حكايتى

الفصل السابع

عاد ادم ورقية من رحلتهما وفى اليوم التالى جاء اهل رقية لزيارتها
استيقظ ادم وهبط للاسفل ليجد رقية تعد الطعام
ادم: صباح الورد يا وردتى
رقية: صباح الخير يا حبيبى
ادم: بتعملى ايه بقا علشان شامم روائح لذيذة
رقية: هدوقك اكلى النهاردة عاملة  مكرونة بشاميل (ببشاميل ها 😉) وطواجن لحمة وفراخ وملوخية
ادم: ايوا بقا الجمدان دا، عايزة اى مساعدة
رقية: لا يا روحي انت افطر بس واجهز علشان تجيب اهلى من المحطة
ادم: ماشى
ذهب آدم ليأتى بأهل رقية واستقبلتهم رقية بسعادة
رقية: حمدالله على السلامة وحشتينى اوى يا ماما
فاطمه: الله يسلمك عاملة ايه يا روكا
رقية: الحمدلله بخير
حنين: اخبار الاجازة بقا
رقية: فل الفل يا حنون
معتز: ربنا يسعدك يا روكا
ابتسمت له رقية بحب
محمود: هتنزلى جامعتك امتى
رقية: المفروض اسبوعين بس قدموها وخلوها اسبوع واحد
محمود: ربنا يوفقك يا بنتى
فارس:عمتو مش هتكمليلنا الدروس
انفجرت حنين فى الضحك على نظرة رقية
ادم باستغراب:دروس ايه يا رقية
رقية: تحفيظ القرآن يا حبيبى
فارس: لا والتانية الرقص يا عمو
رقية بنظرة قاربت على البكاء: اخرس دا انا هربيك على الفضايح دى
فاطمة بضحك على ابنتها: اصل رقية عندها زى ما تقول انفصام تعلمهم الرقص بعد كدا تسمعلهم قرآن
رقية: انا هقوم احط الاكل ثم جرت بسرعة من امامهم
ضحك ادم عليها بشدة
تبادل الجميع اطراف الحديث حتى وضعت رقية الطعام
رقية: يلا يا جماعة نتغدا
جلس الجميع على طاولة الطعام
حنين: اوعا بقا يا روكا الجمدان دا
رقية: طول عمرى يا حبيبتى
حنين: اوعديني انك تستحمى (منورة يا ياسمين 😉) 
رقية: بعدك يا روحي
فاطمة: قط وفار لسه زى ما انتوا معقلتوش
محمود: تسلم ايدك يا رقية
رقية: الله يسلمك يا بابا
انتهى الجميع من الطعام وارشدتهم رقية الى غرفهم ليرتاحوا قليلا
ادم: انا سمعت كتير عن موضوع الرقص دا ايه طيب
رقية: ايه
ادم: عايز اشوف المواهب
رقية: لا اقولك ايه انا محترمه اوى
ادم: دا انا حتى فى مقام جوزك
رقية: ابقى اشوف الموضوع دا واستشير ليلى
ادم: لا اقولك ايه مش هتبدأى كل حاجه استشير البيست فريند والخنقة دى
رقية: ادم حبيبي
ادم: ايه يا روحي
رقية: انا اعرف ليلى من اكتر من ١٢ سنة واعرفك انت من سنة ف انت تحمد ربنا ان انا معملتلهاش اوضة هنا وبعتك عند ديجة
نظر لها ادم بغيظ وخرج من الغرفة
رقية بضحك: استنى بس دا انت حبييييبى
مر اليوم وغادر اهل رقية فى اليوم التالى
رقية: ادم هو ايه حكاية التجمع دا علشان ملك قالتلى ومفهمتش حاجه
ادم: دا عادة من عادات ثريا الشافعى كل يوم جمعة نتجمع هناك ونتغدى سوا وبعد كده نقعد مع بعض واى حد عنده مشكله يقولها والباقى يدى اقتراحات وخلال الاسبوع لو حصل اى حاجه يقولك النهاردة تجمع
رقية: طب ما حلو دا
ادم: بس انا مش بحب كدا ولا بحب تجمعات ولا بحضرها بالنسبالي كل واحد حر يحل مشاكله مع نفسه ليه الكل يدخل فى حياتى
