حكايتى

الفصل الخامس

انتهى ادم من عمله ثم توجه الى احد الاماكن المهجورة
الذى يقف عليه عدد من الحراس
ادم: عملتوا ايه
الحارس: موجود جوا يا باشا واتعلم عليه
ادم: تمام
ثم دلف الى الداخل ليجد يوسف ملقى على الارض ويصرخ من شدة الالم
ادم: شايف ادى آخرتك بتصرخ زى العيال الصغيرة
يوسف بألم: انا اسف مش هعمل كده تاني بس سيبنى امشى
ادم: هسيبك متخافش بس اربيك الاول واعلمك متستقواش على بنات وانت آخرك متلقح بتعيط
ثم قام ادم بلكمه فى انفه ووجهه وانحاء جسده ليصرخ يوسف بألم شديد
قاطع ادم دخول احد الحراس
الحارس: ابوه وصل يا فندم
ادم: يلا يا اختى على بابى
ثم جره الى ان القاه امام والده
والد يوسف: انا بعتذرلك واوعدك مش هيكررها تانى بس بلاش اخسر الاسهم اللى فى السوق كدا بيتى يتخرب
ادم ببرود: افكر ويلا خد زبالتك من هنا
ثم ركب سيارته وغادر المكان، فتح ادم هاتفه وجد العديد من المكالمات من رقية لكنه رفض ان يرد عليها وقام بمهاتفة حازم
ادم: متنزلش اسهم الرفاعى علشان الناس اللى شغالة ودا مصدر رزقهم الوحيد انا علمته الادب ولو كررها تانى ساعتها مش هيكفينى املاكه واسهمه كلها
اما عن رقية فقد صدمت من الرسالة التى ارسلت لها
رقية محدثة نفسها: اسد الجندى وحازم الجندى اخووه ازاى!!؟،  انا لازم اخلى ادم يسامحنى لازم اقابل العيلة فى اسرع وقت
قامت بالاتصال بآدم اكثر من مره لكنه لم يرد لذلك استسلمت وقامت لتذاكر دروسها برفقة ليلى ثم استغرقت فى النوم
فى الصباح
ادم: ملك رنى على رقية قوليلها ١٠ دقايق ونكون عندها
ملك: ماشى بس ما ترن انت
ادم: اخلصى
ملك: امم يبقى متخانقين ثم هاتفت رقية
رقية: ماشى يا ملك هننزل
هبطت رقية وصعدت جوار ادم
رقية بصوت خافت: ادم
ادم: اخرسى يا ملك
ملك باستغراب: ايه مالك!!
بينما ليلى لم تتحمل الوضع لتنفجر فى الضحك
ليلى الى ملك: مش عليكى يا غبية اسكتى خليها تصالحه
ملك: اها ماشي
رقية بدموع : انا آسفة مش هكررها تانى
ادم: متعيطيش
رقية: ما انت مش راضى تكلمنى
ادم: علشان انتى معملتيش حاجة بسيطة، انزلى يلا وصلتوا
هبطت رقية بحزن بداخلها لا تعلم سببه لكنها لا تتحمل رؤيته حزين منها
ليلى: متخافيش هيسامحك
رقية: ان شاء الله
اتجها نحو المدرج ثم دلف دكتور المادة ومعه العميد
العميد: انا حابب انى اقدم اعتذار رسمى للطالبة رقية محمود عبدالرحمن لانى اخطأت فى حقها امبارح
ثم غادر
ليلى بسعادة: احسن ان شاء الله يمشى من الكلية راجل مفترى
رقية: خلاص يا ليلى مش عايزين ناخد ذنب عليه
بدأ الدكتور الشرح ليوجه الفتاتان تركيزهما نحوه
مر اربعة ايام حاولت رقية مع ادم كثيرا لكنه رفض بينما حازم بدأ بالتجهيز لاقامة حفل خطبته وهناك من قلبها يحترق برؤية ذلك ولم تتوصل رقية لمعلومات جديدة بعد
رقية: الو ازيك يا حازم
حازم: ازيك يا رقية
رقية: تمام الحمدلله كنت عايزاك تقولى على عنوان الشركة بس متقولش حاجه قدام آدم علشان عايزة اعملهاله مفاجأة
حازم: تمام بصى........
