حكايتى

الفصل الحادى عشر

مرت الايام وقد نجحت رقية فى عامها الدراسى لتنتقل الى العام الاخير من كلية الطب والذى يكون عمليا اى ممارسة المهنة عمليا وليس دراسة
ادم: حبيبي اللى نجح
رقية: الحمدلله
رن جرس المنزل
فتح ادم بينما رقية ذهبت الى الغرفه وارتدت اسدالها ثم خرجت لتجد حازم
حازم: شوفلى حل
ادم: وانا اعملك ايه دى نتيجة عمايلك
حازم: طب ساعدينى انتى يا رقية
رقية: اساعدك في ايه
حازم: اقنعى ملك تسامحنى وتوافق على الجواز
رقية بتردد: بس انت غلطت في حقها كتير
حازم بندم: بس انا والله اعتذرتلها وليا سنتين بعتذرلها
رقية: خلاص انا هحاول معاها
ادم: هوينا بقا
حازم: ماشي يا اخويا
غادر حازم
رقية: الحمدلله الولاد نايمين اكلم ملك بقا
لم تكمل رقية الجملة الا ووجدت صوت اطفالها يرتفع
دليلا على استيقاظهما
ادم: نايمين اه
رقية وهى تكاد تبكي: كدا كتير انا زهرة شبابى ضاعت
ادم: خلاص اتصلى بملك وانا هشوف الولاد
رقية: ماشي
هاتفت رقية ملك وطلبت منها المجئ وبعد قليل من الوقت جاءت ملك
ملك: ايه الاخبار حبايب عمتو عاملين ايه
رقية: مش بيناموا
ملك: معلش هم الاطفال كدا
رقية: طيب المهم
ملك: خيرا
رقية: حازم اتقدملك صح
ملك: اممم
رقية: رافضاه ليه ومتقوليش علشان اللى عمله معاكي قبل كدا لانك سامحتيه
ملك: ومين قالك انى سامحته
رقية: انتى عشرة سنين واللى اعرفه ان ملك مش بتسيب حد مضايقها من غير ما تكرهه فى حياته ف مادام انتى هادية كدا ومش بتعمليله مصايب يبقى تمام
ملك بضحك: طيب يا اختى اه سامحته بس مش معنى كدا انى اتجوزه
رقية: ليه
ملك: علشان هو باعنى قبل كده وممكن يكررها
رقية: بس حازم بيحبك اوى ويمكن اكتر ما انتى بتحبيه وهو عمل كدا علشان يغيظك ف معتقدش انه هيكررها
ملك: بس
رقية بمقاطعة: بصى مش هقولك غير حاجه واحده انتى بتحبى حازم وكلنا عارفين ف هتتجوزى غيره يبقى بتظلمى نفسك وبتظلمى الشخص اللي معاكى ف بلاش عناد ومتخافيش كرامتك رجعتلك كفاية ان ليه سنتين بيعتذرلك وفى النهاية براحتك يا ملك
ملك: ربنا ييسر لنا الخير
ادم: انا تعبت شوفى عيالك
رقية:دلوقتي بقوا عيالى ماششى
ملك: هاتيهم وحشونى
اتت رقية وهى تحمل طفليها
رقية: نونوس وسيلا حبايب مامى دول
ملك: حاسة يونس شبه ادم اوى وسيلا شبهى
رقية: لماذا نحن هنا سؤال صعب
ملك: بهزر هم اصلا شبهك انتى
رقية: الحمدلله قمرات لامهم يا اختى اى نعم تاعبينى بس عادى عادى
ملك: عايزة اخرج انا زهقت ما تيجى نخرج النهاردة
رقية: طب والولاد؟
ملك: وديهم لماما
ادم: روحي يا رقية فكى عن نفسك شويه انتى مخرجتيش من ساعة ما ولدتى بس متتاخروش اخركم الساعة 9
ملك: تمام
ذهبت ملك للاستعداد وكذلك استعدت رقية
اتت ملك
ملك: ها خلصتى
رقية: ايوا بس اودى الولاد لطنط
ادم: انا هوديهم
رقية: ماشي يا حبيبى
غادرت رقية وملك
ملك: نروح فين
رقية: احنا نروح المول نشترى حجات كتييرة وبعد كده نروح مطعم
