حكايتى

الفصل العاشر

جاء اليوم التالى وغادر ادم الى عمله بينما رقية كان يوم اجازتها الاسبوعية
استيقظت رقية ووجدت ادم قد حضر لها الافطار وغادر الى عمله
رقية: يوم جديد انا لازم استغل ان ادم برة بس انا مش عارفه فين الفلاشة دى
بدات رقية بالبحث
رقية: الخزنة بتاعته هو كان قالى الباسوورد الحمدلله فتحت
بحثت رقية داخل الخزنة حتى وجدت فلاشة ما
رقية: يارب تكون هى دى ادى اللاب توب ونشغلها بقا
شغلت رقية الفلاشة وبالفعل كان بها تسجيل مكالمات ادم
رقية بسعادة: الحمدلله كدا اقدر اثبت براءة ادم خلاص
اجرت رقية اتصال
المجهول: ايه الاخبار الجديدة
رقية: فى تسجيل لازم اسلمه لحضرتك
المجهول: وفى مصيبة حصلت يا دكتورة
رقية: حصل ايه
المجهول: لازم نتقابل النهاردة
رقية: تمام هحدد معاد وابعتلك
اغلقت رقية الهاتف ثم تناولت افطارها وادويتها
ثم اتصلت بآدم
رقية: صباح الخير
ادم: صباح النور، ايه الاخبار فطرتى وخدتى ادويتك؟
رقية: ايوا بس انا عايزة اخرج
ادم: فين
رقية: عايزة اروح المول حاسة اني محتاجه اشم هواء بعد اللى حصل امبارح
ادم: اخلص شغل واخرجك
رقية: لا انا حابة اخرج لوحدي
ادم: لا يا رقية ممكن حد يأذيك لوحدك ازاى
رقية: علشان خاطري يا ادم انا حاسه اني مخنوقه اوى
ادم: طب هبعت معاكى حراسة
رقية: ماشى، انا ساعة واكون جهزت
اغلق ادم الهاتف وارسل مجموعة من الحراس وسائق الى رقية
بينما رقية ارتدت ملابسها واخذت الفلاشة معها وبالطبع لم تنسى ان ترسل رسالة الى المجهول تخبره بانها ستلقاه
صعدت رقية السيارة وطلبت من السائق ان يوصلها الى احد المولات الكبيرة
وصلت رقية ودخلت الى المول والحرس معها
رقية: هعمل ايه طيب
ثم ضغطت على زر ما
رقية: فى محل هدوم كبير اسمه.... هتلاقينى هناك وحاول متلفتش نظر علشان الحرس
دخلت رقية الى ذلك المحل بينما الحراس وقفوا فى الخارج
رقية بخفوت: الفلاشة دى عليها تسجيل مكالمة بين ادم واسد فيها عرض اسد على ادم انه يشتغل معاه بس هو رفض اعتقد كدا ادم برئ
المجهول: ابن الشافعى مش غبى النهارده كان فيه اتصال بينه وبين اسد وحصلت عملية بينهم
رقية بصدمة: اييه لا يمكن
المجهول: فى حلقة مفقودة احنا مش عارفين نوصلها
رقية: هحاول اعمل كل اللى فى مقدرتى
غادرت رقية سريعا وعادت الى المنزل
رقية بتفكير: ادم برئ طب ازاى كلم اسد النهارده وازاى تمم عملية انا احترت بس لحظة ممكن..............
