فتحت عيونها و شافتني فورا دفعتني و ضربتني راشديي خلاني اصحى على نفسي حسيت قبله جنت فاصل و مو بوعيي
_ شدتسويييي
_ ش ش شنو
_ شعندك فوگي
تلبكت كلش ما ادري اذا حسيت عليه من بستها أو لا بس راح أنكر
_ ااا ووجعع شبيج تخبلتي
_ شبيك حيث انت الي متخبل
_ شسويتتت ؟
_ هو اني هم دا اسئل شعندك لازگ بوجهي تعال فوت بخشمي
_ ووجع جنت داا اسويلج حزام الامان
_ و ايدك على شعري !
_ لاا شعرج جكجكني و ضوجني گلت اعدله
_ و صافن بوجهي
_ من حلاتج عااد
_ ما دا اصدگك
_ بكيفج
_ هسه وخر مني اريد اتنفس وجهك يلعب النفس
حسيت على نفسي و وخرت من عدها كلش مرتبك و واضح عليه يوه شهل ورطه هاي اصلا بشنو جنت افكر من سويت هيج اني ما أكن الها اي مشاعر بس حفزة شيطان مني ايي صحيح حفزة شيطان لا اكثر و لا اقل
قاطع سلسلة أفكاري صوتها المنزعج
_ وين صرنا
_ خاف موو زعلانه
_ استغفر الله
_ استغفري استغفري احسن ما اگول إذا ما تحجين بأدب
_ هم لو تستحق احجي بأدب ، يلا امشي شعندك واگف
_ اشو ما امشي الا تحجين بأدب
_ تخبلت !؟
_ گُلت احجيي ب أدب
_ بأحلامك الوردية
_ خوش تمام لعد اني نعسان هسه خلي انام و اروح لأحلامي الوردية من تفكرين تحجين بأدب صحيني
_ ويي حيث تنام شنو خلي نمشي
_ سنيورا صارلج هوااي نايمه تدرين اني هذا اليوم الثاني ع التوالي ما غمضت عيني
_ عزةة شلون متحمل
_ كلشي اتحمل انيي
_ اوويي عود شوفيني القوي
_ منو انت يبنيه ترا محد بحالج
_ ايي خوش خوش نام شوية بعدين نمشي
_ تراا اكوو كلمة بالقاموس العالمي يمكن ما تعرفيها انتي
_ صدك والله شنو هي
_ لو سمحت ، من فضلك ، إذا مصير زحمة ، راح اعذبك بس ، شكرا ، عفوا
_ هم زين گتلي ما جنت اعرفهم
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