اعطى حازم العنوان لرقية التى اسرعت فى طلب تاكسى والتوجه الى الشركة
وصلت رقية الشركة
رقية: اللهم بارك الشركة تحفة
ثم توجهت نحو الباب دخلت لتقابلها السكرتيرة
السكرتيره: اساعدك ازاى يا فندم
رقية: حابة اقابل بشمهندس ادم
السكرتيرة: فى معاد مسبق
رقية: لا بس انا ابقى مراته
السكرتيرة: اسفة يا فندم اتفضلى ادخلى بس لحظة ابلغ بشمهندس ادم
رقية: عادى على راحتك
اخبرت السكرتيرة ادم واخبرها بان تسمح لرقية بالدخول
دلفت رقية الى الداخل
ادم: فى ايه يا رقية حصل حاجه
رقية: اه فى ان كفاية لحد كدا انا مش قادرة اشوفك زعلان منى يا آدم
ادم: عايزانى اعمل ايه
انفجرت رقية فى البكاء
رقية: متعملش انا آسفة ثم التفت لتغادر لكن امسك آدم بيدها وضمها اليه
ادم: خلاص متعيطيش انا آسف بس كنت عايزك تتعلمى من الموقف دا
هزت رقية راسها بايجاب
ادم: غيرتينى ازاى يا رقية انا مكنتش بتأثر بحد
نظرت له رقية ليكمل آدم
: رجل وما استسلمت قبل لفارس
مالى امام عيونها مستسلم!!!؟
أاعود منتصرا بكل معاركى
وامام عينيها البريئة اهزم
ابتسمت رقية تلقائيا ثم نظرت له وقالت
رقية: اعتبر كدا خلاص سامحتنى
ادم:ايوا
جلس ادم وبرفقته رقية
ادم متسائلا: بس انتى عرفتى عنوان الشركة ازاى
رقية: من حازم
ادم: اها بداتى تاخدى على حازم
رقية: ما انت قولتلى لو احتجتى حاجة رنى عليه
ادم: ماشى
جاء حازم الى المكتب
حازم: عاملة ايه يا رقية نورتى
رقية:الحمدلله شكرا يا حازم
حازم: خطوبتى بعد بكرة ابقى تعالى
رقية: الف مبارك، اكيد طبعا
ادم: تابع انت الشغل انا هفرجها شوية على الشركة
حازم: ماشى
خرجت رقية برفقة ادم لعمل جولة بالشركة
ادم: وهنا قسم المحاسبين ودى الكافيتيريا
رقية: الشركة بتاعتك حلوة اوى اللهم بارك
ادم: اقعدى فى الكافيتيريا اطلبى حاجة لينا على ما اطلع اشوف حاجه فوق
رقية: اوكى
ترك ادم رقية بينما هى فقد قامت بطلب كوبين من القهوة لهما
احدى الفتيات: رقية انتى بتعملى ايه هنا
رقية: سلمى ازيك عاملة ايه
سلمى: الحمدلله وانتى عاملة ايه وحشانى اوى
رقية: بخير وانتى كمان اوى
سلمى: ايه جاية هنا مهمة ولا حاجه تانى
رقية: الاتتين
قاطعها ادم
ادم: شايفك اتعرفتي على حد.
رقية: دى سلمى صحبتى وسلمى دا ادم جوزى
سلمى: اكيد عارفاه يا بنتى ما انا شغالة هنا فى قسم المحاسبة
رقية: اه تمام
غادرت سلمى وجلس ادم ورقية قليلا ثم غادرت رقية الى منزلها
قامت رقية باستذكار دروسها وبعد ان انتهت وفى تمام الثانية عشر بعد منتصف الليل ارتدت اسدالها وهبطت
سلمى: ايه يا رقية عايزانى فى ايه وايه حكاية جوازك انا مش فاهمه حاجه
رقية: انا فى مهمة ومش هقدر اوضحلك حاجة بس عايزاكى تساعدينى
سلمى: ماشى
رقية: حازم الجندى شريك ادم اسمه حازم ايه الجندى
سلمى: اسمه حازم ياسر الجندى.