اتجهت رقية الى غرفتها وقامت بعمل شئ ما
رقية: مفيش جديد برضو انا تعبت واحترت
فى الجامعة
ملك: خير ايه اللي جايبك هنا
حازم: انا حابب اعتذرلك يا ملك على اللى عملته معاكى ونبدأ صفحة جديدة سوا انا مش هتعرضلك تانى بس مش حابب يبقى فى بينا عداوة
ملك: تمام ياحازم بس دا مش علشانك دا علشان للاسف احنا عيلة واحده
ثم غادرت من امامه

مرت الايام سريعا ولم تتغير الاحوال كثيرا
رقية قاربت على الانتهاء من عامها الدراسى وقد وصلت الى شهرها الاخير من الحمل وادم معها لا يفارقها
بينما ليلى ف اخيرا تزوجت من حبيبها طارق وسكنا فى احدى الشقق فى القاهرة
وملك تهتم لدراستها وتتجاهل حازم كليا الذى اضحى محاولا ان يجعلها تسامحه
وباقى العائلة كما هم لم يتغير شئ
فى ڤيلا ادم
رقية: انا تعبت من المذاكرة دى ومن الحمل ومن كل حاجه
اميرة: معلش يا حبيبتي هانت
غادة: خلاص يا روكا كام يوم وهتخلصى امتحاناتك وبعدين تولدى
ملك: وهيبقى خلاص خلصتى الكلية ما السنة الجاية عملى
ندى: هانت يا روكا وتجيبيبنا النونو
اميرة: ايوا انا عندى فضول اعرف ولد ولا بنت
رقية: مفاجأة
ملك: اول مره اشوف واحدة رافضة تعرف نوع الجنين لحد ما تولد
ندى بضحك: لا واشترت لبس لولد ولبس لبنت
غادة: ومفيش حفلة تحديد نوع البيبى
رقية: خلصتوا انا كدا مميزة يلا بقا طيروا انتوا جوزى جاى اقوم انكد عليه
غادة: ادم صعبان عليا اوى مش عارفه استحمل دا كله ازاى
رقية: هو وابنه او بنته السبب
ملك: وماله يا اختى يلا سلام
غادرن الفتيات وجاء ادم من العمل
ادم: ايه الاخبار
رقية: زفتت بكرة عندى مادة صعبة
ادم: خلاص هانت اسبوع وتخلصى
رقية بدموع: انا اسفة يا ادم انا تعبتك معايا المدة دى كلها
ضمها ادم اليه
ادم: حبيبة قلبي تعمل اللي عايزاه بعدين مين قالك انى تعبان كفاية انك معايا انتى وابننا او بنتنا انتى الوردة اللى لونت حياتى وحولتها انا قبلك مكنتش عايش
رقية: تعرف يا ادم انا وانا صغيرة كنت بحب نفسي اوى وكنت لنفسى كل حاجه افرح وازعل مع نفسى كنت متاكدة انى مش هحب حد ومش هتجوز لان محدش هيحبنى قد حبى لنفسى بس انت غيرت كل حاجه وخليتنى احبك حتى اكتر من نفسى انا بحبك اوى يا ادم
ادم: ربنا يباركلى فيكى انتى واللى فى بطنك يا وردتى
، يلا بقا ننام علشان بكرة تمتحنى وانتى فايقة
رقية: متفكرنييش
ادم بضحك: مش هتنازل عن امتياز عايزة ابوكى يقولى فشلت بنتى بعد ما كانت الاولى على دفعتها
رقية: انتى بس ادعيلى انجح دى سنة مش عايزة تخلص
مر الاسبوع وانتهت رقية من امتحاناتها اخيرا
فى الجامعه
ليلى: اخيرا خلصنا
رقية: وانتى فى غير المذاكره لكن انا بالكورة دى كنت بموت
ليلى: فكرتينى صح هتبيضى امتى
رقية: بطلى استفزاز
ليلى: اصلك شبه البطه يا بطه انتى
رقية:ايوا اضحكى عليا اضحكى على العموم معرفش يا اختى الدكتورة رايحالها النهارده
