رقيه
بالساعه اني امشي و مرا اگعد ارتاح اريد اوصل للشارع العام بس ماكو بقيت امشي هواي هواي
ياربي ساعدني ياربي صرخت بكل صوتي و نمت على ضهري و اباوع للنجوم هي الوحيدة الي تگدر تواسيينيي
حسيت نفسي اريد ابجي فورا بديت أردد بنفسي " أن الله يجيب دعوة الداعي إذا دعاه "
" إن الله يجيب دعوة الداعي إذا دعاه "
گمت لحيلي باوعت حولي ماكو بس ظلام من كل الجهات الظلام يداهمني
اصلا حياتي كلها صايرة عبارة عن ظلام ب ظلام اريد اريد ابجي و اتذكر كلام ماما حاولت حاولت شگد ما اگدر ما ابجي بس بلحضة
أطلقت كل شلالات عيوني و أردد بين نفسي " الفشل و النحيب اسهل "
نعم الفشل و النحيب اسهل من الانتظار الموقف الي جنت بيه انيي كلش صعب و ابدا ما يتحمله عقليي
اني اصلا اخاف من كلشي فجأة الاگي نفسي بمكان مقطوع و بنيه وحدي
تخبلت من الخوف خفت من الوحش و الجن و الموت قبل البشر تمنيت لو هسه يطلع بوجهي الخاطف و يرجعني منين ما طلعت
اصلا اني لو ما محمد مستحيل اطلع حتى لو جنت ويي قاتل لان اني اخاف حرفيا اخاف من كلشي
اني انسان إيمانها قوي بالله بس اخاف و هالشي عندي بالفطرة بالنهاية اني كلني بنيه طفله عمرها 17 حتى ما بالغه
گمت لحيلي و صرت امشي مشيت مسافه ابد مو قليلة و مر هواي وقت باوعت من بعيد شفت اضواء
تخبلت من الفرحة يمكن هاي اضواء المدينه يعني و اخيرا راح اخلص
الف الحمدلله و الشكر الك ياربي الحمدلله ياربي
بس لازم امشي هواي لان الاضواء كلش بعيده مو مهم ميخالف اهم شي واضح طريقي و بس اوصل
عند أول بيت أطرق الباب و تفتحلي عائله عراقيه اني راح اكون بأمان لان احنا العراقيين بطبعنا كل البيوت راح تلگى بيها أمان إذا جنت محتاجه
اي باب تطرقه راح تلاگي امان إذا جنت ضيف عدهم راح يعاملوك احسن معاملة هيج احنا الشعب العراقي بوقت الحاجه كل عائله تگدر تعتبرها هي عائلتك
مشيت هواي و اساطير الجن و ابو طبر ما طلعت من راسي
باوعت من بعيد شفت رجال متت من الخوف يعني هو رجال حقيقي لو جن متت من الخوف و ضليت كل شوية اقرا الآيات و السور
لحد ما تقرب مني عرفته أنه إنسان هالشي ما نقص خوفي ابد بس شوية انو خف الرعب
اني امشي و هو ما شافني يتطوطح تگول سكران أو مو تگول هو صدك ريحة الكحول واصلتني
دنگت راسي وعبرت من يمه وودي الگاع تنشگ و تبلعني ولا يشوفني امشي بهدوء و ابتعد شوية شوية و مركزة عليه
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