رقية: تمام المطلوب منك تجيبيلى كل المعلومات عن ياسر الجندى فى اسرع وقت ممكن من يوم ما اتولد ومش الكلام الظاهر للناس انا عايزة خفايا حياته
سلمى: تمام يا رقية
غادرت سلمى بينما صعدت رقية الى اعلى
ليلى: انتى كنتى فين
رقية بارتباك: كنت تحت بجيب عصير
ليلى: وفين العصير
رقية: السوبر ماركت قفل
ليلى: اه طيب يلا ننام
مر يوم آخر لم يحدث به شئ جديد حتى جاء يوم الجمعة وتحديدا فى تمام الساعة الخامسة مساءا استعدت رقية للذهاب لحفل خطبة حازم
ارتدت رقية جيبة جلد سوداء اللون فضفاضة قليلا وتوب من اللون الرمادى وجاكيت جلد اسود اللون وخمار من اللون الرمادى وحذاء اسود ذو كعب عال
هبطت لتجد ادم فى انتظارها صعدت الى جواره.
ادم: ايه الجمال دا انا يا بختى بيكى
رقية بخجل:شكرا
ادم: الخطوبة فى قاعة على النيل قريبة
رقية: تمام
وصلا الى الحفل
سلمت رقية على الجميع ثم جلست بجوار الفتيات
رقية بخفوت الى اميرة: هى ملك مالها حساها زعلانة من حاجه
اميرة بحزن: ملك بتحب حازم وكانوا قاريين الفاتحه من سنتين بس سابوا بعض وهو خطب زى ما انتى شايفه
رقية: اه يا واطى
اميرة: اعرفك بنفسى اخت الواطى
رقية باحراج: مش قصدى بس اخوكى بياع
اميرة: معاكى حق اصلا محدش طايقه دلوقتي
قاطع حديثهم عندما نادت ثريا على رقية
ثريا: يلا يا رقية انتى وادم هتودوا صنية الشبكة
رقية الى ادم: اشمعنا احنا انا مش طايقاه اصلا
ادم: قوانين ثريا هانم اى حد يتجوز يبقى آخر اتنين متجوزين هم اللى يودوا صنية الشبكة زى ما احنا قدموها مازن وندى
رقية: قوانين غريبة
ثريا: اخلصوا
ادم ببرود: يلا يا حبيبتى احسن العرسان يطيروا ولا حاجه
كتمت رقية ضحكتها وتوجهت مع ادم وهى ممسكة بصنية الشبكة
رقية: الف مبارك يا حازم الف مبارك يا اا
حازم: تارا
رقية باستفزاز: ايه ستارة!!
اميرة  من الخلف بضحك : ستارة صح بموووت
نظرت تارا نحو رقية بقرف لتبتدلها رقية ببسمة مستفزة
بعد انتهاء حفل الخطوبة جلس افراد العائلة معا
تقى ابنة خالة ادم: بس حساكى تعبتى اوى يا رقية من الدراسة مش قد الكلية دخلتيها ليه يا حبيبتى
رقية: تعب فعلا بس الطموح حلو يعنى كان حلو اول ما طلعت اولى على الجمهورية وكملت وبقيت الاولى على دفعتى كل سنة ومعايا 5 لغات،  صحيح انتى بتدرسى فى ايه يا توتا
تقى: انا لسه تالتة ثانوى
رقية: يا صغنن ربنا يوفقك يا حبيبتى
تقى: عامل ايه يا دومى الجواز حلو ولا
رقية الى ادم: دومى!! انت اسمك دومى دا من امتى ثم وجهت نظرها الى تقى
رقية: مش عيب يا حبيبتى تناديه باسمه او باسم دلع دا حتى اكبر منك بكتير المفروض تناديله تقوليله يا أبيه وبعدين انتى مالك الجواز حلو ولا لا دى حجات ناس كبيرة وانتى لسه صغنن
فلتت ضحكة من ملك
ملك: احم دا اميرة قالتلى نكتة
اميرة: كدابة
ملك: دى شكلها هتولع بين رقية وتقى
بعد قليل استأذنت ازهار ورحلت برفقة تقى
رقية بهزار: يعنى يا ادم عمو قاسم وعمو ماهر وكمان حازم عنده اميرة بس كلهم عندهم ولد وبنت يعنى انت غلطة