ليلى: اروح معاكى
رقية: لا
ليلى: بالله عليكي يا رقية خدينى
رقية: اووف ماشى تعالى
ليلى: استنى استاذن طارق
رقية: يكش نخلص
استاذنت ليلى من زوجها وتوجهت برفقة رقية الى الطبيبة ومعهما ادم
الدكتورة: الحمدلله كله تمام يا رقية ابداى اجهزى الاسبوع الجاي الولادة
ادم: تمام شكرا يا دكتورة
غادرت رقية برفقة ادم الى المنزل بينما ليلى عادت الى منزلها
عند ادم ورقية
رقية: انا خايفة اوى من الولادة
ادم: انا هبقى معاكى ومامتك والعيلة كلها وان شاء الله هتعدى وتجيبيلنا بيبى قمر زيك كدا
رقية: ان شاء الله يا ادم، انا هطلع انام
ادم: ماشى وانا خارج شوية
غادر ادم ليجد الشباب مجتمعين فى احد الكافيهات
محمد: ليك زمن مخرجتش معانا
يزن: مشاكل الحمل اكيد
ادم: بالضبط رقية تعبانة اوى وانا تعبت مش متعود اصبر على حد كدا
حازم: متتكلمش عن الصبر انت مشوفتش عمايل اختك فيا
مازن: وانت مالك باخته يا محترم
حازم: يا عم اعتذرتلها الف مرة وهى مسكالى فى كلمة انت زى اخويا
ادم: تستاهل انا مش راضى اكلمها علشان انت تستاهل مين قالك انى هخليها توافق عليك
يزن: يا عينى صعبت عليا
محمد: متزعلش ياد يا حازم انا هكلمهالك
حازم: اللى لياا دا حبيبى يا ابو تميم والله
محمد مستكملا: اقولها ترفضك تانى
حازم: بخربيت الوطيان يا جدع
مازن:تستاهل
رن هاتف ادم
ادم: الو يا رقية
رقية بصراخ: الحقنى يا ادم بولد
ادم: جاى اهو اهدى
الشباب: فى ايه
ادم: رقية بتولد
اسرع الجميع واتصل ادم بوالدته وطلب منها ان تذهب الى رقية
وصل ادم وحمل رقية وقاد حازم السيارة الى المستشفى بينما محمد اتصل بالطبيبة وطلب منها ان تجهز غرفة لولادة رقية
رقية ببكاء شديد: انا خايفه يا ادم ااااااه
ادم: متقلقيش انا معاكى متخافيش
استمرت رقية بالبكاء والصراخ حتى وصلت الى المستشفى وضعها ادم على السرير ودخلت رقية الى غرفة العمليات وانتظرها ادم فى الخارج بقلق كبير وبجانبه حازم ومحمد
جاء كل من مازن ويزن وخديجة والدة ادم ورافت والده وثريا وملك
ادم: يارب احفظها يارب
بينما يستمع لصوت رقية وهى تصرخ وهو يدعو لها
واتصلت ملك واخبرت ليلى التى جاءت مسرعة
ليلى: ايه الاخبار
ملك: لسه جوا ادعيلها
ليلى بدموع: يارب يارب
مرت ساعة وخرجت الطبيبة
الدكتورة: الف مبارك ربنا رزقكم بتوام ولد وبنت
وجاءت الممرضة واعطت الطفلين لآدم
ادم: ورقية
الدكتورة: الحمدلله هى كويسة هننقلها اوضة عادية وشوية وهتفوق
ادم: شكرا يا دكتورة
نظر ادم الى طفليه بحب كبير واخذ يكبر فى اذنيهما بصوت عذب ثم شاهد سرير رقية وهم ينقلونها الى الغرفة
ودخل خلفها بعد ان اعطى الطفلين للممرضة ليتم فحصهما فحص شامل
مر وقت قليل وبدات رقية فى استعادة وعيها
فتحت رقية عينيها وجدت ادم بجانبها وجواره ملك وخديجة ومن الجهة الأخرى صديقتها ليلى وبجانبها ثريا
