت .

كانت ماربين واقفة يم باب الغرفة، وجهها متغير من التعب والألم، بس عيونها تلمع بالشوق. أبوها، برالدين، مد إيده وقبض على يدها بقوة وكأن الدنيا كلها رجعت له بهاللحظة. عيونه تسبح بالدموع بس كان يحاول يظل قوي.

برالدين بصوت يرتجف:

ماربين... بنتي، شلونج؟ شلون طلعتي؟ سولفيلي بابا شنو صار شنو سوولج ؟

ماربين نظرت له، دموعها نزلت بدون ما تحس:

بابا، شكد حلمت بهاليوم. كل يوم كنت أكول أكيد الله ما ينساني... وأنت ما نسيتني، صح؟

حضنها بقوة، صوته مليان وجع:

شلون أنساچ، يا قطعة من روحي؟ بس الدنيا جانت ظالمة... ظالمة أكثر من ما تتصورين،صوجي هملتج وخليتج ترخين لو اعرف جان اني رحت وعفتج يبعد ابوج .

ماربين بصوت مليان غصة:

بابا، عشت أيام... ما أعرف شلون أوصفها. وجوههم، صراخهم، ضحكهم، كل شي بعده بگلبي... بس جنت أكول إني لازم أرجع، لازم أشوفكم ،اعرف امي اذا متشوفني تموت ،ونارين بابا،اذا متنام بحضني تبقى سهرانه لو سيف الدين،وبرهان الدين ،بابا ميدرسون اذا مو اني اجي يمهم ميسون شي اذا مو سوه ،وانت بابا شتاقيت اسمع منك كل مافتح عيوني ،تكلي بابا بلبل يلا كومي روحي لدوامج ورانا اجتماع بالشركه ،بلبل شربي عصير ،بلبل اكلتي ،بابا محد يدللني بكدكم بابا اني بوسط نعم من نعم الرحمن بابا ماكدر بدونكم ابد  .
حضني ابويه حيل ودموعه تنزل بصمت اعرف بي اعرف وكل العراقين عاشو اقوه من هذا الوجع فكره انو تحس شخص عزيز عليك مسجون او اسير او بدين لعدو للموت فكره مميته على البطيئ .

شويه وصحت امي .

ماربين! يمه، شلونچ؟ شلون ايام مرت عليچ؟

ماربين ركضت وحضنتها بقوة

يمه..شلون. صرتي انت زينه يروحي اني مابيه شي وعيونج .

أمها تمسح دموعها:

لا تحچين هيچي، إنتي بطلة. إنت رجعتي... وهذا كافي.

أختها وكفت ورا الباب، خجلانة، صوتها مخنوگ من البچي:

نارين: - ماربين، ما صدگت راح أشوفچ مرة ثانية.

ماربين باوعت إلها، وركضت وحضنتها هي الثانية