حازم بتسرع: لا انا عن
قاطعته ثريا: اه كلنا ولد وبنت بس لكن خديجه بقا ورأفت جابولنا نسمة البيت ادم حبيييبى
ابتسم ادم ببرود بينما نظرت رقية نحو ثريا بتركيز
حل المساء وغادرت رقية
وصلت رقية الى منزلها
تلقت اتصال من سلمى
سلمى: جبتلك المعلومات اللى عايزاها انزلى قابلينى
اخبرت رقية ليلى انها ستخرج قليلا لتلتقى بآدم
هبطت رقية وجلست فى احد الكافيهات وجاءت سلمى اليها
رقية: ها وصلتى لايه
سلمى: ياسر الجندى كان متجوز ثريا الشافعى وفى سفرية لانه كان شغال طيار قابل بنت اسمها مريم حب مريم دى اوى واتجوزها فى السر فى نفس الوقت ثريا كانت حامل ب اميرة
وفى يوم مريم اكتشفت انها حامل بس ياسر مكنش عنده استعداد يخسر ثريا لانها كانت هتطلق لو عرفت ف طلب من مريم تنزل الطفل بس هى رفضت وهربت بس هو اتجنن عليها وقدر يلاقيها يوم ولادتها ولدت مريم ولد بس هى اتوفت خد ياسر الولد ووداه ملجأ وسماه اسد وبعد كدا ثريا خلفت حازم مرت السنين وياسر كان بيزور اسد دايما ودخله طيران زيه وكان بيحكيله عن اخواته بس مشافهومش ابدا ثريا عرفت بالموضوع وسألته ايه علاقته بأسد ف ياسر قالها انه ابنه ثريا ملحقتش تاخد رد فعل لان ياسر مات فى حادثة بس قررت انها هتخلى أسد يتعرف على اخواته ويسكن معاهم كمان لان وقتها هو كان ساب الملجأ وكان عمره19 سنة وفعلا راح سكن معاهم وغيرت اسمه ل أسد الجندى
رقية: تمام يا سلمى شكرا خالص تعبتك
غادرت سلمى بينما رقية توجهت الى احد الاماكن
رقية: اسد اخو حازم بس ليه ثريا خبت وقالت ان حازم معندوش اخوات غير اميرة
المجهول: خدى حذرك ثريا الشافعى مش سهلة ولو كشفتك هتضيعى
رقية: تمام
فى مكان آخر
حازم: ليه قولتى ان معنديش اخوات
ثريا: لأن اسد دا مش اخوك دا واخد كل صفات ياسر وبعد اللى عمله انا مش هسمح اسمه يتقال هنا لأن دا هيسبب مشاكل ليك او ل آدم ولا نسيت انه كان تالتكم
حازم: بس رقية مرات آدم ومن العيلة
ثريا: انتهينا يا حازم الموضوع دا مش هيتفتح هنا تانى واسد دا يتنسى
وبالقرب منهم وبالتحديد ڤيلا رافت الشافعى
ملك بدموع: هونت عليك يا حازم تنسانى بالسهولة دى
هان عليك كل الحب اللى بيننا
قاطعها صوت الهاتف
ردت ملك: الو
تارا: ايه يا حلوة بتعيطى ليه
ملك: انتى مين
تارا: انا اللى اخدت منك حبيبك وهاخد منه كل ما يملك وبعد كدا هرميهولك وانتى زى الكلبة هترجعيله دا ان مخليتهوش يقتلك قبلها
ملك: انتى مجنونه ايه اللى بتقوليه دا 
تارا: متخافيش انا هوريكى الجنان على حق
ثم اغلقت الهاتف
تارا: هدفعك التمن غالى يا ملك وهرجع حق اخويا اللى مات بسببك
•••••••••••••••
ستوب
يا ترا ايه حكاية اسد؟ وثريا كشفت رقية ولا؟
ولو كشفتها ف اكتشفت ايه!!؟
مين تارا وايه حكايتها وليه عايزة تنتقم من ملك؟
كل دا هنعرفه فى الاحداث القادمة من #حكايتى
قولولى رايكم وتوقعاتكم +بقبل النقد عادى ف لو فى حاجه مش حلوة قولولى ♥