هلو اني اسمي المهندس قيس و اني مهندس و اليوم راح يجي ابن عمي الهيبه من الدوام ف قررت اسويلكم ڤلوگ
علي : متجوز انت الي يشوفك شيگول فاشينيستا مدري شني ولك خزيتنا
قيس : اوييي گيتريدي ويذ ميي صرت فاشونيستا
علي : والله اذا نشرت موتك بيدي تريدنا نصير مضحكه لأمه محمد
قيس : و شلون الناس راح تعرفني مهندس باللههههه ؟؟؟
_ يأبه لعبتها لروحنا قابل اول واحد تصير مهندس
_ حبيبي مو كل مهندس مهندس
_ يأبه لو يجي حَيث و يشوفك شدتسوي اله يرجعك لبطن امك
_ منو منو حبيبي غلطان اني ارجعه لبطن أمه
_ تمام بس يجي اگوله اني
_ و النعم منك اخويي أتوقعها هي ما تجي بس من اخوك
_ حتى تتأدب
_ شدخلك انت اني و متابعيني ما خصك
_ يا متابعيك هم كلهم نسوان
_ معليك اني و نسواني انت شدخلك ؟ لو لان محد مگلبك ؟ ها ها ؟
_ دروح ميهمني النسوان اني
_ لعد منو هذاك اليوم گال صورني على أساس اني ما ادري و گول اخوي
_ حبيبي لتچذب
ميسم : يلا علي و قيس صار الوقت
قيس : اهووو أنتِ متگولين غير الشر
ميسم : شسويلك هي هيج القوانين اني نازله لا اروح اتأخر مثلك
علي : يلا امشي حبيبتي
ميسم : مشينا اني و علي حتى نروح لموعد العشى لان اذا تأخرنا دقيقه وحدة عن الموعد هاي كبيره من الكبائر في بيت عبد المولى
اكو هواي قوانين و كل الناس البيه غريبه و مرضى نفسيين احس نفسي ب مستشفى المجانين و محكوم بيه ابقى بيها لآخر عمري دخلت و گعدت ع السفرة جانت كلها گاعدت و الوقت راح يمضي ال 5 دقايق راح يخلصون و قيس بعد ما حضر دائما يتأخر لو دقيقه لو دقيقتين و يأكلها تبن
قيس : اجيت اجيت
يركض و يلهث هياتني وصلت وصلت هو توي مخلص بايات الدرج دگ صوت المنبه و كلك كلعادة الي راح يصير بيك بس
عبد المولى: تعال اكل
قيس : شنو جدو يعني هلمرة سماح ؟
عبد المولى: ادعي لعمامك لان مموجودين
قيس : لا جدو انت كلش حنون و اني مهندس و بس الوحيد الي عفيت عنا هالمرة لان تحبني لان مهندس انطيني انطيني ايدك أبوسها
عبد المولى: تسكت لو أعيد النظر بقراري
سكت قيس و كأنما بلع لسانو و گعد ياكل بسكته و بهدوء كل الي بالطاولة هادئين حتى الاطفال ياكلون بسكته و الخدم فوگ روسنا كلنا الي يشوفنا يگول هنيالهم حياتهم حلوة و أغنياء و عدهم خدم و حشم
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
