اشرقت شمس يوم جديد ملئ بالمفاجآت
عند رقية وادم
ادم: انا مش فاهم انتى ليه مصرة تروحي التجمع دا
رقية: مش حكاية مصرة بس حاسة بملل من القعدة وحابة اشوف العيلة واقعد معاهم
ادم: ماشى يا رقية هصلى الضهر واجى اخدك ونروح
رقية: اوكى
مر الوقت واصطحب ادم رقية وطفليه وتوجهوا الى ڤيلا ثريا الشافعي
ثريا: ايه الاخبار
رقية: كله تمام
دق الباب وتوجهت الخادمة وقامت بفتحه لتجد الشرطة امامها
يزن: خير عايزين مين
الضابط: ثريا الشافعي
رافت: ليه خير
الضابط: مطلب القبض عليها ومش هقدر اقول الاسباب
ادم: يعنى ايه الكلام دا
الضابط: انا اسف فى النيابة هتعرفوا كل حاجه
يزن: انا الرائد يزن الشافعي وبأمرك تقول الاسباب
: انا هقولك يا حضرة الرائد
يزن:حضرة اللواء!!
اللواء: ايوا اتفضلوا اقعدوا وانا هفهمكم كل حاجه
نظر اللواء الى احد ما ووجده يبتسم بخفة
اللواء: المدام مطلوب القبض عليها فى قضية امن عام وتجارة اعضاء
مازن: لا يمكن عمتى متعملش كدا
اللواء: اهدى لو سمحت وسيبنى اكمل كلامى
من حوالى 3 سنين توصلنا ان فى خطف اطفال كتير بيتم وبعد مجهود كبير اتضح ان الاطفال دى بتسافر فلسطين او بالادق اسرائيل ودا اللى خلانا زرعنا ناس هناك واتضح ان فى طيار اسرائيلى اسمه اسد فى البداية كان مجهول الهوية بس عرفنا انه اسد الجندى ابن جوز مدام ثريا الطيار دا فى الحقيقه مصرى لكنه باع بلده واشتغل لصالح اليهود هو اللى بيتمم العمليات دى وغيرها من مخدرات ودعارة
بس طبعا بالتعاون مع حد من مصر
مهندسينا قدروا يخترقوا تليفونه ووصلوا للمكالمات اللى كان بيعملها وكان فى رقم واحد مصرى بيتصل بيه وبعد بحث وصلنا ان دا رقم بشمهندس ادم ايوا رقم ادم الشافعى
الجميع ينظر بصدمة كبيرة عدا شخص واحد جميعنا نعلم من هو الا وهى رقية
اللواء بتكملة: بدانا بمراقبة ادم وبعد وقت كبير وصلنا ان ادم كلم اسد بس مرة واحدة بس وفعلا اسد عرض عليه يشتغل معاه لكن ادم رفض المشكلة ان المكالمات استمرت وفى اوقات كان ادم تحت المراقبة ف اكيد فى حد عايز يورط ادم وبالفعل من يومين بس مدام ثريا كلمت اسد واتفقت معاه على العملية الجديدة وكل المكالمات اللى بتظهر باسم ادم هى اللى بتعملها لانها مسجلة الخط باسم ادم الشافعى
الجميع مصدوم كيف حدث ذلك
اول من خرج من الصدمة كان قاسم اخو ثريا الاصغر منها فورا
قاسم: انتى عملتى كدا فعلا
لا رد
قاسم: ردى ساكتة ليه
ثريا: ايوا عملت كده
صفعها قاسم بشدة
قاسم: ازاى ولييييه ليه تعملى كده دا انتى قدوتنا كلنا
رافت: ابنى عملك ايه يا ثريا وليه توصلى لكدا
ماهر: حرام عليكى ازاى تعملى كدا انا مش مصدق
ثريا بغل: اه عملت ولو رجع بيا الزمن هعمل وهعمل انا اتخنت وجوزى اتجوز عليا انا ثريا الشافعي وحتى معرفتش انتقم منه ومات وابنه كان كويس بس على مين خليته دخل السكة دى ولوثته بدل ما كان انسان كويس خليته اوحش واحد فى الدنيا حتى لو اضطريت ابقى مجرمة بس كله يهون انا اصلا مش ملاك وابنك يا رافت الوحيد اللي كان عارف بحقيقتى وانكم مخدوعين فيا اه انا وحشة وبحب نفسى بس وبكرهكم كلكم علشان كدا ورطته هو والمفروض هو اللى يتعاقب مش انا بس انا هرجع وهوريك يا ادم ثريا هترجعع
جذبها الضابط وغادر بينما العائلة انهارت كيف ذلك
ثريا!!
