سيف
خلصت محادثتي وي ميسم بخذلان اسابيع و اني اركض و ما اعرف معنى النوم شنوو حتى اكشف الحقير حسين و اخلصها من عنده
تاالليي اطلع انيي النذل الي موو خوش و يحاول يخرب علاقتهم كلامها جان كلش قاسي وياي عكس ملامحها الي اعشگهن
مشيت من يمهاا و گلبيي مكسور عليه و عليها هيي ما تعرف المشكله الي حطت نفسها بيها شنوو ما تعرف جاي تتعامل ويي منوو
غبيه عبالها شكوو واحد فقير عنده اخلاق و خوش آدمي و الي عنده فلوس موو خوش آدمي بس ما تدرين أنو هواي منهم ما شبعانه عيونهم
ويردون يفترسون اليي بمحيطهم وهيي غزالة و صادوها ماا راح يتركها بسلام و لا يتركها ابد هي بالنسبه اله البطه يلي تبيض ذهب و ما يهتم لذرة وحدة من مشاعرها
اسوق السيارة بهدوء و بتركيز و اتفحص الشوارع موبايلي أكثر من مره يرن بس ما الي واهس أشيله اشوف منوو مشيت هواي بدون وجهة بعدين توقفت بمكان اخذت جهازي حتى اتصل بحيث
فتحته لگيت 24 مكالمه من هواي ناس بس الاغلب من حيث دخلت ع رقمه و ضغطت على اتصال
_ وينك متردد صار ساعه اتصل بيك
_ هلاا
_ و علااا حبيبي
_ تعاللي
_ شبيك سيف موو ع بعضك
_ ما بيه شي ضايج بس جيب النرگيله وياك
_ لاا اكيد صاير شيي
_ انتظرك تعالل
_ تمام
سديت الخط و دزيتله المووقع جان مكان معزول و مو بعيد عن بيتهم أقل النص ساعه هو يمي
_ هاا سيف
_ اجيت
_ لا بعدني
_ مالي خلك حيث
_ شكوو ؟؟
_ عَمّر النرگيله
_ انت و ميسم دار بينكم شي
_ شجاب لاا اكيد
_ الاا صاير بينكم شيي
صارت جاهزة النرگيله و طلعت رجليني من السيارة و گعدت اشرب و حيث بالجانب الثاني انطيته ضهري
_ حيث لتلح موو هيج القصه ما دار بينا شي
_ لعد شبيك متجهم
_ ميسم
_ هستوك تگول ما دار بينا شي
_ ايي ما دار بينا شي بس دا افكر
_ بشنوو تفكر ؟
_ ميسم مستحيل تحبني
_ ليش هلگد واثق
_ لان اعرفها كلش زين
_ تعرف شنو عنها حتى هلگد متيقن
_ ميسم ما تحب ايي واحد عنده فلوس
أنت تقرأ
حَيّث
Romanceاهلا بكم في عالمي عالم التناقض كيف يمكن أن يجتمع الأثنان معا المعاناة و الترف ، الالم و الامل ، اليأس و الحياة ، ____________________________ _ لم أكن سوى فتاة عادية عيناي لم تكن خضراء و لا زرقاء كانت بنية لم يكن لي ذلك الحضور المبهر من بين صدي...
