يا ترى شراح يصير بيه ؟
عرب : حيث شنو شفت ؟
ما رد و مركز نضراته عليه أكثر من دقيقة هدوء و كلها تتسائل و حسيت كلها شكت بيه نزلت راسي و اجيت اعتذر بس استوقفني صوته
_ محد
قيس : شنو محد شفت الكاميرات كلها ؟
حيث : تأكدت من هالشي محد دخل غرفتي
عرب : لعد شلون صار الحريق
حيث : انيي أدخن بيها يمكن ذبيت جكارة و اشتعلت على كيفها
يحجي و يباوع عليه نظرات تخوف كلش نظراته غضب و بيها نوع من العتب ليش سويتي هيج
سكوته عني ما زادني الا ندم و خوف لان اكيد ما راح يسوي شي يخليني اندم ع الساعة الي قررت بيها انتقم منه
يمكن لو محاسبني گدام الكل جان احسن هسه الله اليعلم شنو راح يسوي بيه بس متأكدة نهايتي راح تكون على أيده
لان المنظر الي شفته بيه اليوم ابد ما جان عادي و كلش صعب نضرات الخوف من الفقد و البجي و هو رجال ما يهزة جبل
شسوي شلون اخلص نفسي ماعندي حل غير اعتذر و انطي الصندوق يمكن هذا راح يكون خلاصي الوحيد
نزل حيث و ترك الكل عبر من يمي و هو يباوعلي بطرف ببرود و توعد و ما اعرف وين جانت وجهته
عرب : يلا اهم شي محد تأذى
ميسم : الحمدلله هاي و لا غيرها
كلها نزلت و اني هم اجيت انزل استوقفني صوت قيس
_ عبالي تشاقين ؟
_ مافهمت
_ عبالي تشاقين من تگولين اني " مجرمه"
حرفيا هذي الكلمة اجتي مثل الصفعه الي و هستوي اجتني لحضة إدراك الي سويته جريمة حقيقية
_ ما فكرتي ابد بأحد يعني معقوله ما فكرتي ممكن يحترگ البيت كله ؟
_ قيس الله يخليك اسكت
_ ليش اسكت الي سويتي ما ينسكتتتت عنةةةةة فهمتيييييي و لا لاااا ؟
_ اعرف والله بس شسوي اني من افقد السيطرة على نفسي اسوي اشياء خارج عن إرادتي
_ هذاااا ابدددد موووووو عذررررر
_ جان من الممكن محمد يتأذى بهذا الحريق إذا ما فكرتي بينا ما فكرتي ب اخوج
ما تحملت لومه الي لان كل الي گالة حقيقه بس شسوي صرت ابجي بكل قوتي
_ شسويييييي بنفسيييييي انييييي هيجججج، اقتللل نفسي و ارتاح و اريحكمممم ؟ شسوييي ؟ الله ياخذنييييي
_ صوتج لحد يسمعج تستاهلين كل الي صار و راح يصير بيج
نزل و عافني متت بجي اني ما قصدي انو اسوي شي خطير ابد و تأكدت أنو ما راح يصير ب أحد شي بس ردت احسسة اني حرگت الشي الي هوة يريدة بس اني ما سويتها صدك
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