رقية: ادم
ادم: حمدا لله على السلامة يا روحى
رقية: انا ولدت
ادم: ايوا
رقية: طب فين ابننا
دخلت الممرضة وهى تحمل الطفلين
ادم: ولد وبنت قمر زيك
رقية بدموع: بجد يعنى انا بقيت ام لطفلين
ليلى: حمدالله على السلامة يا روكا
رقية: الله يسلمك يا لولا
ملك: هتسميهم ايه بقا
نظرت رقية الى ادم ثم اردفت: سيليا ويونس
(الاسماء دى مقربة الى قلبى اتمنى ان انتوا تدعوا ان اصحاب الاسماء دى يكونوا صالحين وبارين بوالديهما)
ادم: اسماء حلوة خلاص سيليا ادم الشافعي ويونس ادم الشافعي
ثريا: حمدالله على السلامة يا دكتورة ربنا يباركلكم فيهم
رقية: الله يسلمك يا عمتو
خديجه: الف مبارك يا حبايبى ربنا يحفظهم ليكم يارب
رقية: الله يبارك فيكي يا ماما
دق الباب ودخلت الطبيبة
الدكتورة: كدا يا رقية بقا اقولك اسبوع الاقيكى جاية تولدى النهارده
رقية: مستعجلين بقا
الدكتورة: حمدالله على السلامة يا حبيبتى انتى هترتاحى شوية وكمان ساعتين هتتمشى وبعد كدا تروحي عادى بس اهم حاجه متتعرضيش لاى تعب ولا اى حاجه سخنة طبعا
رقية: متخافيش يا دكتورة انا عارفة الكلام دا كله انا تخصصى نسا وتوليد على فكرة
الدكتورة بضحك: خلاص هتنافسينى بقا
رقية: بجد شكرا على تعبك معايا طوال فترة الحمل
الدكتورة: الشكر لله حبيبتي
غادرت الطبيبة الغرفة
رقية: انا عايزة اكلم ماما
خديجه: احنا كلمنا اهلك وهم جايين فى الطريق
رقية بسعادة: تمام
ظلت رقية تتأمل طفليها بحب كبير وبجوارها ادم التقطت لهم ملك عدة صور بدون ان يشعروا حيث كان منظرهم جميل
ادم: النهارده جبتيلى احلى حاجه فى الدنيا انا مش عارف اقولك ايه غير انى بحبك وبحب سيليا ويونس علشان منك
رقية بدموع: وانا كمان بحبك وبحبهم اوى انا مش مصدقه ان بقا عندى طفلين صغيرين كدا ولادى انا وانت
ادم: شوفتى
رقية:امم هو فى حد برة
ادم: ايوا انا نسيت الشباب
رقية: طب اخرجلهم ميصحش كدا
ادم: تمام
خرج ادم واخبر الشباب ان رقية والاطفال بخيروطلب من الجميع المغادرة لم يتبقى سوا هو وملك وليلى
خديجه: طب خلينى اقعد معاكم
ادم: احنا كمان ساعه وهنكون عندك يا امى علشان متتعبيش
خديجه: ماشي يا ادم خلى بالك من رقية والاولاد
جاءت الممرضة بعد وقت قليل وساعدت رقية فى النهوض
رقية بألم: ااه
ليلى: بالراحة اسندى عليا
رقية: حاسة بألم يا ليلى
ليلى: اتمشى شويه بس وبعد كده هنروح 
سارت رقية قليلا وبجانبها ادم وليلى وملك ثم بعد ذلك ابدلت ملابسها واستعدت للخروج
اراد ادم ان يحمل رقية حتى الاسفل لكنها رفضت حتى لا تشعر بألم فاسندها حتى المصعد ثم توجه الجميع الى السيارة عائدين الى المنزل
وصلت رقية ودخلت الى اخد الغرف بالدور الارضى قد جهزتها لها خديجه ومعها اميرة وندى وغادة
اسندت ليلى صديقتها
ليلى: بس ريحى انتى كدا وكل ساعتين تقومى تتمشى شوية