ملك: اشطا يلا بينا
وصلا الى المول
ملك: كان فى محل هنا تحفة تعالى نشوف
رقية: اوكى يلا
مر وقت كبير ولم تشعر الفتاتان به حتى جاءت الساعة الحادية عشر
رقية: الموبايل فاصل شحن
ملك: وانا نسيت تليفونى فى البيت
رقية: خلاص يلا بينا
ملك: يلا
وفى منتصف الطريق تعطلت السيارة
ملك: اوفف مش وقتها خالص
رقية: فى ايه
ملك: العربية عطلت
رقية: هنعمل ايه طيب
ملك: فى ميكانيكى قريب من هنا هروح اجيبه يصلحها وانتى خليكي واقفة هنا
رقية: ماشى روحى
ذهبت ملك واتت ومعها الميكانيكي الذى بدا فى تفقد السيارة
رقية: هى هتاخد وقت قد ايه
الميكانيكي: ساعة يا فندم
رقية: تمام
جلسن الفتيات فى السيارة
رقية بقلق: انا حاسة ان احنا اتأخرنا اوى
ملك: ربنا يستر انا برضو حاسة كدا
وبعد مرور ساعة عملت السيارة
رقية: هى الساعة كام معاك
الميكانيكي: الساعة 12 ونص
حاسبت ملك الرجل ورحل وانطلقت هى بالسيارة
رقية بخوف: انتى سمعتى قال ايه واخوكى قال آخرنا 9
هتطلق هتطلق
ملك: اهدى ان شاء الله يكون نايم او اى حاجه
عند ادم
ادم بقلق: يعنى ازاى معرفتش توصل لمكان الرقم
حازم: مغلق ومعرفناش نوصله
خديجه: اهدأ يا آدم
ادم: لا هى مش متعودة تتاخر ممكن يكون حصلهم حاجه
رأفت: يا ابنى اهدى دلوقتي ييجوا ونسألهم
ادم: لا لا انا هخرج اعمل اى حاجه
وضع ادم يده على مقبض الباب وفتحه ليجد رقية وملك امامه
ادم: ادخلوا
رقية: انااا اا
ادم: ادخلى
رقية بهمس لملك: هنموت
ملك: يا اختاااااى
ادم: ماما فين يونس وسيلا
خديجه بقلق من برود ادم: نايمين جوا
ادم: تمام
اتى ادم بالاطفال وامسك بيد رقية وخرج متوجها الى منزله
دخل ادم ووضع الاطفال فى سريرهم وهبط ليجد رقية مكانها تقف كما المذنبين
ادم: ها كنتى فين بقا
رقية: اصل انا ال هو الموبايل
ادم: اخلصى كنت فييين
رقية: احنا روحنا المول بس موبايلى فصل شحن ومحستش بالوقت لا انا ولا ملك
ادم: اه محستيش بالوقت ممكن افهم ازاى واحدة محترمة ترجع وحدها البيت الساعة واحدة بالليل
رقية: م اناا
ادم بمقاطعة: انتى تخرسييي
عند ملك
حازم: عن اذنك يا خالو الهانم رجعت خلاص
خديجه: انتوا ايه اللي اخركم
ملك: انا نسيت موبايلى ورقية تليفونها فصل واحنا جايين العربية عطلت وخدت وقت على ما اتصلحت
رافت: ازاى متحسيش بالوقت راجعين نص الليل
خديجه: رقية ادم ممكن يعمل فيها حاجه دا متعصب
رافت: واحنا هنعمل ايه طيب
خديجه: معرفش رن عليه كدا
عودة الى ادم ورقية
رقية: ادم انا مش قصدي اتأخر ف ياريت تتكلم باسلوب احسن من كدا
ادم: انتى تخرسى خالص ومفيش خروج تانى غير على جامعتك اطلعى نامى يلا
رقية بزعيق: متعليش صوتك عليا وانا اخرج براحتي
ادم: رقية حاولى تتجنبى عصبيتى علشان مبشوفش قدامي
رقية بعناد: وانا مش جارية ولا واحدة جايبها من الشارع تتحكم فى حياتى انا حررة وهخرج وارجع وقت ما انا عايزة
لم يشعر ادم بنفسه الا وهو يصفعها
