حكايتى

الفصل التاسع

فى صباح يوم جديد
ادم: صباح الخير على وردة حياتى
رقية: صباح النور يا ابو العيال
ادم: نازلة الجامعة النهاردة
رقية: اه، انت اخبار الصفقة بتاعتك ايه
ادم: مش هتصدقى بس بجد خلصت التصاميم وعاجبينى اوى
رقية: مش قولتلك
ادم: يا واثق انت
رقية: ومعاد التسليم امتى
ادم: بكرة المناقصة النهاردة هبدا انفذ الرسومات فى شكل هندسى
رقية: انا مش فاهمه حاجه بس ربنا يوفقك
ادم: ويباركلى فيكى يا حبيبتى يلا بقا نفطر علشان اوصلك
رقية: يلا
تناول ادم ورقية افطارهما واستعدا ليقوم ادم بايصالها هى وملك الى الجامعة
ادم: خلى بالك من نفسك ومتتحركيش كتير
رقية: عيونى
ملك: يلا بقا هنتاخر
دلفا ملك ورقية ليجدا ليلى
رقية: لولا فى مفاجأة حلوة
ليلى: ايه المحاضرات اتلغت
رقية: يا بنتى بقا اومال جاية ليه
ليلى: يبقى الاهلى كسب بطولة
رقية: ممكن تخرسى وتسيبينى اتكلم
ليلى: سكت اهو
رقية بدموع امسكت بيد ليلى ووضعتها على بطنها
رقية: فى حد هنا هييجى يقولك يا خالتو
ليلى بصدمة: بجد انتى حامل
ثم ضمتها بشدة وهى فى قمة سعادتها
رقية: بالراحة يا بت كدا هسقط
ليلى: لااا انتى تقعدى كدا وتقوليلى عرفتى ازاى وبالتفصيل انا بجد مش مصدقه روكا هتبقى ام
رقية: ايه منفعش ولا ايه بعدين يلا هنتاخر وبعد المحاضره احكيلك
ليلى: تمام يلا
عند ادم
السكرتير: بشمهندس وسام مدير شركة... طالب يقابل حضرتك
ادم: دخليه
وسام: اهلا بشمهندس ادم
ادم: اهلا بيك، تشرب ايه
وسام: لا انا مش جاى اشرب انا بس حابب اعرض عليك حاجه
ادم: خير
وسام: انا عرفت ان الرسومات اللى هتقدمها فى مناقصة بكرة اتسرقت وانت قدرت تعمل تصاميم غيرها ف حبيت انصحك نصيحة بلاش تقف قدام شركتى بكرة وانسى الصفقة دى والا الله اعلم ممكن اعمل ايه
ادم ببرود: اممم يعنى سرقت التصاميم القديمه وجاى تهددنى اسحب التصاميم الجديدة علشان تكسب المناقصة احب اقولك مش ادم الشافعي اللى يتهدد والتصاميم هتتقدم بكرة واللى عندك اعمله
وسام: بلاش علشان كدا كدا شركتى اللى هتكسب وهندمك
ادم: لو انت واثق من نفسك مكنش زمانك قدامى بتتحايل عليا انسحب على العموم وقتك خلص خد الباب فى ايدك
وسام بغيظ: تمام تمام اوى
لم ينظر له ادم من الاساس
ادم: ابعتلى بشمهندس حازم
بعد قليل جاء حازم
ادم: المناقصة بتاعت بكرة هقدم انا التصاميم بتاعتها
حازم: تمام بس حصل ايه
ادم: وسام هو اللى سرق التصاميم القديمه وجاى يهددنا ننسحب
حازم: وانت هتعمل ايه
ادم: ايه اللي هعمل ايه هقدم التصاميم عادى دا كلب ملهوش لازمة
حازم: تمام
عودة الى الفتيات
رقية: بس يا ستى هو دا اللى حصل
ليلى: ماشى بما ان بقا المحاضرة التانية اتلغت يلا نروح
رقية: ماشى لحظة ارن على ادم
اتصلت رقية بآدم وطلبت منه ان ياتى
جاء ادم واوصل ليلى ثم توجه ومعه رقية الى المنزل
ادم: ايه رايك تبقى تروحى اكاديمية تتعلمى السواقة
