رقيه
وصلنا البيت و كلها موجودة الا سيارة حيث ماكو لعب گلبي و عرفت اكو شي و بطني بدأت تأذيني من التوتر طبعا اني من اتوتر من احب من اخاف احس بوجع ببطني تگول مشاعري ببطني صايرة
اخذت محمد فورا ع الغرفة و غيرت ملابسه و نومته و البنات بقو وي الضيوف الا اني بالطابق الثاني
لمن نام محمد گمت هم استحميت و لبست گلبيه قصيرة و نص كم زهرية سادة عريضة من لبست عند أهل ليون دشداشة كلش حبيتها و كلش مريحه بالنوم
گعد اسرح بشعري و افكر ب ميسم اتصلت بيها أكثر من مرة بس ما ترد تأكدت مئة بالمئة صاير شي صرت احوس بالغرفه اروح و اجي اتصلت ب حيث و هم ما يرد و سيف كذلك
صار الوقت متأخر صعدو البنات غسلو و گعدنا كلنا
منسا : ميسم وين ما شفتها ؟
منار : و لا اني جنت ادور عليها
مياسه : راحت ويي حيث هي و هو بعد ما اجه يمكن طلعو يتونسون
منار : يتونسون شنو اصلا ملابسهم مو مال طلعه مال حفلات يمكن عدهم شي
منسا : اكيد صاير شي
منار : شسالفه ليش يصير شي
منسا : ما ادري
منار : لا تسوون دراما اكيد عدهم شي مو رقيه ؟
منار : رقيه رقيه ؟
رقيه : هاا
منار : ويانه أنتِ ؟
رقيه : ايي
منار : عن شنو حجينا
رقيه : ع العرس ؟
منار : اي لا واضح ويانه
مياسه : رقيه بيج شي شبيج شاردة من اجينه لاحضت عليج بالسيارة
رقيه : لا بس تعبانه بنات راح اطلع اشتم هواا نضيف وحدي
منار : تمام أخذي راحتج
طلعت و عفتهم يحجون بالي يم ميسم و ما مركزة وياهم وهم حسيت عيانه شوية
صعدت ع السطح اخذت فراش من المخزن دائما أخذه من اصعد فرشته و مددت اباوع ع السما جان الجو كلش بارد و ملابسي خفيفه بس أهملت هالشي
ما فكرت ب ميسم هواي خليتها على الله اني من اگعد اتأمل النجوم ينقطع تفكيري عن العالم كله اصير ما افكر و لا احس بشي
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