رقية: بس دى اسمها روح العيلة ان كلكم تكونوا سوا
ادم: رقية الموضوع منتهى وتجمعات ثريا انا مش هحضرها
رقية: انت ليه بتقولها ثريا مش بتقول عمتى وليه النفور دا من نحيتها
ادم: موضوع طويل خلاصته ان انا وهى مش بنقبل بعض
رقية: بس دى عمتك وميصحش تعاملها كدا
ادم: رقية بلاش اطلع عصبيتى عليكى قومى شوفيلك حاجه اعمليها واقفلى الموضوع دا
رقية: مش هيبقى نهاية كل نقاش عصبية حاول تهدى وتفهم وجهة نظرى
ادم: طيب عايزة تروحي التجمع روحي
رقية: من غيرك؟
ادم: استغفر الله حاضر يا رقية حاضر هغور معاكى اول ما اشوف آخرتك
رقية: هقوم ألبس الاسدال علشان نروح
ادم: طيب
ارتدت رقية اسدالها وذهبت هى وادم
فتحت لهم الخادمة ودلفا
ثريا: اوووه الواضح ان رقية مؤثرة ولا ايه يا آدم
ادم: اه طبعا مراتى وبحبها وبنفذلها كل طلاباتها حتى لو كان انى آجى واقعد فى تجمعاتك دى تخيلى
ثريا: وماله بكرة تتعود،  الاكل جهز تعالوا يلا الغدا
نهض الجميع وجلسوا لتناول الطعام
اميرة بخفوت: يا بنت اللعيبة عملتيها ازاى دى ادم وماما لا مش معقول
رقية: هم قاتلين من بعض دى عمته
ملك: ادم وعمتو العلاقة بينهم مش لطيفة خااالص
ندى: الله عليكى يا ترعة المفهومية ما هى اكيد خدت بالها
ثريا: كفاية وشوشة وكلوا وانتوا ساكتين
ادم بسخرية: اه احسن تتعاقبوا وتقفوا ترفعوا ايديكم
ثريا: لا والله
لم يرد عليها ادم
انتهى الجميع من تناول الطعام وجلسوا معا
ثريا: ايه الاخبار نبدا ب مازن وندى
مازن: مفيش مشاكل يا عمتى
ندى: لا فيه، فى ان انا زهقت وتعبت من كتر ما بقولك طلقنى واتجوز
ثريا: تانى مشكلة الخلفة
ندى: تانى وتالت انا مش عايزة اظلمه
مازن بغضب: دى مبقتش عيشة قولتلك انسى الموضوع دا
ثريا: اهدوا ندى اقفلى الموضوع دا وانتى ملكيش دعوة انتى قولتيله وهو رفض الجواز يبقى خلاص بعدين انتوا ملكوش 5 سنين وفى امل بإذن الله
ندى: ماشى يا عمتى
ثريا: يزن وغادة
يزن وغادة فى صوت واحد: مفيش مشاكل الحمدلله
ثريا:محمد واميرة
محمد: مفيش وكذلك اردفت اميرة
ثريا بخبث: ادم ورقية
تجاهلها ادم بينما ردت رقية
رقية: مفيش مشاكل يا طنط
ثريا: وانت يا ادم
ادم: ربنا ما يجيب مشاكل يا ثريا هانم
ثريا: يارب يا روح ثريا
حازم: انا هروح اجيب تارا
ادم: رقية انا خارج رايح النادى خليكي انتى قاعدة مع البنات بدل ما تقعدى فى البيت لوحدك
رقية: حاضر
غادر ادم واتى حازم ومعه تارا
تارا: هاى يا جماعة
اميرة: اهلا يا اختى
تارا: اوه رقية خلصتى شهر العسل بسرعة دا انا هخلى زومى يطلعنى شهرين مش شهر واحد
رقية: معلش اصل انتوا ناس فاضية بقا انا عندى جامعة وادم عنده شغل
تارا: اممم براحتك ثم وجهت نظرها لملك
تارا: عاملة ايه يا لوكا
ملك: الحمدلله
تارا: متخطبتيش ولا اى حاجه دا
ملك: لا يا روحي اتخطب ازاى من غير ما اعزمك ميصحش علشان تشوفى الرجالة اللى على حق مش اشباه الرجالة اصلهم بقوا منتشرين
تارا: قصدك ايه يا بت انتى
رقية: قصدها تخليكى فى حالك ومتتدخليش فى اللى ميخصكيش