رقية: بجد بس انا اخاف اعمل حادثة
ادم: متخافيش هتتعلمى وتبقى زى الفل
رقية: اوكى
ادم: انزلى يلا وصلنا انا راجع الشركة
دخلت رقية الى المنزل وغيرت ملابسها وادت فرضها ثم بدات فى اعداد الغداء حتى رن جرس المنزل
فتحت رقية لتجد اميره وملك وندى وغادة
رقية: عاملين ايه تعالوا
اميرة: الف مبارك يا روحى على الحمل
غادة: مبارك يا روكا
ندى: مبارك يا باشا ربنا يتمم ليكى على خير
رقية: الله يبارك فيكو تسلمولى
اميرة: لو احتاجتي مساعدة فى اى حاجه ابقى قوليلى
رقية: تسلمى يا ميرو
غادة: عندنا تميم وتيا انتى ناوية تسمى ايه بقا
ندى: الذكاء مش قادرة مش اول ما تعرف بنت ولا ولد
غادة: تصدقى صح نسيت
جلسن الفتيات مع بعض كثيرا حتى حل المساء وجاء ادم
ادم: رقية بتعملى ايه
رقية:بذاكر
ادم: ربنا يعينك حبيبي
رقية: انا تعبت قايمة انام
نام ادم ورقية وفى الصباح استعد كل منهما
رقية: واثقة ان حبيبي هينجح فى الصفقة دى
ادم: انتى بس خلى بالك من نفسك وركزى فى محاضراتك واول ما تيجى تروحي هبعتلك السواق ماشى
رقية: ماشى
استعدت رقية وارتدت ملابسها واصطحبها ادم الى الجامعة وغادر
دلفت رقية الى المدرج وبعد انتهاء المحاضرة الاولى
رقية: انا هروح اشوف ملك
ليلى: ماشي بس متتاخريش
ذهبت رقية وفى طريقها.
احدى الفتيات: فى واحدة اسمها ملك بتقولك مستنياكى ورا مبنى الادارة
رقية باستغراب: متاكدة
الفتاة: اكيد هى ورتنى صورتك وانا عارفاكى يا رقية
رقية: ماشى
ثم وبغباء شديد اتجهت رقية الى حيث اشارت الفتاة
رقية: ملك انتى فين، مش عارفه انا ايه المكان المقطوع دا
لم تكمل رقية كلامها الا ووجدت احد من خلفها يقيد حركتها ويضع منديلا على انفها حاولت رقية مقاومته كثيرا لكن اغشى عليها.
: معانا يا فندم
وسام: تمام كمل باقى الخطة.
حمل الشابان رقية الى السيارة خارجان من احد الابواب الخلفية ولم يلحظهما احد
فى الشركة
حازم: ايه الاخبار انا خلصت صفقة... 
ادم: حلو اوى والمناقصة كمان 3 ساعات
اعلن هاتف ادم عن وجود اتصال
ادم: الو.
وسام: بشمهندس قلبى عندك
ادم: مالك
وسام: لا انا تمام بس القطة بتاعتك الله اعلم.
ادم بقلق: اخلص عملت ايه
وسام: مراتك الحلوة عندى واما هى او الصفقة دى
ادم: اه يا حيوااان يا##..
وسام: اهدى كدا وفكر بعقل ومعاك 3 ساعات اما تبقى قاعد فى بيتك مع مراتك الحلوة او تقدم فى المناقصة بس بعدها هطيرهالك
عند رقية
بدات رقية فى استعادة وعيها
رقية: ايه المكان دا وسرعان ما عادت لها الذاكرة
رقية بتفكير: كدا احتمالين اما حد على عداوة معايا انا او حد بيهدد ادم بيا والاتنين اسوا من بعض،  بس لقيتها
اخرجت رقية سلسال صغير به عدة ازار ثم صغطت زر
معين
رقية: تحديد المكان كدا هم هيعرفوا مكانى ويببعتولى
انفتح الباب فجاة ودخل شابان
رقية: يا صباح الاغتصاب والله ما فيا حيل اقوم ادافع عن نفسى
شاب: امم انتى بقا الدكتورة مرات ادم الشافعى.