امسك ادم بشعر رقية وجذبها منه
ادم بزعيق: الواضح ان الهانم نسيت نفسها لا فوقى كلامى يتسمع والا مش هيحصلك كويس ساامعة ثم القاها على الارض وخرج
بقت رقية مكانها تبكى بصدمة كيف ضربها ادم
خديجه: هو ادم خارج متعصب كدا ليه انا خايفة
ملك: وانا اكتر تعالى نخبط على رقية طيب
دقت ملك الجرس اكثر من مرة
جمعت رقية شتات نفسها وقامت وفتحت الباب
خديجه بصدمة: مالك يا رقية
رقية بدموع: مليش يا طنط اتفضلي
ملك: متزعليش هو ادم عصبيته وحشة حقك علينا
رقية: مش زعلانة وهعرف ازاى اندمه على اللى عمله
امسكت رقية بهاتفها ولكن قاطعتها خديجه
خديجه: بتعملى ايه بس
رقية: اكيد مش هقعد بعد ما مد ايده عليا هو انا مليش اهل
خديجه: متقوليش كده يا بنتى طب بصى تعالى معايا اقعدى معايا انا وعمك رأفت وملك وسيبيه لكن سفر دلوقتي تعب عليكى انتى والولاد وبلاش تكبرى الموضوع انا مكنتش عايزة اتدخل بس جيت اتطمن عليكى لكن انتى بنتى يا رقية
رقية ببكاء: مش مصدقة ازاى ادم ضربنى ازاى قدر يعملها دا مكنش بيهون عليه انى اعيط انا اه غلطت فى تأخيرى لكن دى مش طريقة
خديجه: حقك عليا متزعليش وعاقبيه براحتك
رقية: ماشي انا هجيب الولاد وهدوم ليا وهاجى معاكى
ذهبت رقية مع خديجه وملك وعاد ادم الى المنزل ليجده فارغا
ادم بقلق: رقية راحت فين والولاد
اتصل ادم اكثر من مرة بها لكن رقية لم ترد عليه
اتصل بملك
ملك: نعم يا ادم
ادم: مشوفتيش رقية
ملك: رقية عندنا هى والولاد متخافش
ادم: عندكم بتعمل ايه
ملك: معرفش
ادم: طيب
اغلقت ملك الهاتف
ادم: بقا كدا يا رقية بتعاقبينى يعنى
جاء الصباح
استيفظت رقية وادت فرضها وارضعت اطفالها ثم هبطت للاسفل وهى تحملها
رقية: صباح الخير
خديجه: صباح النور يا حبيبتى تعالى
جلست رقية جوار خديجه وملك
ملك: ادم اتصل امبارح وقولتله انك هنا
رقية: ماشي
دق جرس الباب ونهضت ملك وفتحت الباب لتجد ادم
ادم: السلام عليكم
خديجه: وعليكم السلام
ادم: ايه الاخبار
خديجه: عايز ايه يا ادم
ادم: ابدا جاى اطمن على مراتى وولادى
نهضت رقية وصعدت الى الاعلى ومعها الطفلين
خديجه: انت غلطت وتستاهل
ادم: انا هطلع اشوفها
صعد ادم ودق الباب ثم دخل
ادم: حبيبى اللى مخاصمنى حقك عليا
رقية: تمام اخرج بقا
ادم: طب ممكن نتكلم
رقية: لا واخرج برة
ادم: يبقى نتكلم ينفع اللى انتى قولتيه امبارح
رقية: اه ينفع
ادم: لا مينفعش واحدة تقول كدا لجوزها
رقية: يعنى دلوقتي انا الغلطانة تمام ماشى
ادم: انتى غلطتى وانا كمان غلطت وبعتذرلك اهو ممكن بقا تسامحينى وترجعيلى
رقية: افكر
ادم: وكيف يمر اليوم من دونك حبيبتى فانفاسى ترفض الخروج وعيناى ترفض الواقع فيكى الحياة وبدونك تسود دنياى ارجو السماح من قلبك الرقيق
رقية بدموع: مش هتكررها تانى
ادم: ابدا
رقية بضحك: خلاص هفكر برضو
ادم: تفكرى امم
ثم ضمها اليه هى وطفليه
ادم: يلا بقا نرجع بيتنا
رقية ماشى هلبس الاسدال.