تارا: دا فضول مش اكتر اوعى تزعلى يا ملوكة
ملك: ازعل منك انتى لا انتى اقل من انى اعملك حساب
حازم: ملك الزمى حدودك
ملك: لا يا حازم فوق لنفسك لا انت ولا غيرك اللى يعلى صوته عليا جوا بيتى دا انا ملك الشافعى يعنى تلم زبالتك وتعرفها كويس مين ملك الشافعي لانى لو عديت المرة دى بمزاجى مش ضامنة المرة الجاية ثم خرجت وتركتهم
اميرة: اشكال عرة صحيح ثم غادرت
عادت ثريا من الداخل حيث ذهبت لتتحدث فى الهاتف
ثريا: فى ايه وفين ملك واميرة
غادة: اتخنقوا شوية ومشيوا واحنا كمان هنمشى
ثريا: ماشى
غادر الجميع وخرجت تارا تنتظر حازم ان يأتى بالسيارة حتى يوصلها الى منزلها
رقية من خلفها: بصى يا حلوة دى آخر مرة تتجاوزى حدودك مع ملك سامعة لانك متعرفنيش وبلاش اعرفك مين رقية تمام
: هتعملى ايه يا رقية
رقية: خليك انت فى حالك بس يا حازم واحب اقولك انك هتندم ندم شديد
غادر حازم وتارا
تارا ببكاء مصطنع: انا مكنش قصدى حاجه يا حبيبى انا بس حابة اتقرب منهم
حازم:خلاص يا تارا متعيطيش وانتى ملكيش دعوة ب ملك ولا رقية
تارا: حاضر يا روحي ثم اردفت بهمس: ولسه يا ملك هتشوفى رقية دى مكنتش فى حساباتى بس هى معاكى ف تستحمل
فى المساء وبعد نوم الجميع
خرجت رقية بحذر لتقابل احد ما
رقية: دا جهاز تعقب تحطيه لحازم فاهمة
: تمام
رقية: هاتى المفتاح
اخذت رقية المفتاح لتتجه الى ڤيلا ثريا والتى تقيم بها ثريا برفقة حازم ابنها
وصلت رقية الى مكتب حازم لتبدا بالتفتيش ولكنها لم تجد شئ لتصعد الى جناح ثريا دخلت رقية بخفة وجدت ثريا نائمة وسريعا قامت بالامساك بهاتفها وبمهارة استطاعت فتحه لتضع جهاز تنصت على مكالمات ثريا وعندما شعرت بقرب استيقاظها بسبب الحركة فى الغرفة خرجت سريعا
تم ذلك بمساعدة الخادمة الموجودة بمنزل ثريا
وصلت رقية الى المنزل وفتحت الباب ودخلت ثم امسكت هاتفها واجرت مكالمة
رقية: حازم برة الدايرة انا متاكدة كدا اتبقى آدم وثريا
المجهول: تمام
اغلقت الهاتف ثم صعدت واستلقت جوار ادم الذى لم يشعر بها حيث انها وضعت له منوم حتى تستطيع الخروج
فى الصباح
استيقظت رقية وبدات فى اعداد الفطور وهبط ادم وهو يرتدى ملابس رسمية وجلس لتناول الطعام
ادم: انا نازل الشركة النهارده عايزة حاجة يا حبيبتى
رقية: لا يا روحي
خرج ادم وبعد خروجه توجهت رقية الى مكتبه وبدات بالتفتيش
رقية: انا تعبت متبقاش غير الدرج دا
فتحته رقية لتجد عدة صور
رقية: كدا لازم استنى ادم ييجى واساله من باب الفضول يعنى
وبعد مرور عدة ساعات جاء ادم
رقية: حمدالله على السلامة يا روحي
ادم: الله يسلمك حبيبتي
رقية: يلا نتغدى بقا
تناولا الطعام ثم جلسا معا
ادم: عملتى ايه فى غيابى بقا
رقية: دخلت ارتب المكتب بتاعك وحبيت اتفرج عليه ولقيت صور كتيرر ليك
ادم: ايه رايك قمر مش كدا
رقية: طبعا بس فى حد كان فى صورة كدا معرفتوش
ادم: ورينى كدا
رقية: الصورة دى
ادم وقد ظهر الضيق على ملامحه: دا أسد
رقية: اسد مين.