رقية: هو انا مشهورة للدرجادى
الشاب الآخر: اخرسى يا بت،  انتى هتفضلى منورانا كدا لحد ما جوزك يتنازل عن الصفقة دى
ثم صفعها عدة صفعات وخرج
رقية: جاك ضربة فى ايدك، بس كدا دول مش تبعى كدا الخطر اقل ثم ضغطت زر آخر لتبدا فى الاستماع الى، تسجيل ما بصوت خافت
المتحدث:منطقة مهجورة على الطريق الصحراوي بعد جرى 10 دقايق ممكن تلاقي عربية ودا المنفذ الوحيد
رقية: الله يطمنك جرى ايه انا واحدة حامل بس لازم استحمل كدا تعب ادم هيضيع بدات رقية فى النظر ارجاء الغرفة لتجد نافذة صغيرة مرتفعة
رقية بعملية: الواضح ان هما شابين بس فى احتمال اقدر اهرب بإذن الله ثم حاولت الصعود على عدة اشياء لتنظر من النافذة
رقية: هم مفيش هنا حلو اوى بس انا خايفة اقع بس معنديش طرق تانية بدات رقية فى فتح النافذة لتبدا فى الخروج منها بحذر شديد حتى لا تتاذى واستاطاعت ان تخرج بجسدها منها
رقية: تمام اوى لازم انط بقا هو ارتفاع صغير بإذن الله
قفزت رقية بحذر لتسقط على الرمال اسفلها
رقية بالم: يارب احفظنى انا واللى فى بطنى ثم نهضت ونظرت بحذر لتجد الشابان يقفان فى الناحية الاخرى يراقبان الباب لتبدا رقية فى الجرى سريعا فى الجهة المعاكسة وهى ترى الطريق
رقية بتعب: ااه هانت ااه
ثم اكملت جرى لتصل اخيرا الى الطريق السريع لتبدا فى محاولة ايقاف سيارة
وقفت شاحنة كبيرة لتصعد رقية بسرعة
رقية:ودينى القاهرة لو سمحت انا تعبانه ربنا يسترك
السائق: متخافيش يا مدام احنا قربنا خلاص
رقية: طيب ممكن موبايل
السائق: اتفضلي
اخذت رقية الهاتف واجرت مكالمة بآدم
عند ادم
ادم بقلق شديد: انا هسلمله الرسومات يا حازم وارجع رقية انا مش هستحمل خسارتها
حازم: ماشى يا آدم بس انا هاجى معاك علشان وسام دا غدار
ادم: ماشى يلا علشان اتبقى ساعة واحدة
ولكن قاطعهما رنين الهاتف
رقية: ادم
ادم: رقية حبييتي انتى كويسة
رقية:انا هربت منهم يا ادم متنسحبش كمل الصفقة
ادم: بلا صفقة بلا زفت انتى فين
رقية: فى عربية وقفت وركبت فيها
ادم: طيب انا جايلك ادينى السواق
رقية: طب وشغلك
ادم بعصبية: اخلصى
اعطت الهاتف الى السائق.
ادم: عنوانكم ايه بالضبط وانا هاجى
السائق: متخافش انا مش هأذيها وهوصلها مكان ما عايزة
ادم: شكرا انا خلاص اهو فى الطريق بس اوصفلى مكانك
وصف السائق المكان لآدم وبعد 10 دقائق وصل ادم
جرى ادم باتجاه رقيه واحتضنها وهى تبكى بسبب ما مرت به وبسبب شعورها بألم شديد.
