مشهد واحد
★★★★★
اول مرة اشوف الدنيا هلگد عتمه ظلام دامس النجوم مبعثرة و كأنها كرستال الخوف سيطر عليه و صرت اتراجف و امشي بخطوات مترددة و أردد
_ أنتِ گلبج قوي متخافين أنتِ صبورة
_راح تلاگين طريقج ما راح يصيرلج شي
_ ما يصير عليج شي ما يصير عليج شي
_ يارب ساعدني يارب مالي غيرك يارب
سمعت صوت خطوات تتقرب مني
_ م منو منو
حط ايده على حلگي و أردف اششش نفس ما اريد اسمع
★★★★★
مشهد ثنين
★★★★★
گاعده اتأمل النجوم وحدي و راسي بالگاع اجه گعد يمي عرفته و ما التفت لوحت بيدي للسماء
_ اني كلش احب النجوم و الليل
_ و اني احبج
_ ، يعني ماما و بابا صارو نجوم
_ ممكن
_ الليل يواسيني بطريقة غريبه كلشش
_ يعرف شنو نحس
_ يعني الليل يعرف شنو نحس ؟
_ يعرف اكيد
_هل يدرك الليل ما ينتابنا الان ؟؟
★★★★★
مشهد ثلاثة
★★★★★
شفت رقيه و اگفه و دتحجي بالتليفون اجيت حتى احجي وياها بس ايد سحبتني
صرت بجهة ظلمة و محد بيها ساندني ع الحايط و مثبت أيد على حلگي و أيد لاف ايديناتي ورا ضهري يباوع ع الباب و يتفحصه
لمن شاف ماكوو أحد رجع وجهة آلية و اني حرفيا كلمة خايفه قليل توصف شعوري اريد اقاوم بس ما اگدر
سيف : ايي مدام منوو معشوقج الفقير الجديد ؟
كلمة وحدة جانت كفيله تهد حيلي اني يعيرني هسه دمعت عيني و ما گدرت الزمها انترست دموع بس ارمش رمشة تنزل دموعي لا و فوگ كل هذا مكتفني و ساد حلگي و يرد اجاوب
سيف : انت صدك وحدة متستحين و موو مال احترام سويتيها مرة گلت تصير بنيه و غلطت مرة محد معصوم بس مال تعيديها مرة ثانيه هاي واگفة كلش شنووو أنتِ من بشرررر ؟؟
استمع لكلامه بهدوء و بدون اي مقاومه و دموعي تنزل على كيفها بدون حتى لا ارمش و ما اگدر احجي و ادافع عن نفسي لان ساد حلگي بكل حيله
باوع على عيوني نقل نظراته بينهم بعدين رخت ايدة
ــ راح اوخر أيدي دير بالج تعيطين
نزلت راسي بمعنى الموافقه وخر ايدة من حلگي و بعدة مثبتني ما تركتني
ميسم : سيف اتركني شتريد
سيف : ليشش حيدر ليش هذا الكل.... مره ثانيه
ميسم : ما يحق لك توجه إلي هيج اتهام
باوع على وجهي كله انفي و گصتي و حواجبي بعدين ثبت عيونه بعيوني و اني هم ما شلت عيوني اخر شي نزل عيونه لشفايفي
تقرب من يمي حتى يبوسني تجمدت بمكاني و خفت وخرت راسي من يمة ليورا و رجع تقرب أكثر من مره كل ما ادير راسي يرجع يتقرب أكثر
اني ما اعرف ليش ما حجيت شي بس رد فعلي كنت ابتعد من عنده بس و هو يتقرب أكثر صار قريب كلش بحيث انفي طخ ب أنفه هالمره ما تحركت غمضت عيوني
موافقة مني ع الي راح يصير بس فتحت عيوني على مصرعهم من اجاني صوته و هو يحجي وياي كأني حشرة نفسة يلوح وجهي و يحجي بنتر و عيونه بعيوني
سيف : لا لا أنتِ شريفه قمة بالشرف بس سويتي علاقه وي واحد بالجامعه و طلعتي ويا برا الحرم بدون إذن اهلج انطيتي صور الج و ابتزج بيهم رحتي لشقته و ب الاخير حاولتي تقتلي بعدها مثلتي دور الضحيه فتره طويله و هسه اجة الدور على حيدر لان ليش أنتِ وحدة بلا اخلاق و مو مال احترام
حرفيا كلامة هذا حطمني كلش قسى عليه بكل حرف ينطقة احس شي ينكسر بيه كلش كسرني و زودها وياي اريد احجي شي بس من الصدمه ما ببالي شي ما اعرف شلون ارد كل هاي الاسائة الي توجهت بحقي
عيوني تنزل تمطر مطر مو دموع و هو مستمر يجرح بيه لحد ما حسيت شخص أخذه من يمي بقسوة لدرجه حتى اني اجيت اوگع على وجهي
★★★★★
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