القلب النابض للعائلة الام الروحية لهم كيف كيف ذلك
غادر ادم المكان لتسرع رقية خلفه فى قلق بينما اميرة تقف بلا حراك ولم تنطق ببنت شفه والجميع جالس يشعر بصدمة كبيرة
اسرعت رقية لتجد ادم يجلس فى مكتبه وحيدا
رقية: ادم
لا رد
رقية: رد عليا علشان خاطري
ادم: ليه عملت كده يا رقية انا كنت بحبها دى كانت فى مقام امى مهما عملت كنت بعدى وكنت بحب اتكلم معاها، الوحيدة اللى كانت بتهزر معايا، كانت قلب العيلة كبير وصغير بيحترمها، ليه عملت فينا كدا، طب وحازم اول ما يرجع من السفر هقوله ايه وملك اول ما تسالنى فين عمتو اقولها ايه ليه ليه يا رقية
رقية: متعملش فى نفسك كدا علشان خاطري
ادم ببكاء: كانت بتكرهنى شوفتى قالتلى ايه انا كنت بحبها امى طلعت كارهانى يا رقية ليه عملت فيا كده ليه
رقية ببكاء: متزعلش يا حبيبى هى خسرت بس ربنا يسامحها وتتوب عن اللى عملته ادعيلها يا ادم ادعيلها
ادم: يارب ربنا يسامحها ويهديها عن اللى بتعمله ويصبرنا كلنا على الصدمة دى
رقية: اطلع خد شاور ونام كفاية تعب اعصاب علشان خاطري انا والولاد وعلشان نفسك متزعلنيش يا ادم وانا هروح اطمن على اميرة والعيلة
ادم: ماشي
خرجت رقية وصعد ادم واستحم ثم استلقى على السرير ولكن لم تغمض عيناه وظل يفكر بما حدث
عند رقية
رقية: اميرة حبيبتي اتكلمى عيطى اعملى اى حاجه بس متسكتيش كدا متقلقيناش عليكى
اميرة بتوهان: مجرمة ماما مجرمة ازاى
ندى بدموع: كلنا مصدومين ازاى عمتو ازااى
مازن: وليه تحاول تعمل كده فى ادم
غادة: كلنا كنا بنحبها ليه غدرت بينا كدا
يزن: ربنا يسامحك يا عمتى بس الاكيد محدش فينا هيسامحك على ارواح الناس اللى ضيعتيها
قاسم بجمود: خلاص الموضوع دا يتنسى وهى مرمية فى السجن حياتنا مش هتقف وممنوع سيرتها تتجاب هنا تانى وحازم وملك اول ما يرجعوا هنتكلم معاهم ونفهمهم انتهينا وخلص الكلام
ثم غادر وتبعه مغادرة الجميع واحد خلف الآخر تبقى الفتيات فقط يحاولون تهدئة اميرة فكيف تتقبل الامر كيف تتقبل ان والدتها ليست سوا تاجرة بارواح البشر
رقية: ندى روحى استريحي علشان الحمل
ندى: حاضر
غادة:مش هقولك انسى يا اميرة لان دى والدتك ومش هتقدرى تنسى بس اتخطى متوقفيش حياتك جوزك وابنك محتاجينلك وكلنا معاكى
رقية:غادة معاها حق الحياة مش هتقف اه هتحسى بوجع عليها وعلى اللى حصل وعارفة انك مصدومة بس اتخطى وارجعى اميرة اللى كلنا نعرفها
اميرة: هحاول بس مش قادرة اصدق ازاى امى اللى ولدتنى ورضعتنى وربتنى تعمل فيا كده هونت عليها
هونت عليها ابنى ييجى يسألنى عنها معرفش ارد هقوله ايه اقوله تيته راحت السجن علشان هى مجرمة وبتقتل الناس الابرياء اقوله اييه
وظلت تبكى كثيرا وبجانبها رقية وغادة يحاولان تهدئتها
أنت تقرأ
حكايتى
Mystery / Thrillerبعد ان فقدت الامل فى الحياة وظنت انها قد ولدت ليكون العذاب رفيقها اما هو بعالمه لا يوجد مكان سوا للبرود والجفاف ماذا سيحدث اذا التقت تلك البائسة ب ذلك الوحش!؟؟ #حكايتى