ادم: حكاية طويلة
رقية: احب اسمعها جدا وانا فاضية كدا مش ورايا حاجه ثم بخفة ظغطت على ذر ما
ادم: ماشى بصى يا ستى دا أسد اخو حازم
رقية بصدمة مصطنعة: ازاى دا طنط ثريا قالت ان حازم معندوش اخوات
ادم: القصة وما فيها ان ابو حازم كان متجوز فى السر وخلف اسد ومحدش يعرف الموضوع بس عمتى ثريا عرفت وبعدها بوقت بسيط جوزها مات ف هى جابت اسد يعيش معانا وبقينا انا وهو وحازم قريبين اوى من بعض وكان صاحبى واقرب واحد ليا
رقية بخبث: وراح فين دلوقتي
ادم: من حوالى 3 سنين اسد كان عنده رحلة لانه كان طيار وخرج فعلا بس بعدها اختفى مدة طويلة واحنا قلقنا عليه جدا قلبت عليه الدنيا بس ملقيتهوش عدت سنة كاملة وفى يوم لقيته بيكلمنى وبيقولى على حاجه خليتنى انسى اسد من حياتى تخيلى يا رقية صاحب عمرى بقا شغال لصالح اليهود اسد اشتغل فى الطيران الإسرائيلي يا رقية
بدات دموع ادم بالهبوط على رفيقه الذى خذله
رقية: اكيد فى حاجه غلط ممكن يكون مخطوف او حاجه
ادم: لا مش مخطوف لانه عرض عليا اشتغل معاه وابقى جاسوس ليهم فى مصر بس انا رفضت ومن بعدها حرقت كل حاجه بتفكرنى بيه الصورة دى انا مخدتش بالى منها اكيد
رقية: خلاص يا روحي هو راح لحاله واتنسى متفتكرهوش تانى
ادم: ماشى انا هخرج شوية
رقية: ماشى يا حبيبى
خرج ادم بينما رقية امسكت بهاتفها واجرت مكالمة سريعا بعد ان ارسلت ما سجلته
المجهول: ما تفوقى يا رقية فى ايه واحنا من امتى بنصدق الكلام دا انت تعرفى منين ما يمكن  بيكدب عليكى ما هو اكيد مش هيقولك انا جاسوس
رقية: يا فندم ما هو حكى الموضوع كله اهو بعدين انا متاكدة انه برئ
المجهول: انتى حبيتيه علشان كدا بتحاولى تطلعيه برئ بس انا الكلام دا مينفعنيش انا محتاج دليل قدامى فاهمة
رقية: اه حبيته وفى اقرب وقت هثبتلك براءته
اغلقت رقية الهاتف وشردت فى كل ما تمر به
••••••
فصل النهارده قصير شوية بس عدوهالى ماشى
متخدوش بالكم باللى فى الاقواس تمام 😂
كدا خلصنا الفصل السابع من#حكايتي
توقعاتكم واراؤكم تهمنى ♥
#حكايتي ل ايمان حسن