رقية: تمام
دخلن الفتيات
اميرة: حمدالله على السلامة يا روحى
غادة: قلقتينا عليكى الف مبارك يا رقية
ندى: حمدالله على السلامة يا روكا
رقية: الله يسلمكم يا جماعة
ندى: سيليا ويونس عاملين ايه
رقية: كويسين الحمدلله شوفوهم اهم جنبى
الفتيات: ربنا يبارك فيهم
غادة: عملتلك شوية شوربة ايه تحفة
ندى: اشربى العصير الاول
اميرة: انا اشرفت عليهم
رقية: تسلمولى تعبتكم معايا
اميرة: بس يا بت تعب ايه انت اختنا
تناولت رقية القليل من الطعام ثم غادر الجميع لتخلد هى فى النوم وجوارها خديجه لرعاية الصغيرين ومعها ادم
حل الصباح وجاء اهل رقية
فاطمة: عامله ايه يا رقية والولاد
رقية: الحمدلله يا ماما
حنين: بقيتى ام اهو يارب تعقلى
رقية: ابعدوا البت دى عنى
معتز: بس يا حنين دا رقية العقل كله
محمود: حمدالله على السلامة يا حبيبة ابوكى
رقية: الله يسلمك يا بابا
فاطمه: بس ايه الاسامي الغريبة دى يا رقية طب يونس سهل انما البنت اسمها ايه
ادم بضحك: سيليا يا طنط بس هنقولها سيلا عادى واسهل
فاطمه: ايوا دا اسهل
ادم:اختيارات بنتك بقا
رقية: بقا كدا
فى المساء
ادم: ايه يا حبيبتى هتقدرى تخرجي تقعدى فى الصالون ولا لأ
رقية: ايوا خلاص مفيش حاجه
ادم: طب اجهزى علشان العيلة كلهم جايين يباركولنا
رقية: ماشى
ارتدت رقية عباءة باللون الزهرى وخمار باللون الابيض وابدلت ملابس طفليها
لم يمر وقت كثير حتى جاء الجميع خرجت رقية لاستقبالهم
الجميع: حمدالله على السلامة يا دكتورة والف مبارك ربنا يحفظهملكم يارب
ادم ورقية: الله يسلمكم يارب
حازم: بس خضيتينا والله
يزن: مرة واحده لقينا ادم بيجرى
مازن: منظره كان فظيع والله
ادم: ما انا بقول الو لقيت دى بتصرخ وانا مش فاهم حاجة
رقية: يعنى المفروض اعمل ايه يعنى
ملك: صح البت تموت يعنى
ادم: لا بعد الشر طبعا
محمد: ايه يا ولا الرومانسيه دى بس الحمدلله العيال حلوين لعمهم
ملك: لا طبعا هم حلوين لعمتهم
حازم: ايوا صح طبعا
ادم: اخرس يا محترم، ايه هتتخانقوا هم شبهى انا وامهم
اميرة: بس الحمدلله يا رقية ولدتى بعد ما خلصتى امتحانات بدل ما كنتى شيلتى مادة ولا حاجه
: ما يمكن تطلع شايلة
رقية: بس يا ليلى بعد الشر دا انا شاطرة
طارق زوج ليلى: السلام عليكم
رد الجميع السلام
طارق: حمدالله على السلامة يا دكتورة، الف مبارك ربنا يحفظهم
رقية: الله يسلمك
ادم: اتفضل يا طارق
ليلى: بس العيال حلوين لخالتهم
رقية: بسسس عيالى حلوين ليا اسكتى
ضحك الجميع
وانقضى اليوم ما بين الضحك والمرح ولكن هناك من يمتلئ قلبه بالحقد فى هذه العائلة السعيدة
••••••
ستوووب كدا خلصنا الفصل العاشر من #حكايتي
اعذروني على التأخير بس بجد مش بأيدى🥺
قولولى رايكم فى الكومنتات
وحبوا اسم سيليا ويونس علشانى ماشى 🥺
بحبكم ♥♥
#حكايتى ايمان حسن