شكر ادم السائق كثيرا ثم اسرع بحمل رقية ووضعها داخل السيارة
ادم: مالك حبيبتى ايه اللى واجعك
رقية: اااه يا ادم وجع فى بطنى انا خايفة اوى
ادم: خلاص قربنا نوصل لمستشفى اهو
وصل ادم الى المستشفى واسرع بحمل رقية
ادم: دكتورة بسرعة
جاءت الطبيبة وبدات فى فحص رقية ثم خرجت
ادم: خير يا دكتوره
الطبيبة: الحمدلله قدرنا هى والجنين بخير هى اتعرضت لاصطدام  سببلها الم شديد وكتبتلها الادوية دى
ادم: تمام شكرا يا دكتورة
دخل ادم الى رقية
ادم: عامله ايه يا رقية دلوقتي
رقية: حاسة الالم خف شوية الحمدلله
ادم: طيب يلا بينا
اصطحب ادم رقية الى المنزل واشترى الادوية وطلب من ملك ان تاتى حتى تعطى لرقية ابرة
رقية: ورينى الروشتة كدا
ادم: خدى
رقية: ايه دا 6 حقن ايه انا مش باخدها
ادم: انتى بتهزرى لازم تاخديهم علشان تعبك يخف
رقية ببكاء: علشان خاطري لا انا بخاف منها ممكن اخد ادوية مكانها
ملك: بس دى مفعولها اقوى
ادم: متخافيش مش هتحسى بألم
رقية: ماشى
اعطت ملك رقية الابرة ثم غادرت بينما رقية بكت بشدة
ادم: بتعيطى ليه دلوقتي
رقية: علشان موبايلى
ادم: ماله
رقية: كسرهولى
ادم بضحك: خلاص يا ستى هجيبلك غيره
رقية: انا عايزة زى موبايلك بس
ادم: حاضر،  قوليلى صح انتى هربتى ازاى
رقية بارتباك: اا كان فى شباك طلعت منه بعد كدا قعدت اجرى وكان فى طريق ولقيت عربية
ادم: وانتى تجرى كدا ما ممكن ميكونش فى طريق
رقية: ما ربنا سترها معايا بقا، انت مش المفروض تقدم التصميمات بتاعتك
ادم: حازم سلمها وكسبنا المناقصة كمان
رقية: بجد الف مبارك ربنا يوفقك يا حبيبى
ادم: الله يبارك فيكي نامى انتى بقا دلوقتي
رقية: ماشى
غادر ادم ونامت رقية
عند ادم
كاد ادم ان يغادر لكن اوقفه نداء حازم
حازم: رايح فين
ادم: وانت مالك
حازم: ادم اهدى متضيعش نفسك مع واحد زى وسام
ادم: يعنى يخطف مراتى واسيبه دا يومه اسود
غادر ادم سريعا بينما حازم قلق على صديقه
ادم متحدثا فى الهاتف: المخازن اللى فى اكتوبر اسمع انها اتفحمت النهاردة
: تمام يا فندم
اغلق ادم الهاتف ثم توجه الى الى شركة وسام
دخل ادم
وسام: عايز ايه
ادم ببرود: هدى اعصابك بس علشان اللى جاى مش حلو
بعدين يا راجل مش تباركلى على الصفقة على العموم مش مهم، صحيح سلامى هيوصلك كمان شوية علشان مش مدام ادم الشافعى اللى حيوان زيك يفكر يأذيها
غادر ادم وعقب مغادرته وصل الى وسام ايميلات من عدة شركات خارجية كان يتعامل معها يخبرونه فيها بالغاء التعاقد
صدم وسام وشعر بغضب كبير من ادم ولم يمر كثيرا حتى جاءه اتصال يخبرونه باحتراق مخازنه بما فيها من مواد
بينما ادم عاد الى المنزل ليجد رقية استيقظت وتحادث زوجة اخيها
عند رقية
رقية: والله ما بهزر كنت مخطوفة بجد
حنين: ومالك فخورة كدا انتى كويسة
رقية: الحمدلله عدت على خير،  متقوليش قدام حد عندك علشان هيقلقوا عليا
حنين: ماشى حاضر بس خدى بالك من نفسك
رقية: ماشى يا حنون سلام بقا ادم جه من برة
حنين: ماشي يا اختى سلام
اغلقت رقية الهاتف
رقية: ايه اللى ورا ضهرك دا
ادم: دا موبايل لام العيال
رقية بسعادة: بجد
ادم: وزى موبايلى اهو
اخذت رقية الهاتف من ادم وفتحته
رقية: حلو اوى شكرا يا دومى
ادم: العفو يا قلب دومى، صحيح لو حبيتى تسجلى المكالمات انا عامل خاصية كدا بيسجل المكالمات
رقية: بجد طاب والمساحة
ادم: ما انا بنقلهم على فلاشة
رقية: لا مش عايزاها معنديش حاجه مهمة
ادم: ماشى يا حبيبتى يلا ننام
رقية: ماشى
بعد قليل نام ادم بينما رقية تفكر فى امر ما
رقية: الفلاشة دى اكيد عليها مكالمته مع اسد لازم الاقيها وبسرعة لازم اثبت براءتك يا ادم
ثم غرقت فى النوم هى الاخرى
•••••••••••••
ستوووب كدا خلص الفصل التاسع من #حكايتى
رايكم فى الرواية لحد الآن؟ 🙃
الناس اللى بتتفاعل 🤗♥♥♥