ارتدت رقية اسدالها وهبطت رفقة ادم
كان يجلس كل من رافت وخديجة وحازم وملك
حازم:خالو
رافت: خير
حازم: انا عايز بنتك
رافت: بتقول ايه يا حيوان انت
حازم: اقصد عايز اتجوزها
ملك: يووووه بقا
..
اميره: لولولولولولى
ندى: اخيرا عصافير الحب هيتجوزوا النهارده
رقية: دا عدا 5 شهور عذاب من يوم ما قالتله يووه بقا خلاص موافقه
غادة: حصل دا حالتهم صعبة بس خلاص بيتجوزوا اهم
ملك: خليكم غيرانين منى كدا انا وزوما حبيبى
اميرة: يا شيخة اتنيلى دا احنا فرحانين اكتر منك ان اخيرا مغامراتكم خلصت وهتتجوزوا
ملك: انا مش مصدقه برضو بعد كل دا النهارده فرحى انا وحازم
دق باب الغرفة
فتحت رقية لتجد رافت قد جاء لاصطحاب ملك الى الاسفل وتسليمها لعريسها
امسكت ملك بيد والدها والجميع خلفها
سلم حازم على رافت ثم امسك بيد ملك وقبلها لتبتسم هى بخفة
بينما ادم كان يحمل يونس ابنه الذى يرتدى بدلة سوداء وبجواره رقية تحمل سيلا التى كانت ترتدى فستان ابيض اللون جميل
اتجه الجميع الى القاعة لتبدا مراسم الزفاف
دخل العروسان وبدات رقصة السلو
اعطت رقية طفليها الى خديجه واتجهت رفقة ادم الى المنصة ليضمها ادم اليه
ادم: مش مصدق ان مر اكتر من سنتين من ساعة ما شوفتك
رقية: كانوا اجمل سنتين
عند حازم وملك
حازم: وربنا ما مصدق يا ناس اخيرا بقيتى معايا
ملك: كانت رحلة طويلة بس نهايتها اننا سوا
حازم: بحبك يا لووكا
ملك: وانا كمان
عند ندى ومازن
مازن: قولى بقا فى ايه
ندى: عيلتنا هتزيد فرد
مازن: متقوليش بجد
ندى: ايوا يا مازن انا حامل بعد 7 سنين من جوازنا
لم يتمالك مازن نفسه ليحملها ويدور بها واخبر الجميع بالخبر لتنهال عليهم التهنئة
انتهت الرقصة واشتغلت الاغانى الشعبية ليتمايل الجميع بسعادة بالغة
ذهبت رقية لترى اطفالها وفى الطريق اوقفها احد ما واخبرها ان هناك احد يريد رؤيتها
اتجهت رقية الى حيث اشار
رقية: يااه ليا زمان مشوفتكش
المجهول: ما انتى نسيتينى خالص
رقية: مقدرش طبعا بس مفيش جديد
المجهول: لا فيه
رقية: فيه ايه؟!!
المجهول: فى مكالمة حصلت امبارح مع ادم الساعة 9 وكانت مدتها نص ساعة
رقية: مش ممكن كدا فى حاجه غلط لان فى الوقت دا ادم كان قاعد يتعشى معايا 
المجهول: والحل
رقية: لحظة كدا
ثم فتحت الهاتف الخاص بها ودخلت الى احد التطبيقات
رقية بصدمة: مش ممكن شكى كان صح بس ليييه
المجهول: كدا اتحلت ننفذ امتي
رقية: هجمع كل الخيوط واديك خبر بس اعمل حسابك انه قريب قريب اوى
•••••
ستوووب كدا خلصنا الفصل الحادى عشر من #حكايتي
البارت الجاى هنكشف المستخبي 😉
توقعوا مين الشخص واللى توقعها صح تطلب منى طلب وهنفذه دلع اهو مفيش كاتبة بتدلعكم زيى😂♥
بحبكمممم♥♥♥
#حكايتى ايمان حسن